係點樣決定分手？

以往拍拖 兩個人都會因為大家而有所成長 步伐大概唔會差太遠 有一齊嚮往既未來

當大家一齊唔再開心 自然會散

步伐不一

覺得冇將來
覺得可有可無

性格不合。佢好鍾意自己一個 需要空間
我就好痴身...大家一齊好辛苦又唔開心
最後忍痛分手。

[url]自己一個嘅時候感覺輕鬆[/url]
咁樣

Feel到對方唔再愛自己

好多時覺得無奈 無力
每次嘈完 覺得仲鐘意可以繼續一齊
但根本大家諗法唔同 下次都係嘈同樣嘅嘢
啲問題冇解決 唔開心積積埋埋
係鍾意 但係唔夾 大家都辛苦 所以分

有時愛 唔係真係可以堅持落去
就算幾愛都好 去到一個地步
嘈到唔想再嘈 攰到唔想再愛
就可能明白放手對大家更好

失望太多 對方講極唔改 唔開心多過開心既時候

大家價值觀唔同
唔係溝通可以解決到嘅問題
覺得自己無可能同佢過一世

feel到對方唔重視自己

有個更多好果陣

當2019知道佢係中立L日日同我講 大家各自有唔同睇法 你覺得自由重要 我覺得搵錢重要
當鬧佢係藍絲 佢會堅持語自己係綠
又話自己唔反對示威者做既野 就係支持左

綠

想聽多啲
我依家就係努力改變緊自己黎配合佢 佢又係好需要自己一個
有時已經覺得自己唔似自己 好似委屈求全既戀愛

樓主想問點分手？

當愛解決唔到問題、行唔到落去
寧願比機會大家遇到一個更夾嘅人

果次我地大家都係初戀黎嘅 都唔識拍拖。
我自己本身係一個好痴身嘅女仔
會好想成日見到對方果種；

而男方係一個毒L ,
佢除左讀書之外 就係打機，
佢有時間會寧願打機都唔會想同我出街/見我。果陣應該一個月見得1/2次左右@@

呢個情況都維持左差唔多一年，
果陣我緊係勁唔開心啦，
甚至覺得佢唔愛我 所以提出左分手。

咁之後佢有挽回我 話會為左我改變下 會約我多啲，咁我心軟咪繼續同佢一齊。
一開頭係出多左去嘅 多左見面時間，
但之後慢慢都好似打回原形咁。

咁我地果陣讀緊大學都忙嘅，
我就同自己講叫自己忍下啦 約朋友/搵其他野做。
我忍下忍下就一齊左2年半，
但坦白講 呢段期間我大部分時間都覺得好寂寞，覺得自己好似可有可無咁...
同我想像中拍拖好大出入。
我以為會好sweet 會成日見面 掛住對方，
但我真係唔覺得佢有

咁果陣我地有次嗌交
我嬲佢同人去機舖打機都唔約我
唔明點解我想見面都要得佢批准。
眼見身邊朋友成日拍拖出去玩
就覺得自己好可憐。
咁果次佢突然就提出分手先 haha

我果刻呆左 冇諗過佢竟然會講分手。
我仲好記得我係公園喊左好耐 話佢好狠心
佢就話 佢讀書壓力好大 平時要打機去減壓，咁佢讀書又忙 更加冇時間理我 話唔想再令我唔開心落去。 我當刻咁唔理智就緊係挽留啦
仲話會煩少啲佢 比多啲空間佢。
咁我地果陣話比幾日大家冷靜下 之後再決定。

果幾日我真係好認真諗過之後嘅路要點行...而我係真係睇唔到將來 亦都估到往後嘅日子 ，我都係會成日孤獨一人 ...
我問清楚自己 呢啲我根本唔想要嘅，
我份人最怕就係寂寞
我果刻決定放過自己。
然後佢講左對唔住 想一齊返，
但我就堅決同佢講左分手 ....
我地唔好再格硬落去了 大家都辛苦。

樓主,,
有時就算你好愛一個人 唔適合就係唔適合
或許放手 對你對佢 係一個好嘅決定。

Btw,雖然都過左4年 到依一刻我都仲會好深刻 但我仍然覺得當日決定係岩嘅

之後第二任男友同我一樣好痴身 會成日見面；同初戀拍拖情況差天共地！！
所以真係要揀一個岩嘅人拍拖。
拍拖不要過分遷就 委屈自己
有唔開心 難受要講出嚟
下下都忍住 ...傷心 辛苦的
往往只有你一個。

問問你自己，你快樂嗎？