如果可以同佢道歉 你會講咩

對唔住啊 我知我同你道過歉
但係一啲都彌補唔到我對你既歉意 即使再諗返起 都覺得自己好仆街 對你好衰
知道你對我好好 但係原來當時你對我既好 你對我既愛 遠超我想像
同你一齊既時候年紀仲細 唔識珍惜 覺得你對我既好係理所當然 所以成日發你脾氣
就算做咗傷你心既嘢都覺得無所謂
甚至仆街到依戀你愛我多過我愛你既個種感覺 我有時會特登令你呷醋
因為我幾享受個種你好著緊我好愛我既感覺
但係當你做同樣既事 其實我知道你想我表現呷醋
但係我連扮都費事 因為我真係唔在意你既感受
我知道你咁愛我 只會留係我身邊
我真係唔會因為你同異性有咩親密舉動而唔開心
被愛既總係有持無恐
同你一齊其實好大原因係因為個陣太孤單 生活太逼人 好想有個人陪我 而你自然而然就成為咗個個人
同你一齊既時候我無諗過你既感受 只係諗自己點點點
只要自己開心就得 因為你都同我講只要我開心 你就無所謂乜都得
我竟然又真係同意你 事後諗返 自己真係好仆街
同你分開一年有多 呢段時間大家都無聯絡
我識過幾個對象 經歷分分合合
宜家好好彩搵到一個覺得可以共度餘生既伴侶
同佢一齊先發覺自己可以咁愛一個人 咁著緊一個人
然後再回想起同你一齊既回憶 好似永遠得你照顧我安慰我保護我
而我為你做既事真係少之又少
好似你生日既時候 我求其上網買舊嘢就當係禮物 懶係有心思 其實我真係唔想煩先亂買
但係對比返我既現任 我為佢既生日籌備咗幾個月 好怕有任何嘢唔完美令佢唔開心
再諗起好多其他瑣事 如果係宜家 我一定會諗現任感受 先去做
但係同你一齊個時 我覺得最重要既係自己 一齊既日子可以話無一分一秒有思考過你感受
我唔開心就發你脾氣 我想同異性出街 你唔開心 我就唔理你全日 出完先話唔出都出咗你想點 等等等等
好多事我回想都好嬲自己對你咁差 傷害一個對我一片真心既人
但係亦都係回想過去既時候我先發現 其實我真係完全唔愛你
好多事換轉係宜家 我真係唔會做 因為會傷害現任 我唔捨得佢有任何既唔開心
我真係覺得自己當時好仆街好衰 雖然我同你道過歉 但係真係無辦法彌補我做既事 你受既傷
如果無得同你道歉 會成為我既遺憾 因為我傷害咗我最好既朋友
但係我無辦法鼓起勇氣同你講 原來我一直只係當你係朋友 因為我唔想你知道我無愛過你呢個事實 唔想再傷害你
請原諒我既懦弱 對唔住 希望我已經係你遇到最差既伴侶 而你會搵到更好 真係識得欣賞你既人

每個人都應該會有個有啲內疚 但係又擺唔低面子同佢道歉 又或者已經無機會道歉既人 如果你可以同佢道歉 你會講乜嘢

我愛你

屌你老母

sor9ry囉😂👌🏻

躝啦臭閪😅稀罕你道歉？

垃圾咁都唔敢同佢講
要上連登同毒撚講

賤到仆街
千奇唔好再搵返ex

痴線咁樣係道歉文
求下你做返最後一次好人，千其唔好sd 段野俾佢

佢唔會想知你對現任幾好
最好嘅道歉就係
唔好再見 唔好再send message

你真係好撚賤，咁樣叫道歉文，你係咪on9？
你只係將自己做過最撚仆街嘅嘢講曬出嚟
祝你俾現任派帽玩鳩你，你唔配有幸福

嘩屌你好撚難聽你呢篇文send出去比人打死要收帛金嗰下都唔會有人覺得唔抵

你好，這是《自殺．自療．互助舍》。看來你已累積了不少負面情緒，是嗎？人就好像氣球一樣，若積存的鬱結和壓力太多，便會有爆發的一天。何不暫時停一停，到我們的網站 www.help4suicide.com.hk。 那裡有一些勵志故事和有趣短片，你可以隨心看看。你也可以進入網站內的『Chat窿』（星期一至五：上午六時至凌晨一時；星期六、日及公眾假期：下午８時至凌晨１時），讓我們的義工為你加油打氣！

我們願意聆聽你的心聲，伴你一起走過這段艱難的時候！只因『晴天雨天要樂天，難關難過總會過』！

《自殺．自療．互助舍》