之前收工落大雨 勁大個隻 但我要淋住雨衝去坐小巴番屋企 跟住有個好心既叔叔話遮埋我 行到一半
叔叔:我可唔可以錫你一啖?
我呆一呆就話: 唔好
佢問:你會唔會嚇親啊 我無惡意架
老老實實 我真係勁驚 之後行勁快 點知佢跟埋上黎
再問多我一次個個問題- -
以為自己諗住咁岩遇著個變態姐
點知琴日收工出站行行下樓梯有人走黎拍我
(拿!著曬西裝,又有眼鏡,斯斯文文,後生仔啦,正常啦掛?)
問我可唔可以交換電話
我: 唔可以
佢:你去邊呀?食左飯未呀?
我: 返屋企, 食左
佢: 我送你啊
我當然拒絕左 但佢一直跟住我
好彩 我仲要坐多程小巴先返屋企 甩到身
上小巴前 佢又行黎拍我 問: 我可唔可以錫你啊?
唔知係咪有陰影 聽完呢句 我真係一支箭咁衝上小巴
之後嚇到即刻打比男朋友 喊
我左諗右諗 其實係咪我見識少? "我可唔可以錫你" 係咪有乜意思?單純想問下各位巴打呢句野代表乜
(利申 : 完全唔靚 太平公主!)