Genius bar職員承認，Apple 原來呃啲消費者,賣有嚴重缺陷既2020年MacBook pro

我係唔係好識英文既人黎😢我當然想寫英文啦，但我唔識😭

屌成皮⋯

高層成班大陸佬 緊係愈黎愈仆街啦

MacBook Pro 2019 13’
一模一樣 只係睇YouTube 無開其他野
有次用iMovie export 唔夠一分鐘 風扇嘈到Hihi
嚇到我即刻cancel
仲有！Mon間唔中出現兩三條雪花

我試過整iphone之後攞機個時對身份證拎翻機

但佢哋就俾咗另一條友嘅機我 我問咗3次整完個serial no. 係咪會唔同？3次都答我係

到我第4次專登去ifc問 個職員直接問我有無收埋其他機係屋企

最後直情連個程車費都問佢哋攞翻 （俾gift card）再加任揀一個配件

不過代價係用一晚時間搵gay cook

係呀佢完全同黑警嘅做法一模一樣，所以我喺現場先大大聲咁樣鬧佢同黑警嘅做法同態度有乜嘢分別

好慘，其實apple mac機唔好用，apple最好用係ipad同iphone ！

Mac機因為粒晶片唔係Apple設計，好易出問題

軟件要同x86 chips 配合，散熱量又要大，會易整壞部機。

我而家做功課都轉左用ipad + magic keyboard 做，佢有mouse 用，體驗同mac機差不多。

我都有MacBook Pro 2019 13’ 呢部簡直係世紀大騙局 得一個風扇 我拎比個藍精靈 佢話預咗㗎啦 係冇咁勁㗎

屌好驚要整，整三次有冇得換機

是咁的，我係上個月發現我用緊既2019年MacBook pro 13寸係閂機既時候會係屏幕出現花畫面同變色，
之後我就係2020年7月24號拎左部機去沙田apple store整，
呢次既維修佢幫我換左個屏幕，Touch ID ，底板。
之後我就如常使用，
無再發現閂機有花畫面，
點知去到8月27號部機底板燒左完全開唔到機(我已經覺得品質好有問題)去到8月29號佢話整好我部機叫我拎返，
點知拎完部機返屋企setup完後崩潰嘅事情發生了，
部機閂機又再花畫面變色好無奈咁樣我要係今日8月30號再次去返同一間沙田Apple store叫佢整返好，
我初初去到既時候我已經好唔開心部機整黎整去都係壞，
但我依然有禮貌咁慢慢同職員講我發生既事情，
Genius bar職員就同我講話其實部機已經換左兩次底板，
唔會係硬件問題，係軟件問題，
佢叫我自己返屋企等一個月睇下有冇更新fix返，
佢仲話而家門市賣緊嘅2020年版本MacBook Pro都係有同樣嘅情況。
之後佢就走入去拎咗佢哋自己部MacBookPro出嚟俾我睇吓閂機既情況，
我試咗佢部機好耐都冇發現同我相同嘅問題出現，
咁即係唔係軟件問題啦。
呢刻我已經o左咀，
我就同職員講話我其實幾個月之前已經發現花畫面同埋變色，
如果真係軟件問題嘅話應該點都會喺呢幾個月入面出咗更新，
但係都係冇，
咁即係我要無止境咁樣等？

我覺得成件事好滑稽我就同呢位職員講我要見你嘅supervisor，
之後一位叫Jolly Ng 既supervisor出左黎同我講返同樣既野，
我就同佢講你地應該要諗辦法整好呢個問題先啱，
而唔係為左打發我走叫我返屋企等就算，
之後佢就問我想點解決，
我就話不如你換過部機比我算啦，
之後佢即刻個樣語氣同態度好差好賤格咁樣同我講話我唔會換比你亦都唔會咁樣做。
我當堂嬲到爆，
我心諗點解佢可以態度咁差。
我就嬲到大聲咁話既然你都知道2020年版本嘅MacBook Pro係有相同嘅嚴重缺陷但係你哋都冇諗住同買新機嘅顧客講有呢一個問題叫個客人自己衡量買定唔買，
咁即係你哋有意去呃啲消費者啦？

佢就即刻話唔答我呢個問題。我話你哋應該寫個牌放喺度話俾啲客聽有呢一個問題先啱，
因為你頭先同我講話呢一個問題冇辦法維修。
之後佢就話我講嘢大聲話要結束呢一個對話唔服務我仲要叫咗好多保安員圍住我側邊，
我心諗點解我好似犯人咁樣？

唔通蘋果就係咁樣對啲客人？

之後佢仲要好串咁樣同我講話其實你呢一個問題好小事都只係喺閂機嘅時候先會出現會影響到你正常使用咩？

我聽完之後我同佢講點解你嘅態度可以咁差咁串？

我話你根本唔係幫緊我解決問題，
而係諗住諗辦法趕我走，
之後餘下嘅對話佢就好似黑警同埋林鄭講嘢嘅方式用語言藝術同埋無賴嘅態度同我講嘢，
我喺呢個時候我嬲到同佢講你咁樣同啲黑警做埋啲無賴嘅行為有乜嘢分別？

之後我話要拍低佢講嘢嘅態度同埋說話內容佢就話唔俾拍之後就走咗去唔理我，
我話要搵另一個管理層職員佢就話唔會理我亦都唔會咁樣做，
我話要投訴佢叫佢比員工編號佢就話佢哋冇員工編號，
最後佢只係俾咗張卡片仲要係手寫佢自己個名上去就俾咗我，
我當時完全唔知點算我只好繼續放低我部電腦叫佢哋整到好為止，
但係我真係好想投訴佢呢個咁惡劣嘅服務行為，
各位巴打絲打我應該點做好？

佢似住我投訴無門，
完全態度輕佻

去買apple機一定要去ifc買

可能無乜人知， 整機嗰班sales 出身無tech 底（天才都係），好多嘢都係鳩吹，跟guid 讀稿，最緊要你走的時候開開心心，解決問題唔係佢要做的事

我上次去整機，用passcode 解鎖次次123 嗰個位㩒極無反應，都係鳩up 話我裝左微信搞到部機有問題

我以前用2012年厚機版本用咗七年都冇事，但係呢一部新機用咗一年就同我壞咗

樓主你要拍片
冇片嘅佢哋唔會怕
佢哋唔怕你鬧
反而仲會反轉同周圍嘅人講係你冇道理
你一令佢上鏡佢就驚喇
以前有個紐約職員
條片一上網3個鐘之後加州就叫佢執包袱

我唔會再買mac機，只會買A14X既macbook機

佢就快推呢款新產品，我諗ARM既機會岩我用，apple自己設計粒晶片永遠都係會好d，同底板match到

我部17 MacBook Pro 用咗冇耐已經發現舊電倒水咁 呢排淨係睇YouTube 個風扇已經勁嘈

唔見得職員特別好 一野就問我有無收埋多部機

我咪直接講我有多部機仲洗黎搵你咩

兩年整三次都唔得

：你有冇備份？冇呀？返屋企備份完再嚟啦
（搞掂又走咗個客）

：正常唔會有咁嘅問題喎，最近有冇download過咩app? 可能係個app唔兼容嘅問題，不如你試吓備份先，洗機再嚟過，如果再有問題咁我幫你拎入去check吓！ 你有冇備份？冇呀？(loop)

Ifc係香港第一間apple store ，d職員都係比較top同埋靚野都擺哂係ifc到

我見呢間apple store都係最大間架，成3層高