經歷過磨合期既情侶

我睇到都覺得好唔開心

佢真係好多野都唔講
一齊左冇耐就發現問佢認真野佢永遠都係遊花園咁答我
因為呢件事嘈左鑊好甘嘅（其實都係我單方面嘈...）

一齊住都仲要唔講出口
其實對方好無奈架...

一齊咗十年幾，開頭一定係咁，之後三年開始穩定，六年開始悶同灰心，想識另一個，過咗之後，就覺得除咗佢都唔會搵到第個咁夾

歷程係咁，時間會話比你知係唔係佢

六年個關口聽落好危險
多謝巴打成功既例子

咁睇下過一排有冇得救

個時仲係20幾後生仔。。咩都唔識

不過其實咩都係藉口，同居3年自己可能真係厭咗 , 唔愛

佢冇改...
我由一開始一齊已經同佢講
有咩不滿都要話比我知
佢一直都知我屋企背景各樣
但都唔肯鬆口
事後啲朋友同我講
聽完佢呻都覺得佢好有問題
叫佢改下心態同諗法
但佢都係愛理不理
由得我地之間嘅問題發酵

拍咗拖五年同居中
第一年到第二年都有磨合，再加我抑鬱症，差啲一拍兩散。好彩佢真係EQ好高好包容。我心得就係嘈完交唔好白嘈，一定要事後心平氣和拎岀嚟傾點解決，下次唔好嘈同一樣嘅嘢。同埋嘈咗交，男方女方都好，都應該早動去示好，唔好成日等對方做主動，認下低威真係冇嘢。良性溝通解決一切。

磨合個陣嘈過幾次大交 幾夾都係都一定會有分別 無論係價值觀 性格 我之前都辛苦到想分手 但係磨合完之後會更加了解對方 知道對方想要啲咩 之後就會更加夾 磨合期過左之後基本上冇乜點嘈過大交

直接將你嘅不安講比佢聽
佢會比到答案你

唯有係咁啦

但我其他朋友叫我追唔返的話就做得決斷啲，要真係晒所有聯絡

問題係我唔想做到咁絕，如果佢真係有一日會返轉頭的話，我真係會願意等

我係咪好傻呀？ 但冇法 佢係我最愛嘅人

都唔係嘅， 不過要追返都一定唔係依家。驚你越追佢越走。如果佢唔係鍾意咗第二個，佢想單身要返d空間你只可以尊重佢。佢都有自己嘅諗法既。。不過直覺上我覺得佢唔係咁鍾意你，原諒我係咁直。

睇你自己心態得唔得做返朋友先囉，一定唔可以再msg轟炸人㗎啦，或講d曖昧嘢比壓力佢。
講真放棄一定係最容易嘅選擇，因你都要扮無嘢，做朋友咁實好辛苦。但你想追返可能真係要等機會。

希望等到呢一日

頭先行旺角有人busking ，聽到首情歌忍唔住喊左出嚟