黑心黃店 —> Agape Garden 膳心小館

【無良 Agape Garden 膳心小館 - 好大嘅官威呀！】

面對揭露黑心黃店，勞工組都掙扎左一段時間，希望盡最後努力溝通，希望拖欠手足代通知金嘅黃店膳心小館可以亡羊補牢，點知膳心小館負責人張小姐唔單止拒絕溝通，仲恐嚇要法律追究打去查詢嘅勞工組成員。

既然溝通不果，勞工組亦唔會對無良老闆客氣，決定揭露黑心僱主膳心小館惡行!

第一罪:明明主動炒人又扮事主自己辭職，借此拒俾七日代通知金

今次被剝削嘅事主五月嘅時候見到膳心小館招募手足，就應徵成為全職樓面員工，一直響膳心工作。直至七月二十八號，總店經理突然告知事主上頭下令要事主即日離職，並且要即時清走locker個人物品。

點知，事主響八月八號到九龍灣膳心總店領取最後一期工資時，卻見到薪金計算表上面白紙黑字寫住事主係"辭職"。薪金計算亦冇包括店方炒人應付嘅七日代通知金。

事主當時同總經理澄清自己唔係主動辭職，而係被炒，所以店方應該要支付代通知金，總理卻話自己話唔到事，叫事主自己同膳心老闆張小姐傾，反覆來回幾個電話中，張小姐一直堅持係事主主動以Whatsapp向經理辭職，但又無法俾出證據。

最後，膳心小館管理層張小姐堅持事主係辭職，並且拒絕再同事主溝通，話有咩就同佢嘅法律顧問講。

#勞法小知識
#僱傭條例第49A #須備存工資及僱傭紀錄的規定
#包括終止合約所需通知期 #無得屈
#張小姐不如拎封辭職信出嚟睇下啦

第二罪: 薪金組成黑箱作業，離職時被追扣上個月工資

膳心店主張小姐當時俾出嘅七月薪金計算表上，除左冇炒人要俾嘅代通知金，亦離奇地出現左追扣上個月(六月)嘅獎金$500同逐分鐘計嘅遲到罰款119.96。

點解當時六月份唔扣嘅？一炒人就扣，話六月無獎金又遲到又盛？早到有冇計埋先？

#勞法小知識
#僱傭條例第32 #扣除工資的限制
#係無遲到嘅 #案例麥永富訴滙進髮舍 #HCLA422000
#月薪係包月 #無得扣人遲到

第三罪: 拖欠工資

無論點都好，都需要離職後七日內付清最後一個月人工。但係事主由七月尾離職，到今日八月中仲未收到店方工資，已經違反左法例。

#勞法小知識
#僱傭條例第25 #僱傭合約終止時的工資支付
#任何情況下不得遲於僱傭合約終止後7天支付
#僱傭條例第26 #支付工資的方式及地點
#在僱員同意下 #存入該僱員名下的銀行戶口 #或郵政匯票付給
#無法例規定員工突登搵日上去你到簽收
#咁鐘意簽收上員工屋企簽囉

顧念膳心小館係知名黃店，響事主向勞工組求助，勞工組出第一個Post之前嘅八月十四日，其實我地都親身打過俾膳心嘅營運總監張小姐了解情況，睇下會唔會有誤會。

點知張小姐態度十分惡劣，又話唔會再回應事件，又話事主係自己辭職，有CCTV為證（但之前張小姐響電話中又同事主堅稱，係事主Whatspp向經理辭職，Whatsapp又點會有CCTV呢？），並且話自己唔會去調解，有咩上勞審庭見。之後仲話會法律追究我地打去嘅勞工組朋友，話有咩就同膳心法律顧問講，真係好大嘅官威。

豈料峰迴路轉，八月十五日勞工組出Post之後，膳心又透過幾位中間人接觸勞工組唔同成員，表示店方會等星期一人事部返工之後聯絡事主作調解，又問事主係咪掌握店方炒人嘅實質證據。

勞工組雖然感謝幾位中間人願意做和事佬，但我地唔明點解膳心小館兩日之間前倨後恭，前一日先話唔會調解、大家庭上見，後一日見到勞工組出左Post就約調解。

我地更加唔明白，點解膳心要透過中間人chok事主係咪掌握證據證明自己係被炒。其實事主係被炒定辭職，膳心心知肚明。之前又話有Whatsapp記錄又話有CCTV證明，前言不對後語，宜家見件事鬧大，又想試探事主有幾多證據響手。對此，勞工組真係非常失望，只見到欺詐同計算，睇唔到店方有真誠地反省自己非法剝削員工嘅行為。

我地再重申，黃色經濟圈內唔止有黃店，亦係要撐起響黃店工作嘅手足。
揭露黃店剝削員工，勞工組都有好多掙扎，但正正係愛之深，責之切，對於黃圈唔好嘅風氣，更唔可以視而不見。

--------------------------------
事主的話：

我一直認為返工只求工資，無任何情感。

但自從「黃店」嘅出現，
我發覺工作以外，更重要嘅係可以選擇為同路人服務，出多一分力
原來番工都可以講良知，職業都可以講人性

禁堂食令飲食業大受打擊
無薪假、 cut更、甚至裁員都無可厚非
因為無一份工包唔炒人，唔係單方面忠誠就得，都受外圍經濟因素影響
同道理，做生意都無話實包賺

通知期或通知金係保障勞資雙方
不論咩原因炒人，都要跟足法例
不論勞資邊一方，該有嘅通知金，該有就要有

聽落都好公平，好實在嘅野
估唔到會有一個大話冚一個大話，就係為左慳返七日代通知金
屈人自己辭職，而唔俾代通知金，可以嘅咩？

多謝大家睇到呢到

希望大家放下「黃店永遠是對的」嘅心態
記得最早期我哋講「黑白是良知、黃藍是政見」
目的係公平啲咁睇一件事，唔洗以德報怨；以直報怨；以德報德就夠
面對黑白，真係唔好盲撐！

我認為黃色經濟圈並唔應該剝削自己人
而係圈內人互惠互利

「良知」 並唔係口號，更要對自己內部員工都應該有
係一種實踐！

敢表態做黃店難！做一個有良知、敢於承認錯誤嘅黃店更難！


Source: Facebook 勞工組

希望大家放下「黃店永遠是對的」嘅心態

食過一次，唔會再食。

啲嘢唔好食
蛋卷好油

好散 一食就散曬

Factcheck咗先
有冇其他野佐證？

對呢件事保持觀望態度

佢啲兩三餸飯都算好食，但有時會好鹹，可能附近多廢老就佢地味覺

暫時未有 我純粹喺Facebook copy過嚟

禁你個標題係做咩鳩

請Pin this ，藍絲都識fc，冇fc就po想點。

耆老先要食清淡

Facebook話畀咗

對於勞工組上載聲帶後，我們確認是經理的聲音。已即時和經理聯絡，再三確認是否有該段對話。很不幸，經理確認有此對話。

我們會於8月17日辦公時間內，補發出代通知金。同時，就此向事主及各位朋友道歉，令支持者失望了！對不起！

如前貼文所說，管理層一直所知是前僱員請辭。在8月8日的事件，及14日勞工組聯絡我們後，我們再三向經理確認是都同事辭職，甚至，經理亦在昨天勞工組facebook留言(見圖)，仍表示是前僱員提出請辭。

一直我們也深怕自己掌握的資訊並不全面，所以在事件曝光前，過五十多小時，嘗試不同渠道向勞工組索取解僱資料、提出進行由第三方主持調解會議;及找前僱員了解，希望有機會得到更多資訊，但一直未如人願，不得要領。而我們最擔心的情況出現了，當聽到聲帶。因為我們知道判斷真的錯了。

這是我們小店管理不善，未能妥善處理此次事件，令很多朋友失望了，除了說對不起，再多也是砌詞狡辯。
在此，我們向前僱員致歉！
亦感謝勞工組眾人，鍥而不捨，終於讓我們知道真相！感激！

https://www.facebook.com/1970276573232191/posts/2656481927944982/?extid=VAiXyjCfcTMMm7Xx&d=n

道歉無事當算數？要問下楊經理指的上頭係邊個啵！
如果唔係道歉之後楊經理變condom

https://www.facebook.com/1076113639215003/posts/1581703828655979/?vh=e&d=n

黃店永遠是對的！

都真係幾賤

你有冇聽過段錄音？
呢次係誠信問題

睇之前HSBC payme件事覺得奇怪㗎啦！
誠信破產今次

朋友夢見自己係PayMe做，有關膳心小館一事
https://lih.kg/1832746
- 分享自 LIHKG 討論區

無fc 又俾人帶風向