明
2021-01-29 02:58:37
668
「傾下計囉,反正你都唔會咁乖溫書架啦。」他直接地說。
「嘻嘻,你又知。」我傻笑一下。
「有邊次你係認真溫書。」他無奈地搖頭。
「你咁講我架!明明我平時有溫書,不過你係到果陣先溫唔到咋嘛。」我不滿地反對他。
「你有冇諗過畢業之後點樣?」他突然問。
「你呢?你有冇諗過之後要做咩?」我反問他。
「我...我都唔知。」看來他跟我同樣。
「我連今晚食咩都未諗好,我點知道畢業之後會點。不過呢...」
「不過乜野?」
「媽咪話可能送我出去讀書。」我直望著他說。
「係咩,咁都幾好。」他若無其事回應。
「但我唔係咁想去...」
「點解啊?去外國讀書唔好咩?」
「嗯...我會唔捨得香港,同埋我唔想自己一個。」我一想到這就更不願意。
「走左之後你就會慣架啦。」他伸手摸著我頭說。
此時傳來大門打開的聲音,我應該...
A:查看
B:留在房間