水族新手

無
黃左幾條啫

石底係鹼，舊木係酸
建議你test吓好 唔係好快你要反缸再黎

濾材好重要，佢原裝有咩濾材？

得幾舊綿同埋幾粒生物環

綿係物理隔屎，生物環先係養菌，有位就加啲環啦，唔係硝化系統搞唔掂的。

其實新手用AA缸都方便，未去到話一定好傻仔先用，只係玩耐咗就會升級買靚啲嘅缸咁解。我初初都係用8吋方缸養下金魚，之後轉咗AA 14吋套缸養蝦，依加就2尺缸鬥魚，燈魚，蝦混養。
孔雀魚其實要中性到微鹼性水，易死或者燒鰭有機會係水太酸。同埋個缸愈細個硝化系統愈難build up，最好開缸一個月以上養好晒水先落魚，一星期時可以落一兩隻螺或者米蝦幫手食下藻，細缸有心機其實都可以養得好開心，我有用過8吋缸養陰性草加鬥魚，其實幾好玩，係打理煩啲，細缸每3日要換一次水，每次唔可以太多，最多1/4左右，上YouTube有好多教學，台灣歐洲都好多，可以睇下。你可以買啲生物環換走個頂濾啲白棉，養好水先。

之前棵水榕比我扔咗，而家我想落番啲水草用番我而家啲石仔底得唔得？定係要換過第二隻，而家個幾條魚好似比我拎左黎做白老鼠咁

係要交下學費嫁啦 你咁快知自己比人水左已經好好彩
我當初玩都係咁, 魚街d仆街係咁話得嫁啦, 夠嫁啦, 用呢d得嫁啦
搞到魚又死又係咁爆藻, d草應該生既唔生, 唔應該生既就爆哂出黎

到最後做足功課先再出去由頭買一次d野

btw 如果你第時要買燈/水冷/Co2 可以入d 2手Group睇下, 好多師兄好平放出黎, 呢幾樣野買全新既都幾貴

要種水草最好唔好用沙，雖然有人成功到，但好難。最簡單去魚街買一小包開缸三寶幾十蚊，加一包黑土，落咗三寶先再落黑土，大約2吋左右厚嘅泥底，如果無CO2燈又唔係好強可以考慮下種陰性草先，例如天湖荽，鋸齒太郎，迷李小榕，平價辣椒榕，皇冠類，莫絲等等。初期開缸最好唔好落生物住，買一支硝化細菌返黎，每一至兩日換走個缸入面大約2份1嘅水，每次加小小硝化菌，頭一個星期大約換4至5次水，用水喉水的話記得要做除氯氣嘅動作。一星期後可以換幾隻米蝦或者螺做死士放落去試下水質順使幫手食下藻，再過多幾日至一星期，啲生物無事就可以開始放魚，唔好太多，計返大約幾L水，每L水大約可以養1cm大嘅魚，最好唔好超養太多啦。例如2尺缸60L水，你想養啲3cm大嘅魚，咁上限就係20條，細條啲就數量可以多啲咁囉，大致上基本係咁。
另外慢慢你會發現呢個係一個陷阱，愈玩愈多野

而家就睇下我個幾條魚去到幾耐

搞到我而家想轉缸自己砌番個，但係又冇理由唔理舊個幾條魚

你太早放魚
除非你有舊水舊棉養菌
如果唔係啲魚好快一獲熟

正常新開缸係需要一星期左右
想快既去魚街/問魚友拎塊舊棉黎用
你啲泡係蛋白質黎
證明你個缸入面既硝化系統未完成
每日keep住換少少水 真係少少
睇下你啲魚捱唔捱到
如果佢地有食野有屎就冇問題
啲屎可以製造菌

你呢個AA缸做醫生缸囉，還掂點都要有個醫生缸
你砌過新缸，養好水先對水放番ｄ舊魚入去

暫時都正常既

屋企冇位