租霸問題 （唉）

之前都上過嚟開post問
有巴打都好心覆過我，個時個唔交租問題都有改善過，
但我個垃圾老豆又唔肯俾我地理，結果又有問題

講講背景先：
同一個租客，村屋單位嚟，租約今年2月就完，租約無打釐印

衣家問題嚟喇，今個月我地再問垃圾老豆，佢就話個人無交租
（之前都有問，佢話無問題）
我地即刻鬧拎佢薄仔check，發現到5月條友先叫交足租
（張約2月完）
然後又無交抵鎖匙，用垃圾老豆打俾租客，原來電話都block咗
到衣家8月喇，其實想問可唔可以直接換鎖收樓

唔可以。 換鎖你犯法。
你要去土地審裁處入紙， 然後去單位門口貼大字報3次， 再等排期， 贏左， 先可以收樓， 仲要係佢自己肯搬， 如果唔肯， 你要搵執達吏陪你去爆門， 費用當然係你俾。 成個過程起碼幾個月， 仲要佢唔識玩野， 例如臨上庭個日先申請押後之類。

有專門幫手收租既公司

跟呢個業主唔夠玩 樓主仲要補打印

自己搞其實都唔難既。
另外香港有個“業主會”咁上下既組織， 應該可以幫你。 利申： 唔知係唔係牟利商業機構。

搵田生

有無介紹，我都想搵呢啲，垃圾老豆根本唔識收租

我啱啱上網搵過吓，業主會個FB幾黃，但有俾蘋果踢黑材料

有簽租約但無打印花稅？
向稅局補交物業稅先好入土地審裁處做收回物業程序！

直接開個租客度門？
如果個租客話有大量現金話唔見咗咁點算？比業主入屋爆竊

律師信無用架。 律師信只係係表示你搵左律師， 佢再唔交租就法律行動咁意思， 佢夠爛既可以當你封律師信係垃圾， 你最後都係要法律行動。
但係法律行動即係我頭先講土地裁判處個堆， 咁不如直接 skip 左律師直接就去土地裁判處啦。

據我理解就係點都唔可以換鎖既， 因為你租左俾佢就係佢既， 直到你完左份租約。 佢唔交租唔代表分租約自動完結， 唔交租只可以作為你去法庭申請完結租約既理據。

當然， 以上所講全部都係按規矩揸正黎做。 如果你有“地方勢力”可以利用既就各師各法啦。

村屋麻撚煩 d， 佢咁惡可能同地方勢力好熟，搏你冇佢符！
探下村長呀！村長個仔呀！地方勢力嘅口風先。

我理解就係搞翻而家個份租約 only。 遲左咁耐你預佢罰一萬幾千， 但係你亦可以博懵寫求情信， 總之老人癡呆， 貧困戶， 乜9理由都搬晒出黎搏下都有可能減DD

唔打stamp土地審裁處都唔會理你