有d寫鹹濕野有d寫心事真係好正
搞到我都好驚我屋企有一日搵到我本紀念冊而笑我笑到臉黃
去到中七畢大家已經開始冇咩點交換紀念冊
相反會喺我地開始喺校服同全級畢業相背後簽名
雖然形式簡化左
但單單簽個名意義唔係太大
畢業後大家各散東西
相聚時間會少過以前
過左N年後已經唔會太記得大家個名
就算喺街上撞見都會見到個身材走曬樣嘅up 唔出的熟人
去到大學畢業我見到有d女仔會交換寫紀念冊
我都有寫過
而家真係好用心寫幫佢地寫左好長嘅文章
其實我真係好想寫紀念冊呢個傳統傳承落下一代
由於近來我地好多野都俾互聯網同社交網站取代左好多野
但唔係全部野都可以被取代包括十幾年嘅友誼同轟轟烈烈嘅愛情
有d野你覺得害羞講唔出口但可能寫完後覺得心安理得
問下自己你當年第一本自己寫嘅電話簿仲喺度嗎？
你唔睇電話簿或手提電話電話簿，你可以講得出10至20個你最熟悉朋友嘅手提電話號碼嗎？
時代係會進步但人情味隨之而變後淡薄
呢d都係我今日去文具舖買野時見到紀念冊
有感而發姐
諗番起當年我小學時差唔多呢段時間係求媽媽買個俾我收集兒時珍貴回憶
果陣時嘅快樂而家真係好難感受番
