[多圖][應該超長篇]從日本一周到隔離兩週，工作假期遊記 (1) 北海道·東北北部篇

睇過人造景點，係時候睇下天然風景，番去金森倉庫附近食左拉麵之後向南行。
離開觀光區，慢慢行去立待岬。


向著立待岬嘅斜坡上去，沿路都係墳墓，明明一啲都唔陰森，但硬係周身唔聚財咁
BTW，好風景，識揀，係今日唔好天姐，函館山都睇唔到山頂
其中一個墳墓係著名詩人石川啄木一族嘅。
石川啄木....就係嗰個死廢青毒撚詩人下話
...我工作 工作 又工作
生活依然如故
唯有凝視雙手
結局似乎可預見
這個哀傷
無論如何擦拭不掉
(中略)
凝視髒了的手──
宛如
面對這陣子的自己的心... (一握之沙)
連打J都可以寫首詩出黎，重話唔係死毒撚? (風評被害)





立待岬...你確定唔係跳崖名地?一去到就覺得會有情侶殉情喎
天陰陰，毛毛雨，重要好大風...仆街我有不祥嘅預感走先
結果未行返到電車站已經濕晒 好彩相機無(未有)事
無傷風已經好好


晚餐忍唔著又去番小丑食，炸雞真係好好味


第二日，由hostel行左2公里左右到碼頭離開北海道


原本以為自己上網訂左船飛，結果都係要現場買 真係唔明成個預約系統點運作


第一次坐日本郵輪，雖然知道普通席係坐/睏地台，親眼見到都覺得好新奇(sorry for 朦)


一上到船，個個都上晒甲板睇風景，我都揼低背囊上去影相。係就係驚個背囊俾人偷，不過反正無乜值錢野(最貴都係2k嘅手提電腦)而且又重(7kg)，費事孭著走黎走去咁傻


再見北海道，再見ありがとうファーム(WWWOOF農場個名)，再見道東。釧路根室阿寒摩周知床網走，如果有機會想去玩下

~途中~

[要唱一首津輕海峽嗎 xx:xx ✓✓]

[唔係冬景色 xx:xx]

會聽石川小百合(演歌歌手)嘅朋友

つづく

「みんなさん これが最後です さようなら さようなら」

月頭去過稚內，內心有啲沉重，因為太多紀念碑，記載住太多悲劇

稚內公園入面，有座冰雪之門，就係有個少女雕像，望住個天，而正前方係望向庫頁島

好睇
一直追緊po

lm

估唔到坐船過津輕

上野発の夜行列車降りた時から
青森駅は雪の中
北へ帰る人の群れは誰も無口で
海鳴りを聞いているだけ

強帖留名

"重有一個法國女仔，開頭以為係熱情大姐姐點知原來係鄰家女孩。我黎之後幾日佢就去左其他地方WWOOF。之後黎左三個畢業旅行嘅京都女中學生"

圖定老母

蘋果，太宰治，佞武多，林檎(猜一地方)
答案唔係李斯

東北


你好東北，你好青森，您好蘋果
船程個半鐘，從函館到達大間。
要趕巴士又唔想落船迫餐懵，趁啲人未擁晒上甲板之前企定前面先
認著右手邊個backpacker女仔


一落到船已經有一陣潮水香味同海風吹過黎
大間町係一個好普通嘅漁村(稱讚)，一路行去大間崎都好寧靜好舒服


本州最北，大間崎。 可能個朵唔夠日本最北勁，人流唔夠宗谷多
咁的確本身冇乜特別嘅
到左冇幾耐巴士就黎，盛惠2000
原本plan著試下坐順風車，但係次次都唔夠膽，喺啲車經過嗰陣都縮左沙
坐車嗰陣好嬲自己，心諗下次一定要硬起黎，隻手指公

上到車，又見到啱啱個女仔，睇黎佢係喺碼頭上車。到左陸奧市佢就早落車過我，我就下北站總站落。
司機好好人，我嗰時得10000蚊無錢找，佢俾我戴埋背囊落車唱錢
走去隔離個站再搭巴士，之後上車嘅又係嗰個女仔。明明咁有緣份，點解佢寧願同同車另一個女仔傾計都唔搭下我訕，明明我都係成個backpacker look


上山途中司機停車俾我地去飲下山水，好冰涼



未落車已經有勁大陣硫磺+臭雞蛋味
見到風車同地藏，終於真正進入恐山範圍。唔知係唔係俾動畫荼毒太耐，見到風車就好自然同墓地劃上等號


一入到去就已經一片荒蕪。硫磺嘅毒性同熾熱嘅溫泉令土地寸草不生，嶙峋岩石凸出，形成一片肅瑟畫象，令人聯想起死後嘅世界...本應係咁嘅，不過好多人，支那人都有
好想喺地藏條頸度key條海苔落去


又係個女仔，全程無同我交流過


硬幣好似係用鋅銅合金整，所以咁藍係因為合金分解左啲銅離子出黎?點解我硬係覺得關鋅事?
水溪啲水都污染晒，感覺好毒。我係特登上網查過安全先敢踼拖上恐山


我其中一個幾鐘意嘅景點，個佛像好似有結界咁，方圓一百米都寸草不生，結界外面就好似俾森林包圍咁樣


311鎮魂碑，合十拜拜之後望一望個像後面.....
嘩!好多手印，勁恐怖，好似俾李莫愁預告殺全家咁



去到極樂濱，人少番啲，總算有啲氣氛
平靜嘅湖面，淡淡嘅色調，死後世界就係如此寧靜安祥?




番到下北澤站，本來想去搵出名(?)嘅薯餅吃，但係行左成個圈都搵唔到一間開緊又賣薯餅嘅鋪頭，嘥晒時間得個桔
喺去青森市之前走走回頭路先，本州最北車站，大湊。大湊警備府唔夠時間去，只好喺站門口打個卡就走




青森鐵道原本係JR轄下嘅鐵道，雖然宜家下北半島無左JR，張北海(略)pass都包埋青森鐵路(同樣情況嘅重有IGR岩手銀河鐵道)，勁抵
夜遊青森大街，驟眼睇以為係停留左喺昭和時代嘅城市，但係睇到碼頭外面有時尚嘅酒吧，街上又有俾食肆包圍嘅公園，睇黎青森市有佢現代嘅一面

Check in
個男店員好似機械人咁講解，把聲又高
入到房，一陣昭和臭(物理)
成幢酒店裝修已經充滿昭和味，用連著大大舊嘅膠匙扣嘅鎖匙開門，陰極管電視，一體化浴室(連膠浴簾)，奶黃色燈光，紅色地毯......都算(反正我覺得有風味，幾鐘意)，嗰陣煙味真係好難頂
盛惠4000一晚



啊，電視播緊蜘蛛俠返校日......好多雪花

つづく

拜拜青森，重未係時侯拜訪你


青森=蘋果，連富士蘋果都係青森起源嘅，所以沿線全部都係蘋果林係一件好正常嘅事。
可惡，引誘我
講返富士(ふじ)蘋果係喺藤(ふじ)崎町發祥，所以叫富士純粹係玩日本人好鐘意嘅食字遊戲


以前睇過津輕鐵路嘅遊記，搞到自己都想坐下。我去到日本會特登坐某啲鐵道旅遊多少都係因為受嗰個遊記系列影響
五所川原站好聽啲就洋溢懷舊風情，難聽啲就殘舊破落
用緊嘅係都重係叫護美箱(ゴミ箱,都係食字)呢種古雅叫法嘅垃圾筒


睇到咁多古舊生銹嘅野就知呢條鐵路冇乜錢啦。呢個都係大多數鐵路面對嘅問題
唔好講私營鐵路，好多JR線都執左，好似夕張線三江線之類
似銚子電鐵咁樣靠燒餅(同係咁sell自己就快執笠)起死回生嘅真係好少數(銚子電鐵下一章會去，順便預告下)
而津輕鐵路就賣(所謂)路軌擁有權，一公里￥5000三年
另外會因應季節，列車入面有唔同主題，夏天車入面會掛風鈴，冬天就燒魷魚列車


太宰治→《奔跑吧!梅洛斯》→梅洛(メロ)→蜜瓜(メロン)→橙色


從金木站租單車踩到斜陽館，沿路都係太宰治嘅作品，不過我對佢嘅作品嘅認知僅限於青色文學系列(動畫)


去到未開門，就去對面間手信館買早餐，撐蘋果







太宰治，又係廢人作家一個，而且佢好有自覺，人間失格根本就係佢嘅自傳
斜陽館係太宰治故居，個名係改成旅館後以佢嘅作品《斜陽》命名。但係太宰治本身係左膠一名，參加過左翼運動，可想而知佢係幾咁唔鐘意佢身為議員同資產階級嘅老竇同象徵佢家族地位嘅大宅。諷刺嘅係呢間豪宅成為左記念佢嘅地方


蘆野公園係好熱門嘅賞櫻地點，最出名係佢條櫻花隧道。不過春天一早過左
而兜到公園後面就係賽之河原地藏尊。同恐山一樣係慈覺大師開山，慈覺大師信奉天台宗，天台宗又以山王權現為守護神，所以鳥居係山王形鳥居係好合理嘅事
我去呢間寺最大目的原本係想影嗰個排滿晒地藏嘅祭壇...不過唔知地藏尊堂係唔係免費開放，我又無走去問，最後都係影唔到 生而為內向撚，我很抱歉 by太宰治


上年係太宰治生誕110年，車入面都係佢嘅裝飾。上到車有一班津鐵員工兜售紀念品，可以見到津鐵為左生存諗左好多辦法搵錢。不過賣嘅野唔係我杯茶又掗背囊位，不了








佞武多(官方譯名係"睡魔"，但係我唔鐘意所以用另一個音譯嘅名)有三大種，青森組佞武多，弘前扇佞武多，五所川原立佞武多。平時上網/廣告見到嘅大多數係青森嗰種。
立佞武多身高23米重19噸。呢間立體睡魔燈籠館本身就係一座倉庫，外牆可以隨時打開放佞武多出來遊行，沿著螺旋通道可以從底望到頂。
咁啱同班幼稚園/初小學生一齊行，有幾個睇佞武多驚到喊咁濟，「コワい～」
上到頂有影片介紹番立佞武多嘅歷史，從興盛走向衰落再復活


五六十年代，現代化對電力需求增加， 五所川原愈黎愈多電線，立佞武多又高又係紙製，一個唔小心撠到電線就有機會著火。所以立佞武多愈做愈細，沈寂左一段好長時間，當中建造技術都瀕臨失傳。直至廿幾年前有人喺屋企挖到張設計圖先至復活，再配合現代科技(電燈)令佞武多可以喺夜晚都見到，重要更加有氣勢。所以而家嘅佞武多祭係喺夜晚進行



Check in之前去弘前城行番轉。冇櫻花嘅弘前城就只係一座普通嘅城
值得留意嘅係，因為天守閣(就係上圖好的骰嘅城)地基有崩塌危險而家重維修緊，坐天守成坐移到而家呢個位置。佢都係東北現存唯一一座天守
詳細請見:https://www.youtube.com/watch?v=aCxe8ZhVuZI&t=43s


jm9


唔少得青森銀行



Hostel係青森第一間膠囊酒店，同前一日間昭和酒店價錢差唔多不過乾淨好多，至少冇味

停屍間...?

つづく

你想要邊個

反正全部打格仔

老母等緊你

(心中嘅俳句)

唔係冬景色，而且係反方向。成件事錯晒

巴打我去咗四次青森都未去過下北半島同津輕地方

咁要講嘅話都冇乜青函聯絡船淨低行緊啦

就算去左成年日本，次次睇google map，見到未去嘅景點都重係多過去左嘅景點幾倍嗰陣...

睇化了

恐山總共行左幾耐？

樓主幾歲?

唔計車程行左個幾鐘，不過我認行程chur左啲。如果有興趣可以浸下恐山嘅溫泉

另外更正一下，下北半島嘅鐵路重係JR營運，而青森鐵路嘅範圍係青森東邊下半部，靠印象寫無fc度唔好意思

個人資料唔答，但係肯定30以內

青森好想要去下北

好遺憾咁通知各位，今集係最後一集，多謝各位長久愛戴

其實下一日就要番工，所以會開新一章(post)


7月7號，一大清早check out出到去就見到一排人推著花車喺馬路上行，睇黎七夕弘前有祭典搞
弘前俾我印象係比青森市更加現代化嘅城市。從JR行到大街途經住宅區，一路上有啲時尙嘅鋪頭之類，又有小型戲水池(感覺上似香港新型屋邨嗰種下鋪上居咁)。咁啱星期日嗰個住宅區有朝市，不過賣嘅係花、衫、自製食品etc，完全for居民嘅


行番去JR附近搭巴士睇神社。車上幾乎都係登山客，個個都喺神社前落車，好似得我一個淨係為左拜神
弘前出名雪糕，喺岩木山神社出面啲阿婆一早已經準備擺攤(市內都見到差唔多款嘅小販，似係特許經營)。其中有一個阿婆搭我訕，問我係唔係行山.....我無班友咁勁，我淨係為左拜拜咋


岩木山神社相傳始建於1200年前，之後由坂上田村麻呂修建改址到山下面(田村麿係第二代征夷大將軍，唔似豐臣德川咁得個名，人地真係征過(蝦)夷，所以有唔少東北嘅景點都關佢事)，另外神社有北門鎮護嘅稱號，應該係因為當時日本(大和民族)領土未去到北海道，青森已經係最北邊境

有話岩木山神社因為構造似日光東照宮所以又被叫做奧日光。之前去過東照宮，對比一下先

斗栱、地台、彫刻都幾似嘅，不過色調就完全唔一樣，而且東照宮好多屋簷都係用唐破風*。一半一半似啦

*唐破風雖然叫唐，但係無證據話關支那事。睇番資料，現時中國幾乎無唐破風嘅古蹟，就算有都係抄日本嘅。考試唔考，但係記著唔好俾支那話呢樣係佢發祥

但人地岩木山神社比東照宮早起差唔多成千年，點解反而俾人話似東照宮。咁講凌波麗夠係抄長門有希架啦
可能係德川家康想自比做田村麿咁勁所以抄考左建築風格啩


神社出名呢個靈異點(心霊スポット).......就係水龍頭三個，神聖還神聖，一啲都唔靈異囉



津輕國一之宮get。呢個同北海道神宮(蝦夷國)都算係新一之宮，因為原本東北(唔計山形新潟)都係陸奧國範圍，後來先拆細成幾個國
順便貼埋之唔記得左嘅恐山御朱印


臨走買番杯雪糕(應該係雪葩?)食 ，既然個阿婆搵我搭訕，都係幫襯佢啦


番到市中心喺鋪頭(睇落似廠)買左另一杯，完全唔同嘅，雪糕硬掘掘，脆筒又唔脆，失敗。


重傳建，重要傳統的建造物群保存地區。簡單黎講就係保存古舊建築嘅街道。弘前城隔籬嗰個係仲町。可能時間尚早，冇人得我一個遊客，管理員都係啱啱準備開門。
入到去無乜特別，普通民居幾個(不過已經係當時武家階層嘅住宅)。好似明白晒點解無遊客黎參觀。
而且啲管理員好熱情好落力同我介紹(雖然口音好重唔係聽得好清楚)，係唔係因為太得閑太寂寞，難得有遊客黎所以先咁落力

青森重出名稻田畫，弘南鐵路有個站個名就係叫田んぼアート(農田藝術站)。不過鐵道終點有另一個重傳建。時間唔夠我只可以揀一個睇。但如果為左個個都識去嘅景點而放棄歷史建築嘅話，嗰個就唔係我，所以go to 黑石町


黑石町B級美食。叫得B級就唔好預佢係咩珍饈佳餚，只係本地特色料理黎
特製醬汁炒麵加紅薑，係當地舊時平民百姓流行嘅食品


蘿莉鐵道娘


得半日時間遊覽弘前(+近郊)，係時侯出發去下一個縣準備番工，再見蘋果


途經秋田縣大館等轉車。嗯?唔係京都喎
大館係秋田犬之鄉，有秋田犬觀光中心係好正常嘅事(再行入啲重有秋田犬會館)，趁下一班車重有半個鐘，衝過去睇下先


好多狗狗好多小朋友
隻白色狗都係得10個月大，咁大隻都係小朋友....?


連八公都係大館出世


繼續南下，向小拳石縣...唔係，岩手縣盛岡進發。由3點弘前出發6、7點黃昏終於見到岩手山，代表已經進入岩手縣。
岩手山別名巖鷲山，岩手(訓讀:いわて)→音讀:がんしゅ→巌鷲(がんじゅ)
順便一題，恐山(おそれ．やま)係來源至宇曽利山(うそり．さん)，至於宇曽利係唔係愛奴語就未有定論。

盛岡搵唔到啱心水嘅hostel，係時侯訓快活club喇
快活club個名係有點兒那個，不過人地係好正經嘅網吧，係backpacker同網吧難民好熱門嘅住宿地。免費飲品吧(連湯同雪糕，雖然雪糕口感差左啲)，藏量豐富嘅漫畫，上網唔洗講，AV都有得睇(不過我諗無人敢打J，因為除左部分分店有個室之外無間房係密封)，最正係佢啲飯聽講幾好味。不過法例問題，所有網吧都係會員制，而且要有住址証明先做到會員

再見，晚安。
僕の冒険はこれからだ！
(BGM) ♪～透明よりも綺麗な あの輝きを確かめにいこう......





凌晨2點，好難訓得著，聽日重要一朝早起身搭車履新
第一章おわり

秋田