有冇人嘅親友係猝死 突然間就走咗

突然醒左就睇到呢個post!

我爸爸2年前既今日都係猝死走左！
好記得果日朝早就快番到公司，突然收到大陸屋企人電話，話我爸就快唔得，果一刻個人個腦一片空白，成個人方寸大亂，立即坐的士衝去關口，人生中最漫長既車程，關口都未到，就收到電話話爸爸走左.....

我爸爸其實本身都有心臟病，果日係起身後坐左係個梳化上面，諗住起身果下，就腳軟暈低繼而猝死

太婆 跌低左
入左院 好返出院果日
訓訓下過左身
不過都一百有六
又好似好合理嘅
不過唔係粹死

五年前係大陸嘅表姐因為交通意外過左身
收到電話個陣已經話佢直接送到殯儀館
連去醫院搶救嘅機會都冇
留低一個八個月嘅仔就咁走左

我第二日仲要返intern
一路坐地鐵一路喊完全控制唔到自己
但見到同事又要扮冇事
間房冇人又繼續喊
到呢一刻我打緊字都喊緊

表姐，我真係好掛住你

有個uncle又係咁
我中午食飯收到電話話佢暈左叫我放工過黎睇成
三點幾收到電話話唔使黎，過左身啦又係五十未到

自己有次又係，中學運動量好多，廿幾歲果陣有次耐無跑步即興去跑，跑左二百米忽然好辛苦，個心有啲痛咁透氣開始急同用力，好彩前面有野扶下，即刻深深吸幾啖氣，一分鐘後即刻感覺好返好多都行返屋企唔敢跑

本身睇到果個留言唔想覆
但係見到各位巴絲留言 想講句多謝
同埋 的確我都只係想同樓主分享下點樣會好過啲
最後都係想講樓主加油 你好叻 真係好叻 真係有咩唔開心頂唔順記得搵人傾呀

舊年生日
阿婆瞓瞓吓覺就走咗...
不過成90歲人，冇病冇痛都算係有福氣嘅

有親戚心血管塞，2日後就走左，
原來一早塞哂平時唔知，真係要定期做下body check

我爸爸都係訓訓下就走左，
節哀順變

我老豆猝完，唔死，植物人，但係個腦缺氧嚴重受損。 我寧願佢痛痛快快，好過宜家咁

巴打我嫲嫲都係差唔多 走之前幾日仲識打電話俾我（係醫院又唔探得）到做完手術返到屋企唔夠24小時就走左我好愛佢 同佢感情好深 我又有情緒病 真係好痛苦唔知點做好咁多位都要保重 人生無常