希望大家買股票前要諗止蝕

其實今次美股大跌，大家應該可以早啲離場..

買股票最緊要唔係贏錢，係唔好輸錢，所以風險管理永遠應該擺係第一位
買之前首先係要諗邊一個位做止蝕（止蝕唔可以超過10%）
咁樣起碼可以保住本金，等風浪過左先再入場，呢個世界大把股票，大把機會，無必要一舖清袋
但你可能會諗，隻股票可能會反彈呢？你咁諗只係從賺錢角度諗
但其實隻股票亦都可能再跌落去，好似今次tsla nvda咁，早放係從保本角度諗，無必要投入咁多風險

我自己nvda上星期三高追，星期四都只係走一半，星期五開市走哂，都算走得慢，但起碼我依家無倉可以休息..就算如果Nvda 升返到$600我都唔會後悔早左賣，因為我執行左自己個規則就係到止蝕價就止蝕，認左自己買既時機係錯

等隻股票之後平穏返，到時咪再買囉，唔需要呢一刻同佢賭身家

最後希望大家明白風險管理係最重要，買股票前首先要保本，咁先可以長玩落去

真理

買股票最緊要唔係贏錢，係唔好輸錢
不如一開始唔買

未聽過一隻股買入賣出決定會因為你個position係贏定輸
你輸緊隻嘢跌既機會會大過你贏緊？

支持樓豬高買低賣
我哋止蝕教最需要你呢種人才

不嬲都話止蝕>Strong Hold
你坐又唔知佢幾時上返去
如果等十幾廿年時間成本都蝕埋
隻股未跌定
你再溝貨又係接飛刀
愈溝愈跌

最好都係先走貨
投資其他強勢版塊
想入返Tsla, 等佢開始起先再買返
就算你一離場佢即升都係賺少幾蚊
好過你賭佢唔知幾時升返

不過理論係咁
實際上邊有咁易

利申：大把科技股冇走

咁又唔同，你可以睇啱隻股票然後升20%，同時你可能睇錯隻股票然後跌20%，如果你睇錯左然後認輸，跌8%就止蝕，長遠落去你就會贏
當然你本身唔可以隻隻都睇錯，但你有50%勝率長遠都會賺

止賺都係
諗住摸頂 等下等下就要諗止蝕

同意，人性係咁，要守紀律好難，共勉之

睇情況啦 如果你仲有大把現金係手 又唔係高追嘅話梗係strong hold啦
個價一日未到目標都唔放 你買入同賣出嘅決定從來唔應該比市場價格左右
除非你係短炒/炒波幅啦

唔會，但係你隻嘢跌到咁上下，代表左你買入個下就已經錯，如果你分析啱，咁點會跌呢？
加上隻股票可以無了期跌落去，好似hsbc，gopro ，最緊要係識認輸，及早離場

都未必呀，你點肯定一間公司會長升落去？大把大公司跌到永不翻身既例子

跌可以好多原因 如果間公司無利差消息 只係被大市拖累而跌
間公司嘅基本面有變差到咩？ 保持冷靜分析比認輸更重要

跌左幾多呀。。。不斷升左成萬點

基本面分析同行業分析幫到你

仲有資金流嘅分析

有好多公司其本面無問題，但可能overpriced ，咁你錯既timing 買，隻股票都未必可以回返你買入個價，就算過幾年回得返都好，你本身筆錢如果止蝕左都可以投資其他股票，回報幾年可能早已經高過你strong hold

同意，個市可能只係回一回，所以如果個市穏定返我都會入返，暫時太波動不利投資

所以我一開始就話睇情況 你高追嘅話梗係要止蝕啦
Btw 真正嘅價值投資係唔會入場overpriced 嘅股票 而係只會選擇被低估嘅股票
當大家都意識到佢係優質股嘅時候 價值投資者們已經準備發掘下一隻成長股

要先於市場action 而唔係被市場帶著走 咁先係贏家

無人話要高買低賣
本身落得場，點會覺得自己係錯
但如果市況不利自己，止蝕係唯一可以做既事
今次事實証明止蝕係啱
我可以等待時機再買

我同意價值投資，但太哂時間，市場太多股票，無可能花太多時間每一隻仔細睇
所以依家主要係等大戶幫我screen ，睇下邊隻股票突然升同交易量增加（因為大戶買）然後先再研究

我唔會賺到第一水但機會點都多左好股票通常升完第一水會繼續升落去

但去到某段時間都係要走（好似Nvda 暫時overpriced)

歡迎遲啲大家一齊交流但依家市況波動就唔買住喇

我自己本身都有買其他股票，例如TGT 都賺左30%，但暫時都放哂喇，個市反彈或者穩定啲大家先再買啦