件事係發生係我媽媽身上
本身都唔想放上網
但係因為試過其他正常途徑投訴
嗰度啲工作人員都同佢講其實冇用
最後根本冇人會知道呢件事
亦都追討唔到任何野
所以為咗避免大家中伏
決定出post
“本人於2020年8月26號星期三首次到劉曙x牙科醫生睇牙
做平時普通例行檢查
+check吓有冇蛀牙。
當我踏入呢間診所
已經覺得好冇私穩
係姑娘入口位置有個窗口位
係完全睇通晒牙醫同病人喺入邊做緊乜嘢。
入到房內
好似穿越時空去咗50年代
設施很簡陋
唔理三七廿一
一黎就話要同我拍兩張x光片。
第一張片係用一把污糟鉸剪隊入我個口到
再要我自己幫手頂住把較剪同埋按實張片
第二張就無用較剪
而淨係叫我襟實張片
佢就背着我
完全唔俾我睇佢做乜嘢
手中拿著疑似遙控器的物體
再叫姑娘係一部可以伸兩隻手入去嘅儀器搞1搞
就完咗件事。
完事之後又冇同我講點解要拍片
同拍完片之後有咩發現
我連片都冇睇到
感覺這個做法真的很不專業
之後就嗱嗱臨話要洗牙
但係洗咗唔知有冇10分鐘
支吸管仲大部份時間只係掛咗喺我嘴邊冇郁過
跟住又話我有牙周病
但係係我近期睇開嘅牙醫都冇話我有呢個情況
跟著再話我牙肉蝕咗
要同我補兩隻牙
補牙嘅時候
佢竟然將啲補牙用嘅物料就咁刮喺我身上面
下巴附近嘅位置
因為之前都係牙醫常客
知道補完牙之後會有個儀器烘乾返啲物料
但係見佢操作左個儀器幾次都冇反應
期間佢求其用隻手指伸入去補牙位撩左撩
就算數
最後多次問佢究竟X光有無事
都係冇交代過
只係叫我要用牙線
D阿媽係女人嘅對答
離開房間之後
我有同陪行的先生投訴
話以後唔會再幫襯
最離譜係問佢幾多錢時
姑娘沒有俾收據
仲要係諗咗一陣先決定價錢
二千errr ⋯⋯errr 七百五十元
我初時有點反應不過來
有冇攪錯，診所簡陋不衞生
儀器落後，牙醫和姑娘做法也不專業
其實由始至終在房內20分鐘
俾佢亂咁計咗幾樣嘢
做得幾仔細已可想言之
我追問為何沒收據
姑娘才叫醫生手寫給我，以下是明細表：
X光片 $300
洗牙 750
Fillings 1200
Fluoride treatment. 500
2750
雖然都覺得佢哋係濫收
但最終我先生都付咗錢
就在我哋踏出診所門口
有位長者可能聽到我哋嘅對話
佢就同我哋講
呢間喺呢區轉呃人錢
亂收費用
你以為中伏完？
梗係未啦
行咗幾分鐘
個口竟然跌咗一啲好似香口膠咁嘅物體出嚟
打電話去診所問
他竟然回覆那是Fluoride treating
正常喎！
因為網上面發現搵唔到任何呢位醫生嘅投訴
啲人唔知就會繼續俾佢呃
所以我要將這位缺德的牙醫劣行公開
讓大家不要再受騙。
街坊有邊間好介紹
