【復仇與寬恕】《病港II》(9)
墨說
1001
回覆
952 Like
4 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
第 41 頁
白色的雲
2020-08-25 19:28:31
有冇睇過墨b病港以外嘅舊故?
如果冇嘅話可以睇下
咁做真係好?
2020-08-25 19:36:31
好耐冇講不破佛
牧羊記
2020-08-25 19:36:51
依家應該4成啦
讀心術師
2020-08-25 19:43:57
有啲咩推薦
白色的雲
2020-08-25 19:54:26
一定要睇糖果女孩
其他故跟紙言順序睇就會一步一步入坑
到時睇唔明再上嚟問都ok
nozstual
2020-08-25 19:55:10
其實墨b每個故都好正
個人睇咗兔故、小松故同埋特工故,睇咗好多次,同埋會上癮架。
最獨苦人參
2020-08-25 20:15:07
我都想知
同埋實體書係邊一個版本
準備買
連貓
2020-08-25 20:18:08
牧羊記
2020-08-25 20:21:32
both
西白莉雅淫
2020-08-25 20:23:58
Why not both
白色的雲
2020-08-25 20:41:54
實體書係新版
其實舊版和新版都好睇
主要分別係舊版後段比較拖劇情,同埋遊世界果段有少少離地;不過舊版寫Ruby寫得比較細緻和感人,新版嘅Ruby有為寫而寫的感覺
不過兩個版本去到最尾個結局都係一樣,唔劇透總之最後果幕都係海邊小船上面,所以唔駛擔心新舊版唔同結局
有時間嘅話就why not both
最獨苦人參
2020-08-25 20:43:19
感激巴打
墨說
2020-08-25 21:13:27
回到指揮中心,我坐下來就回電給炮台山的管理人。
為何我會知道是炮台山的管理人打過來?其實動動腦筋想就知道。
現在,鯨寨長期沒有管理人上任。
灣仔、天后、北角三地,又因之前的淪陷變成疫區,社區康復的事情仍在籌備當中。
金鐘是政府重地,應該有一批高手駐守,不需要病獵駐守。
中環和上環,是依附天環人的勢力,他們不會給民眾對未奪得的病獵協會產生好感。
西環,天環人重地。
所以,應該只有炮台山管理人會致電過來。
「你好,你就係代理會長,M先生?」對方是把老頭的聲音,是位上年紀的管理者。
「無錯,我就係。」
「我打過嚟其實就係為咗少少事情嘅。嗱,雖然炮台山呢,就無病者闖入同出現,但我都想有少少病獵駐守同巡邏,等大家安心一啲。」
「炮台山管理人,可以點稱呼你?」我先問問他名字。
「叫我,積奇先生就可以。」
「積奇先生,我可以派遣病獵駐守到當地,但相對地......」我刻意停頓半晌,續說:「我會得到啲咩?」
「呵呵,我哋炮崗嶺最出名就係鋼物、木頭、石塊仲有冶金術,應該係想問返你,你會想要啲咩?」
「我需要穩定嘅貨源。」
「個個倖存區都需要我哋出貨俾佢,我唔可以只向你一個負責喎~M。」積奇這老頭的話語間,帶一點老奸巨滑的味道。
「你想趁呢個機會,賺一波民意,等喺年終炮台山市民投票時,會得到更多選票,宜家就係機會。」管理人選舉的事情,是回程時霍洛圖告訴我的。
每一年的結尾,夕鯨國的各個倖存區,都會進行管理人選舉,讓市民挑選一個負責管治該行政區,而現在距離年終不到半年,積奇老頭無端找上我要人,都只是為選票罷了。
「呵呵......你同瑪希一樣,好喜歡討價還價。」積奇老頭他,似乎同意了:「但我鐘意,合作詳情解禁封關之後再食個飯傾傾。」
「聽朝之前,會有三十個病獵去到你關口。」我說。
「呵,但我想至少都要有個大病獵,?咁先證明到我積奇老頭有能力,帶俾居民平安......」積奇老頭笑笑。
「大病獵?咁就唔好意思,大病獵有更重要嘅任務在身。」
「咁樣嘅交易唔划算喔,M。」
「咁你好好考慮清楚。」我蓋上電話。
「嘟」通話結束。
「真、真心呢?代理會長,你咁樣對炮台山嘅管理人......」霍洛圖怕我招惹到積奇不滿。
「無事,佢會打返過嚟。」我食指在檯面上一敲一敲的,倒數著他多久後回電。
「我覺得嗰個老頭應該......」霍洛圖還未說完,電話就再次響起。
「嘟嘟嘟......」
霍洛圖展現出驚嘆的目光。
「有時候,需要一點軟、一點硬。」說畢,我就接下電話。
另一頭,是把中年女士的聲音:「你好,我係代表炮台山管理人洛積奇先生打嚟,佢同意你提出嘅條件,但需要天黑之前,派三十名病獵入炮台山範圍。」
「可以,一人退一步。」我同意後,便收線。
「交易完成。」我對霍洛圖下指示,說:「喺協會調派三十個病獵過去炮台山。」
「嗯。」
墨說
2020-08-25 21:13:38
「呵欠......」
「代理會長,睇嚟你都開始識攰。」
工作了整日整夜,我現在才打呵欠算很了不起。
「八點鐘前,叫醒我。」我閉目休息。
「好嘅。」
夢鄉的時間,總比現實世界快。
好快,我又重返那忙亂的真實之中。
我望望鐘錶,尚有幾分鐘就到晚上八點,霍洛圖都正欲前來將我叫醒。
「你已經醒咗?」霍洛圖送來了一碗熱騰騰的湯:「係冬瓜湯。」
「麻煩哂......」我將面具稍為拉上,細口地喝。
「仲有,富馬史病獵已經完成任務返嚟。」
「好,我想睇睇嫁攻城雲梯搞成點......」我一口盡光熱湯,便行過去博海德所在的帳篷。
入到去只見畫成的設計圖,他人則不見了。
「博海德佢去咗幫手建造攻城器。」霍洛圖說。
「喺邊?」
「就喺外面。」
出到帳蓬,一旁的病獵就如見大人物般,泛起了嚴肅的敬意。
博海德佔用了病獵協會大樓旁的銅鑼灣運動場,用來建造龐大的攻城雲梯。
二、三十名協會人員,正合力做好這部,理應只出現在古代戰爭的工具。
「銅針!拎三枝過嚟」博海德呼喊工人,正好望見監工的我:「嗨!進度去到85%左右,凌晨前實起到貨。」
「繼續。」我點頭。
接著,我又到病獵協會大樓,看望一下蒙柯亞。
他剛從手術室出來,出了不少的汗水。
「呼......好耐無試過咁驚險。」
「順利?」我行過蒙柯亞面前。
「啱啱幫完一個手掌俾舌女舔到,即時拎豬用刀斬咗自己左掌落嚟嘅男人做手術,暫時未有感染跡象,要留喺隔離室觀察。」
「燃燒彈,識整?」
「生物、化學、物理我樣樣精,交俾我,要幾多瓶?」
「足以燒哂成個山頂嘅份量。」
「好......我即刻帶人整。」
萬事俱備,只欠病獵。
待他們各人完成任務時,經已是晚上十二時正,冰冷月光彷彿訴說這世界的另一面。
夜中,帶光。
九名大病獵,全部歸來帳篷向我報到。
團結的力量,在於大家把力量集合。
完成自己認為,
一個人不可能完成的事。
「M!可以去救會長未!?」陳一劍他,一直想著這事。
「確認好所有事情,已經妥當先。」我說。
因為這一次,我們可能所有人都沒命回去。
「區內,所有病者已經清零。」雲梨回答。
「屍都燒埋。」富馬史補充。
「全病獵協會嘅戰鬥人員,我哋都協調好哂,每個大街小區都已經監控住,唔會出現狀況外嘅事。」薛墊仁說。
「大量燃燒彈準備好。」蒙柯亞說。
「攻城雲梯隨時可以出動。」博海德說。
「我哋都訓夠,係時候行動。」百里代另外兩名同伴回答。
「咁睇嚟,大家都準備好?」我望向他們九人。
大病獵們互相望向彼此點一點頭,又將視線放回到面前的我身上。
「大病獵以外嘅人,出去。」我示意。
墨說
2020-08-25 21:13:49
一些在帳篷工作的非大病獵人員,成群行出帳篷外面。
「之後嘅行動,可能會面對死亡,但只要我哋企喺一齊,互相保護住大家,死亡率就越低......」我回想起,在黃竹坑車廠短短的日子:「而你哋係無拒絕嘅權利。」
「原本......」博海德想發表什麼,我就讓他說說看:「原本我都慢慢退出緊病獵嘅工作,但係捉咗瑪希會長......會係佢哋最錯嘅決定。」
「我同博海德情況相同,但為咗瑪希會長,我唔會退出。」蒙柯亞認同。
「邊個連女人都會綁架咁可恥。」陳一劍十分不屑。
「我只會隨瑪希會長一個。」富馬史表現了忠誠。
「佢係第一個肯接納我宜啲小偷嘅人。」薛墊仁回憶。
「為咗瑪希,死亡無咩大不了!」百里抱手。
「我隨時準備好營救會長。」林楚輕托眼鏡。
「瑪希會長對每個人,都有特別嘅意義吧。」烏納咒毫無表情地說出這句話。
「對方既然用唔文明嘅方式解決,咁暴力就無避免。」雲梨做好覺悟。
「我睇你哋都準備好。」我說。
他們異口同聲回答準備好,不約而同取出武器。
我宣佈:「營救行動,開始。」
就像暴風雨的前夕,我們的行動寂寥無聲。
我率先帶領他們,行出帳篷。
他們一個接一個的,跟隨在我身後,其他病獵和非戰鬥人員望見後,都感到極之吃驚。
因為他們有好多年來,應該說南征戰爭以後,就沒有見過這個畫面。
十名病獵的背影,並肩於夜闌人靜的高士威道街前進。
準備展開一場復仇與寬恕的營救。
皎潔的月色籠罩著眾人,前方是黯淡不明的道路。
大家眼神一致,要為瑪希......
赴湯蹈火。
笑一下
2020-08-25 21:21:47
live
鏝狗(被爆閘)
2020-08-25 21:32:50
打到班撚樣仆街!
鏝狗(被爆閘)
2020-08-25 21:34:46
睇咗墨b兩年 本身都係一個鐘意文字嘅人 望住啲文越黎越有畫面 越黎越有電影感 respect
沙治·羅拔圖
2020-08-25 21:42:10
屌 live左
世界大戰抹黑宇宙了 can you feel?
沙治·羅拔圖
2020-08-25 21:43:01
等第十一個病獵 沈子帝 加入
兵(Chloe)
2020-08-25 21:43:58
想知課金嗰邊今晚仲有冇
還有幸福可借
2020-08-25 21:45:43
正評
墨說
2020-08-25 21:54:21
唔知,要睇攰唔攰
不過最近開始精神返
鹽西
2020-08-25 21:54:53
最近多文到
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
第 41 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞