有無人係一個人租樓住？入黎吹下水

我好輕便大學住hall拎一個喼就裝曬成個sem要用既野

準備結婚，自己住返一年睇下有乜問題先，順便自由一下。

旺角區 300呎
都係早幾日扑鎚

都啱㗎，適應吓獨立生活先

出去留學自己住 4000$港幣一個月全包
個段日子學識左超多生活技能因為有咩都要靠自己
香港人好多20尾30幾都同家人同住
的確 可以慳錢
但同時香港人好多都無咩生活技能同獨立能力

但香港啲樓價租價痴曬線
自由真係好貴

返左香港無能力自己出去住了
自己住真係好幸福

相見好同住難，幾friend都係咁話

有𨋢舊樓
上兩手都係租咗五六年先走
可能近狗屋佢減到10k

如果一個人我又唔介意studio式
不過佢咁啱有兩間房可以一間睡房一間書房

我都想搬出嚟住，不過望住個價，真係覺得好貴

25歲
見公司有housing allowance想搬
同老母講咗一句佢就發同老豆係咁單單打打
仲叫埋我婆婆叫我乖唔好搬
真心唔明點解有啲咁on9嘅屋企人

唔好理，搬啦

講真要搬實搬得到
但係會搞到好薑

我都係諗住搬 又係父母好反對
但盡左力同佢地好好傾下
了解下點解佢地唔中意
又比個機會佢地了解下我點解想搬咁
應承佢地一星期最少返一次去食飯
同埋歡迎佢地唻探我咁囉
雖然佢地唔認同點解我要搬
但起碼唔係搬出去就唔理佢地咁
依家都叫傾掂左 可以計劃同睇樓了

始終搬出去唔係想佢地唔開心搞到關係差
相反係想搬出去有自己空間開心啲
唔洗成日發佢地脾氣

所以好好傾下囉試下 預左佢地唔明
同講啲好無道理嘅野
但要忍住道氣比啲耐性
等佢地知道你誠意同唔係想同佢地噪

不過真係擔心錢嘅方面 本身無咩儲錢
搬左出去更力無得儲

有冇人搬左出去照比家用

1個人住緊9k 新界，宜家搵緊d 5k盤，想儲多d錢，但要安置埋部車好煩

絲打你好彩啦起碼佢地肯傾
我屋企果兩件當我要脫離關係咁
想搬出去就十惡不赦
錢方面要計清楚喎 開始起租都要預幾皮

有冇人住工廈？我見租平仲要新裝