一開頭先由飲食開始, 戒糖, 戒哂所有有糖飲品, 薯片個d
早餐食水煮麥片, 一杯水
午餐正常食茶記SET ABCDE,飲凍0茶走甜
晚餐, 唔食飯, 食一碗清水煮菜, 一碗湯, 一d餸
一開頭好難頂, 好辛苦, 如是者我維持左3,4個月只係改變飲食無做運動
減左5kg左右, (當中有飯局約出去食飯都會出, 打邊爐雞煲我都會照食, 但都係甜野唔掂!
個體重就停左係到! 停左大半個月, 決定做下運動, 想配合埋飲食應該會再減快d!
如是者, 飲食依舊, 唔甜, 早餐變成2粒清水煮蛋, 每日都有做30-40分鐘運動, 頭10日做比較light既tabata, 減左1kg (對於以前既我, 一年做3, 4次運動已經係我極限), 又覺得減得慢
後個15日每日做有40分鐘有氧運動, 又減左1kg, 最後5日做左做30分鐘tabata, 無減到重!
做到我好氣餒, 明明已經少食減甜又做運動, 點解可以減得咁慢!
今朝起身返工, 2粒水煮蛋, 我只食到1粒, 覺得好嘔.....
好想知個問題出左係邊........?
(明明呢個月都飯局加上日日做運動,無輕到個身又唔覺得firm左!)
點解呀........
網上睇到好多人食雞胸肉加西蘭花做晚餐, 係咪真係有助減肥?
節食同做運動令到份人無energy, 做咩都提唔起勁, 有時食到小小甜野我都會好guilty, 有時仲會燥底, 我係咪心態病左?
