唔知有無人好似我咁廢，平均一星期會有兩三日胃痛，平時食完早餐就會胃痛，搞到平均一個月嘔一至兩次。對我黎講嘔已經係好正常既事，因為嘔完之後通常都無咩野。另外呢半年開始成日都肚痛，一痛可以痛成個星期，平均一至兩個月就一次，一行路就痛，一比人掂個肚就好似成個人彈起咁。
平時每日都已經食緊dexalant ,如果太痛太多胃氣就會食埋gaviscon。 如果返緊工都想嘔就會食maxolon (不過食完好眼訓） 至於肚痛方面就食panadol, tramadol 或姐 holopon, 不過過咗藥效就再痛過。
平日每日一杯奶茶，平均一個月around50-100ml whisky, around 500-1000ml beer🍺 平時唔係特別食好多辣，因為一食太辣就胃痛
工作壓力唔算大，工作大多都會處理到。主要壓力就係怕請病假而令人討厭。有時唔返工反而太悶壓力仲大，因為要諗比咩自己做。
除咗戒奶茶之外，仲有咩可做到？