【睹港府挑釁抗爭者】太極主音雷有曜由政治冷感升級變同路人

太極樂隊主音雷有曜（Albert）雖然移民加拿大多年但仍心繫香港，去年開始一直有為「反送中」出力，他最近接受鄭敬基的訪問時講到自己如何由一個和理非變成走到加拿大街頭抗爭的「手足」，更直言因為怕被指勾結外國勢力，而不夠膽返香港。

訪問中，Albert講到自己當初如何由一個和理非走到街上為港人抗爭，他承認自己從「反國教」、「雨傘運動」以及在2019年的初期，並不覺得香港發生「好大件事」，直至去年6月9日100萬人上街後：「香港政府喺夜晚11點幾宣佈送中條例繼續二讀，咁我就覺得『你咪挑釁抗爭嘅人士？』當晚佢哋已經走、散晒，根本已經完，你點解要喺呢個時候激嬲佢哋？你點解唔第二日先宣佈？偏偏要喺嗰個時間講出嚟？咁咪搞到件事越撩越猛！」他指從那刻起，自己內心開始對事情感覺憤怒，而這種感覺亦慢慢提升：「就好似和理非一樣，一路越行越前，當初冇諗過出去遊行呢啲地方，仲要我曾經喺（加拿大）遊行嘅第一排，我同陳偉業（前立法會議員）一齊好似帶隊咁，我都估唔到我企到咁前，仲揸住支旗。」鄭敬基聽完後笑言他若在香港的話，會被指勾結外國勢力，而Albert亦認同地表示自己已不夠膽回港，因為覺得經過這些事情後：「返香港都有危機！」



https://hk.appledaily.com/entertainment/20200905/HOQX7COX7VFZJMKNQ4QYFYZRGY/

去年11月中旬，反修例衝突演變成大學攻防戰，其中理工大學更變成戰場，警方當時重兵包圍理大，更揚言要以暴動罪拘捕大學內的所有人。原來學生被圍捕當日，已移民到加拿大的雷有曜（Albert）亦剛好身處香港，他在接受鄭敬基的訪問時，更分享當晚自己與太太在酒店中目睹的一切。

Albert透露當時自己正住在油麻地一間酒店，而窗外正可清楚地看到彌敦道：「我哋望落去，抗爭者喺右邊，左邊一排防暴已經佈防，我哋睇咗一陣就聽到已經開始發催淚彈，不停嘅，Boom Boom Boom，好多，跟住啲細路梗係走啦，有啲散咗去內街，即刻睇到右邊防暴包抄，衝入內街截停抗爭者，我哋當時嘅感受係好慘，我太太已經不停喊，佢話：『我哋需要聯絡加拿大呢邊有關人士，睇吓有乜嘢可以幫到。』」Albert謂當刻與太太即時各自打電話回加拿大：「牧師又好、一啲組織嘅人又好，都話畀佢哋聽我哋而家呢刻喺香港發生嘅事，問佢哋有乜可以做到、我哋有乜可以做到？佢哋話已經做緊，牧師有牧師嘅祈禱，另一啲人就話盡辦法睇吓可以聯絡到啲乜人，又叫我哋聯絡溫哥華領事。」

https://hk.appledaily.com/entertainment/20200905/2RGWKEGH5JBN5KYP6ZSPYKT3RQ/

借位唔該

海康威視又出現了
https://lih.kg/2190399
- 分享自 LIHKG 討論

推
[行動Post]掛衫表態大行動！
https://lih.kg/2190408
- 分享自 LIHKG 討論區

推

一直以為太極主音係雷有暉

歡迎手足加入

太極

雷有曜（英語：Albert Lui；1959年10月29日－），是香港一名音樂創作人與歌手，搖滾樂隊太極樂隊的隊長（於1984年成立太極樂隊）；曾於1979年組成Trinity樂隊（已併入太極樂隊）。擅長和音與中高音。1993年離開太極樂隊，移民至加拿大，但近年亦有回歸樂隊並參與演唱會。

所以而家係雷有暉做主音既.
BTW而家呢隊太極係藍定黃?