早排有人話想睇我個徐晃tour
琴日再有人話想睇我d廚具
所以今日城仔我決定大家走入我既徐晃
我既廚房其實唔係好大 但佢勝左實用性高
我呢間屋其實冇乜櫃 所有櫃都係個廚房到
所以我可以放好多野係到
呢到所有開左既門 都係放廚具同食物
鍋具/Cook set
呢套係一套意大利不鏽鋼廚具
買返黎有5件裝
佢個底有5個layer 好厚身
呢套野傳熱好快 亦好受熱 試過我唔小心high到個蓋
成塊皮熱到即刻爆開左
但佢有個缺點就係重 個煎pan亦有少少細
搞到我拋既時候拋得唔舒服
左上角個平底煎pan我好少用
因為係買上面套cook set 送既
右邊個易潔鑊 係用黎整d比較健康既野
減肥既時候 一定用佢黎炒下意粉 烚下菜
而最底果個係個cast iron grill pan
係姨媽傢俬買 佢有好處係煎完扒有grill mark
但係我黎緊想買多個cast iron skillet 黎煎扒
大家平時有睇開po都知
呢隻中式鐵鑊 我係高度推介大家買隻
如果想係屋企食少少有鑊氣既餸
生鐵鑊絕對係大家既好朋友
用佢黎整小炒 炒粉麵飯
屋企都整到出面6、7成風味
左上角個煲係個細煲
作用係煮麵唔洗洗咁多野
右上角果個係我以前用黎煮麵
而家我會煮用佢黎開煲熱既梘油漂水 用黎洗毛巾
我唔會用佢黎煮野食
下面果兩個 左邊果個多數用黎煎燶邊蛋
右邊果個係以前買落 好少用
以前會用黎煎下野 烘麵包
呢個係個cast iron 煲
因為啊哥我冇錢買le creuset
又想買個鍋黎燜下野 所以我係ikea買左個
呢d鑄鐵鍋好處係好受熱同保溫 燜野一流
左邊係個12L湯煲 多數用黎煲好大煲湯
例如平時d湯水 越南湯湯底
通常整咁多都係有排飲
右邊果個係我突登買黎做蒸鍋
因為我屋企冇微波爐 所以所有隔夜餸我都一定要蒸返熱佢
一個砂鍋 一個瓦煲
砂鍋用黎整麵 風味分會+10
瓦煲用用黎整煲仔飯就基本
廚具
呢到有七把刀
左邊果把係我最常用既刀 多數每日都一定用呢把
數過去右邊第二把 係把好利既刀
呢把我多數用黎改肉 起silver skin用
第三把就多數用黎切熟肉 然後就麵包鋸齒刀
然後就中式斬骨刀 呢把就用黎劈野斬骨
再右邊呢把係以前返工last day
餐廳老闆娘送我既刺身刀 我一次都冇用過
之後把刀仔就係用黎切下生果 d好細既野用
Spatula 同 whisk 分別各有兩隻係因為
我多數用一個用黎整常溫熱 一隻會用黎煮熱野用
因為驚d cheap膠會溶 所以買隻好少少
右邊果兩隻 係我買黎配返個生鐵鑊用
鑊鏟用黎炒野 湯勺果個就用黎推下汁 煮湯水野用
爐具
左邊係新買既氣炸鍋
最右係用黎打邊爐電磁爐
中間果個厲害 係個4L炸爐
非常好力 甚至比以前我係餐廳用既炸爐更好
可惜要打理同清潔非常麻煩
我買返黎用過幾次就唔想再用
除左曬油外 因為我屋企係open kitchen
所以開完個炸爐 屋企好大浸味
係起碼一兩日先散果隻
我買返黎既原因係 我信唔過自己
覺得可以較溫度先炸得靚 不過呢舊野我盡量都唔想再用
呢個係個明火gas爐 係用黎俾我一個人打邊爐用
呢兩樣係我其中最愛既野
慢煮棒同真空機
慢煮棒確實可以俾我玩到唔同肉既質感
而真空機係上次dry aged既時嘅專登買
因為個umai bag需要真空機 我先做到da
同埋 我而家買返黎既靚牛 我全部買返黎後會轉真空袋
咁保存得耐d
