[年經] 做緊牙醫，你問我答 (2)

[年經] 做緊牙醫，你問我答
https://lih.kg/2178239
- 分享自 LIHKG 討論區


無諗過咁快爆。BTW 有無巴絲可以教下我除左手動copy and paste 之外有咩方法可以容易啲回覆原po 啲問題?

好高興大家對牙齒護理咁有興趣。重申一次，我係外國行醫，唔熟香港市場，所以一切有關價錢問題我一概不知。仲有我資歷尚淺，但都想能力範圍內盡可能解答大家既疑問，如果有師兄師姐睇到有咩錯歡迎糾正同指教，無任歡迎大家一齊討論。最後我中文專用名詞好多都唔識，請多多見諒。

以下綜合左一啲大家常問到既問題，為免自己不斷重複，希望大家留言之前睇一睇先，有咩唔明再問：

1，電動牙刷同手動牙刷邊樣好啲？如果買電動，有咩牌子推介？
答：大形研究指出分別唔大，近期啲既小形研究有啲顯示電動刷得乾淨啲。不過個人推介電動，原因有三個；1、手動比教講求技巧，電動相對比較易刷得乾淨。2、有啲電動牙刷有內置計時功能確保刷足兩分鐘，非常適合啲比較懶無耐性既人（例如我）。3、刷牙太用力有機會導致牙肉萎縮，有啲電動牙刷有內置感應器可放止你太用力刷，如果用手動可以買軟性牙刷

2，智慧齒係唔係一定要剝？點樣知自己有無或幾時會生？
答：唔係一定要剝。如果智慧齒生得正，刷得乾淨唔蛀牙可以唔使剝。但如果智慧齒橫生，有部分俾牙肉蓋住，口太細刷唔乾淨，蛀牙或者已經補過又蛀，就最好剝左佢一了百了。
智慧齒照x光會睇到，通常十幾歲就睇得到，如果無就好可能唔會生

3，想漂白牙齒但又怕傷到法瑯質可以點？
答：漂牙唔會影響法瑯質，但可能會導致短期牙齒敏感，嚴重起黎講野或用口吸氣都會痛，但通常過兩三日就無事。漂牙效果可能只維持到幾個月，視乎飲食習慣，要避免飲咖啡，紅洒，可樂，食咖哩等等會令牙齒染色既食物，或者用飲管，否則好快打回原形
唔想漂但想啲牙靚到荷里活明星咁可以考慮 補牙瓷粉(Composite Veneer)或鑄造瓷(Porcelain Veneer) - 詳情問你個牙醫

4，已經定期洗牙但仲有牙漬可以點？
答：平時食/飲完會染色既野，用水浪下口或者等20-30 分鐘再刷牙。間中可以放啲梳打粉落牙刷，加一兩滴水試下刷走啲漬

5，我日日用水牙線係咪就可以預防牙周病？
答：牙周病其中一個成因係牙菌膜積聚，水牙線沖得走食物殘渣但沖唔走牙菌膜，所以都係要日日用牙線

6，我開合牙骹會卡卡聲係咪有問題？
答：呢種叫 TMD or Temporomandibular Disorders。通常成因係長期晚上磨牙或牙齒咬緊（例如壓力導致），需要戴牙套night guard / occlusal guard 瞓覺。如果戴左都仲痛就要搵TMJ specialist 專科或者Oral Surgeon 睇下有咩其他治癒方法

7，啲牙唔齊適唔適合做Invisalign?
答：Invisalign 對咬合問題比較嚴重既朋友（例如嚴重哨牙或倒及）唔適合，始終傳統箍牙夠力好多。詳情問番你牙醫或專科orthodontist

始果以上睇完仲有問題歡迎提出

擦完牙無食野既情況下排牙係白色，但食完野就會變黃，可以點算

食完野浪口或過半個鐘刷牙

浪完口都一樣 返工食完晏好難擦到牙

唔會面癱最多一邊下排啲牙會永久性麻同一邊下唇會無感覺
不過機會唔大，有啲牙醫講到嚴重啲戴定頭盔姐

唯有唔好食啲易染色既野食啦

前幾日上排左邊 最入隻牙崩左
本身一直條利 lam到牙側 近牙肉有個窿
前幾日崩左個牙窿大左 崩到去咀嚼面
我唔知嗰隻係咪智慧齒
係咪可以去補牙？唔洗脫？
叫老母照過 無黑應該無蛀牙

有無人教下我點回覆原po 啲問題，仲有成30幾頁再咁落去答到出年都答唔晒

快啲檢查下，視乎崩成點可以係簡單補，可以係杜牙根加牙冠，嚴重既話救唔返就要剝

呢方面我唔係專家，不過好多人本身牙骹痛戴左就唔痛，有啲人戴左會磨少左，主要戴牙套係可以保護你啲牙，否則長期磨會嚴重損害法瑯質

我一次過生曬4隻智慧牙 上排夠位 正常生，但下排無位 兩隻都打橫 仲好近神經線（照左3D x光）個牙醫講到好恐怖咁 話建議 其中一隻剩係剝牙冠 避免掂到條線，想問剝牙冠呢個方法掂唔掂 留隻牙腳係入面有冇問題

下次洗牙帶埋去俾牙醫幫你洗

掂。如果牙根太近神經都會咁做。多數唔會有問題

但牙腳留係入面會唔會蛀? （完全唔識 thanks for reply）

點解牙醫同醫生是獨立分開

之前整崩門牙，杜牙根同整陶瓷牙，幾年後真牙同假牙之間條牙縫成日好臭，要用牙線成日清潔，可以點整

唔該你呀巴打

想問下
1.如果用電動刷牙成日流牙血，係咪有牙周病？
2.如果牙肉成日紅腫，可以點改善？
3.cool牙果個固定器係咪要戴一世？我已經幾年冇戴，d牙有走左位係咪要再cool過？

唔該哂

埋左口就唔會有細菌入到去

之前照左片四隻智慧齒都喺牙肉入面無露出嚟 咁可唔可以由得佢唔做手術？thx

上個po 有解釋過
我估因爲牙醫落手做多所以要多啲集中練習手勢
同大部分醫唔同

倒及除左做顎骨糾正手術之外有冇其他辦法解決

1. 成日聽講食完野要隔30分鐘先好刷牙，但我成日隔唔夠就刷，有無咩影響
2. 口臭有咩方法從根本上解決
3. 家居藍光美白成效係咪低好多我有敏感牙齒係咪做家居好過診所做