水原藍翼與川崎前鋒衝突事件始末
圖1:比賽期間有2名年輕川崎前鋒球迷展示出旭日旗(二戰時期旗),被外間認定為有濃烈軍國主義
當時我地係完全唔知,喺中間位專心打氣,無留意。
球證一吹完場雞,水原藍翼ulters 就從對面即刻衝曬過來我地依邊,非常激動猛烈抗議,但根本無人明講乜,來勢洶洶保安並未有阻止。
可以睇到係有備而來,笠帽帶超頸巾遮面,btw,佢件水原外套好靚。
步步進逼,包圍左我地,水原職員先意識到事態嚴重,但已經返唔到轉頭,開始有肢體衝突,什至有水原球迷想向我地扔杯(但扔中左水原職員,笑)。場面已經失控,水原ulters連水原職員都推撞,打,而我地所有球迷都集中一齊,以免被群打。而應援團則盡力分隔眾人,避免衝突。
擾讓左近20分鐘,警察進場,先暫時停止。水原職員同川崎職員不斷交涉中。
依一刻我係認為水原球迷輸唔起衝過來打人,無品。
透過翻譯,水原職員,水原球迷代表,川崎職員,川崎球迷代表開始正式交涉,講乜無人知。
到左20:42,即大約完場後1小時,經水原職員安排下,進入球場,將會從球場正門口離開。
等候離開時,川崎職員拖住2個川崎年輕球迷(舉旗果2個),佢2個心感悔意內疚,向全部川崎球迷道歉。川崎職員向大家講番發生乜事,就係因為果2名年輕球迷展示旭日旗而導致水原球迷極度不滿憤怒。
依一刻了解左整件事,係川崎球迷唔啱在先,難怪人咁大反應。
舉旗果2位都唔知道旭日旗於外國,特別中國韓國係大禁忌,佢都話以後唔會再咁做。
最後由警察護送至巴士站離開水原,當時為21:00
件事就係咁。
既然講開,我都唔爭在講埋上年川崎前鋒球迷打大宮松鼠球迷事件,我都在場。
場波輸左3:2,球證執法引起爭議,加上大宮松鼠球員橫谷繁場上惹火行為,輸波心有不甘就令數名川崎前鋒球迷做左一件好錯的事:
衝出馬路阻止大宮松鼠隊巴離開,接著有大宮松鼠球迷講左幾句說話(我唔識日文,唔知講乜),數名川崎打氣隊球迷就失控追打大宮松鼠球迷。
我重申:我極不支持依種球場暴力文化。
而最後,川崎打氣隊出道歉聲明反省,川崎前鋒會方都道歉。而該數名川崎球迷亦被J.league賽會罰禁止進入球場睇比賽,帶頭果名川崎球迷重罰停賽5場(即2個月)。暴力係要付出代價。
可能我講多錯多啦,我就將我現場所見講番出來,再次出申:本人不支持暴力文化。
係咪又迫害我川
![](https://cdn.lihkg.com/assets/faces/lomoji/01.png)