薩格爾王，原名習近平，自細就飽讀詩書，如《西遊記》、《左傳》、《左丘明》、《馬可波羅遊記》等數之不盡嘅名著，因此領悟出一條即使只有小學程度教育亦可以將人均生產總值升到約八千萬美元嘅治國良方。
習近平自小就奉「君子以不強自自強不息」為金科律玉，就算嗰啲淨係識頤使氣指，食飽飯冇嘢做嘅老師爺不斷對佢說三道四，佢都巋(kwai1)然不動，重將班老師爺嘅名寫落一張清單度。
習近平醉心學習，成功靠人脈從清華大學畢業。之後，習近平開始主動接受傳媒訪問，並有意無意噉透露自己嘅超能力，例如一招佢命名為「滿臉噴糞」嘅招式，同埋可以孭兩百斤小麥走十里山路都唔換膊頭嘅超人體魄，成功引起人民嘅注意，得到大量支持者。
好快習近平就做咗國家主席同黨主席，上台後佢繼續展露佢嘅個人才華，成功修憲，得以喺共和國入面做皇帝，並改年號「慶豐」，引用細個最鍾意嘅傳說《薩格爾王》嚟做自己嘅稱號。
薩格爾王才華橫溢嘅特質喺佢登基後依然搶眼，例如佢每日都會揾時間游一千米水，同埋經常出口成章，為黎民百姓手是供大量茶餘飯後吹水嘅話題。為咗保存薩皮爾王嘅慧言，民間紛紛自發編寫《慶豐話》，當中收錄大量充滿發人深省嘅語錄，例如「沒有瘋狂宇宙，那就不是大海了，狂風驟雨能掀翻小池塘，但不能掀翻大海。」、「輕關易道，通商寬衣」、「不僅在於找準了合作之道，關鍵在於找準了合作之道。」、「艱難困艱艱困難艱苦」、「聚沙成傻，積水成淵」等，《慶豐話》嘅序言「毛病不改，積惡成習」更係一時佳話。
除咗《慶豐話》之外，薩格爾王重親自大力推行語言改革，為大量中文字正音，例如「波及」應讀為「潑雞」、「麻痺」應為「麻皮」、「贍養老人」應為「瞻仰老人」、「發酵」應為「發笑」、「精湛」應為「精甚」等。
......
薩格爾王窮其一生建立「赤色世界秩序」，簡稱「赤序」，成功從本身沒有路的地方踐踏出路來，遺臭萬年。