自己經驗
1.搵家庭醫生寫reference letter去精神科
2.當時想快少少去左睇私家(陳玉麟醫生)呢個醫生唔錯的,唔會渣流灘,都問得好詳細,每次一千左右,睇左兩三次大概知咩事就叫佢寫reference letter拎去政府排期
3.一邊試藥(私家再睇多三四次),一邊排期,印象中都要排半年左右
4.去到政府,我唔知個計劃仲有冇,一條快隊,一條慢隊
快隊只要幾個月,但只係包幾次睇醫生同睇幾次心理輔導,跟住就byebye。慢隊就要等兩年,我諗同快隊既分別係可以無限覆診,當時無諗太多,要快隊。
5.去到政府精神科門診,主要係咁e睇下你個情況(5分鐘內),食藥食成點,有冇副作用等等。有時都好無奈,但都無辦法人手好短缺,見醫生仲頹過我,自己改變心態當去黎藥算。
6.後尾睇左兩年,其實都唔止覆左幾次診,但佢又無安排我去心理輔導,r哂頭。
另外,我都有見輔導。輔導先最重要,藥物醫身,輔導醫心,好多時候個人太多心結或過去,令到自己積積埋埋,加上唔認識“自己”,跟住就爆爆爆。當時我去突破見輔導,都係人夾人,收費印象中唔算貴,每次$200左右。
7.用左兩年時間,已重新振作。
有啲位我唔係咁詳細,我諗到咩就打咩
希望幫到你
加油
