日去俄來-蘇聯軍隊滿州罪行實錄

講起二戰嘅蘇聯，大家應該都會諗起佢同德國嘅戰事，好少可提及佢哋喺遠東戰場打過日本
呢度唔係同你講佢打過乜仗物仗，而係要討論蘇軍戰後喺滿州做咗D乜
蘇軍喺東北嘅表現係依家中共嘅一大黑歷史，佢哋選擇忽略嗰陣東北發生嘅事

背景
蘇聯佬喺建國初期推翻沙俄簽過嘅條約，視為前朝嘅歷史文件對佢哋冇約束力
當中包括1907年簽署嘅<海牙公約>，佢哋要到1955年先捨得簽番
二戰時嘅蘇聯軍隊雖然好勇猛唔怕死，付出咗好大嘅犧牲去換取勝利(其實二戰蘇聯死人太多呢個問題去到依家嘅俄羅斯都仲有影響)
但係，佢哋都係罪惡嘅化身，只要有紅軍嘅地方就有屠殺、酷刑、強姦、搶掠、強制遷移嘅問題出現
唔少東歐戰後嘅鐵幕國家都有向蘇軍暴行向大佬表達佢哋嘅concern，例如東德同南斯拉夫，但蘇聯表示WFC，史大林更加堅決唔割紅軍唔俾D靚污蔑佢哋嘅名聲

芬蘭拉普蘭Seitajärvi被蘇聯游擊隊所殺的平民、1942年。

@五毛 沙田you

唔該借個位嚟

有用 post ,樓主可唔可以置頂？唔該曬

真係想保護自己同身邊嘅人？即刻入嚟睇吓!

[實用文] 教您點先可以保障私隱、網絡安全
- 分享自 LIHKG 討論區
https://lih.kg/2185179

入主東北-八月風暴行動
1945年，美國為咗盡快結束太平洋地區對日戰爭，降低美國嘅損失，於是喺1945年2月喺烏克蘭克里米亞嘅雅爾塔，美國總統羅斯福同英國首相邱吉爾、蘇聯人民委員會主席史達林三國領袖達成《雅爾塔協議》，要求蘇聯進軍中國東北，蘇聯喺1945年8月8日日本投降前夕對日本宣戰，進軍東北，呢個就係「八月風暴行動」。
當時喺東北嘅滿州軍同關東軍抵擋唔到蘇軍嘅鋼鐵洪流，加上日本本土已經投咗降，兵敗如山倒嘅日本軍隊只好喺七十五年前嘅今日宣布投降
但係，佢哋撤退時並冇帶走老弱婦孺，結果呢班人只能俾嚟到嘅蘇軍同東北抗日聯軍㩒住搶，仲發生咗唔少慘案
戰俘都唔係好得好多，佢哋都俾人趕咗上西伯利亞D古拉格，六分一戰俘死喺戰俘營入面
死亡人數大約十萬人左右

對日本僑民嘅暴行
牡丹江事件
1945年（昭和20年）8月，喺滿洲國東滿省（現中華人民共和國黑龍江省），680位流離失所的日本僑民俾蘇聯紅軍虐殺，生還者只有20人

麻山事件
1945年8月9日，當時駐紮喺雞寧縣（今雞西市哈達鄉）日本『哈達河開拓團』一千三百多人，得到撤退令，趕着一百多輛馬車，向雞西方向撤離，以為到咗嗰度之後就可以搭火車撤退到牡丹江，哈爾濱，然後返日本。
8月12日，離日本天皇正式宣佈投降只差3天，先頭隊伍遭到蘇軍戰車部隊嘅包圍同攻擊，於是佢哋決定集體自殺。
事件中421人死亡。

葛根廟事件

8月14日上午11時40分，當日軍護送隊去到葛根廟山丘附近，遇上有14架T-34坦克同20架半履帶車嘅蘇軍先頭部隊，淺野參事官舉白旗上前，喺蘇軍接近之後開槍攻擊蘇軍，結果俾機關槍打死。
蘇軍跟往開始對山丘上面嘅人開火，坦克仲追上去實行坦克碌豬有D人係未死的，周圍血肉橫飛。蘇軍每次都殺了一陣就先回去補充彈藥和補給，等日軍後退後就又上前追擊。同時蘇聯車載步兵還上來用刺刀捅死發現的倖存者。兩小時後一千多人戰死，經此時只剩下一百數十倖存者。倖存者也多由於被打傷、被坦克壓傷、或是家人已經不在而自殺。死者中有兩百名興安街在満國民學校學生。

東北抗日民主聯軍對撤退嘅不斷追擊，逃跑嘅日軍好多俾人剝光豬，也有倖存者逃亡到河中心被浸死。亦有一D日本婦女被輪姦。有一個女人俾蘇軍殺死佢D細路之後又俾中國人剝光豬之後將佢嘅波割走。
抗聯的自由戰士由於缺乏重型火力，所以佢哋唯有用冷兵器(例如刀同棍)對擁有重火力的日軍展開進攻，關東軍潰敗後拋棄隨行的家屬，D東北軍仲拎棒打帶着小朋友嘅女人將小孩奪走賣佢哋豬仔日本男仔賣300Yen，女仔500Yen。

蘇軍喺東北嘅暴行
罪行二:搶掠物資
「九·一八」日本佔據東北之後，經營各種輕重工業，十幾年嚟投入資金，投資額係一百億美元以上。
日本人好認真咁建設東北，將它當做自己地方咁經營。去到1945年，東北三省嘅工業規模位居亞洲第一，鐵路里程佔全國一半，工業生產總值佔當時全中國80%。

30年代嘅瀋陽浪速通

但蘇聯紅軍佔領東北嘅短短半年時間，淨係計瀋陽，蘇聯紅軍就洗劫咗972座工廠，佢地甚至破壞供水系統、排水系統同供暖系統。致使瀋陽90%嘅工廠無設備、東北70%嘅鐵路無火車，留下一座滿目瘡痍嘅瀋陽俾嚟到嘅國民黨官員。

當時一座被強行拆遷嘅工廠

佢地都搶劫咗當地銀行，除咗發行冇得兌換嘅紅軍軍票二十億元之外，更加公然劫取公私營銀行現鈔同金銀外幣，其中齋計搜刮滿州中央銀行嘅金額已經有七十億日元以上。

位於新京(即長春)嘅滿州中央銀行

另外，喺戰爭後期，日本計畫同美軍喺本土決戰，並計劃將裕仁天皇搬去東北，所以當時嘅東北儲存咗好多軍需物資同工業原料，足夠一年之用。
蘇軍進占東北後，即刻將各大貨倉嘅物資大肆掠奪運返去俄羅斯。
中共都喺滿州攞咗大量物資，當中包括:
幾十萬支槍、
幾千門大炮
(註:中共入主東北之前只有154門大炮)、
二十萬滿州軍、
大量布匹同糧食
當時喺東北嘅裝備甚至多到可以支援返關內
嘅共產黨部隊

當時接收日軍裝備嘅蘇軍

據統計，蘇聯喺東北地區掠奪造成嘅損失喺當時價值53億4千萬日元，折合當時美元係13億6千萬。
呢個數字仲未包括未定價嘅:
白金32,401.55克、
白銀 1,866,549.69克、
鑽石741.0662克。
1946年國民政府表示八年抗日經濟損失133億美元。即係蘇聯喺東北掠奪嘅物資，相當於中國抗戰八年所有財產損失嘅十分之一。

蘇聯喺滿州嘅暴行
罪行三:拒絕撤出滿州
本身蘇聯應承咗中國政府(國民黨)會喺戰後三個月內完全撤出東北三省，一切由國民黨政府接收
國民黨政府為咗討好蘇聯，簽訂咗三十年和約，甚至同意內外蒙獨立以換取蘇聯準時撤軍，但係……
蘇軍撤出中國東北嗰陣日本已經投咗降大半年，而且，撤退後嘅東北是咁的

國民黨:說好的東北完全歸還呢？

罪行三延伸:
蘇聯當時曾經解釋，佢地唔撤退係因為國民黨唔肯將D工廠權益同佢地開心share，所以拉長咗談判。

嚴格嚟講，佢哋其實冇完全退出東北，蘇軍一直佔領大連嘅旅順港直至1955年

東北人民嘅反抗
咁撚樣嘅統治自然招惹當地人不滿齋計瀋陽市就有幾千個蘇軍俾當地人殺死可見當地人幾憎蘇聯佬

喺2010年出版嘅《日本行，中國更行》一書中披露咗一件事：
據吉林省德惠縣郭家屯周建章講述，一個蘇聯士兵強姦咗嗰度嘅女人，當地人好嬲好嬲，將個士兵私了打死咗。結果激嬲咗蘇聯軍隊，佢哋調咗大炮過去，要炮轟郭家屯，D人已經散哂水了。

中共八路軍入東北嘅第一批部隊喺send俾中共中央嘅電報入面報告當地蘇軍「衣衫襤褸，紀律甚壞」，佢地亦向蘇軍提出交涉
但係蘇聯同中共都表示WFC，結果第一批入去嘅八路軍都成為蘇軍暴行受害者師令員盧冬生更加俾蘇軍搶嘢之後打死咗

結果
蘇聯軍隊喺46年上半年撤退後事情彷彿告一段落
國民政府之後忙住打共產黨，唔得閑再同蘇聯周旋
共產黨……更加唔駛講，當冇事發生，繼續強調中蘇一家親，即使中蘇決裂咗毛澤東都只係話46年喺東北出現咗D undesirable incident
因為佢地知道，可以打敗國民黨硬件上完全係蘇聯嘅功勞，唔係佢地講咗七十幾年嘅「小米加步槍」。



位於瀋陽火車站嘅蘇軍紀念碑，
上為舊貌，下為現貌

結語
仲記得早幾個月俄羅斯駐中國大使館post咗個微博Tweet慶祝海參崴建城160周年嗰陣好多中國人表達強烈抗議嘅同時一堆俄養唐狗(又稱黃俄孝子)衝出黎話唔好挑釁俄羅斯，又話割咗出去就唔好再幻想云云。
食屎啦屌你老母！
毋忘日本侵華毋忘南京大屠殺，拍十幾廿萬套影講嗰陣嘅嘢但對蘇聯軍隊喺東北嘅行為完全視若無睹仲要立紀念碑紀念佢地嘅付出，真係人唔笑狗都吠呀
係，或者有一日中俄唔再友誼永固嗰陣呢段歷史會重見天日，但講緊六十年代中蘇瀕臨戰爭邊緣嗰陣呢段歷史都冇被提起過啊，依家受害者應該都死得七七八八，呢段歷史可以被提起同重視嘅機會更加渺茫
歷史係人類最中立嘅教材，如果由得個教材就咁冇咗唔汲取歷史嘅教訓，由得呢件事湮沒於歷史長河入面，人類必定係會再次犯下同一個錯，然後再製造一批新嘅受害者
邊個可以確保自己唔會係另一個受害者？

push

樓主寫得好好睇

想睇大清洗

強姦婦女

Push

蘇聯打德國果陣又係係咁強姦德國婦女
所以蘇聯係咪先係強姦大國

所以而家俄佬女多男少，d女多到要出口做雞係抵能死、係報應