拍拖8年 分左手 你問我答

成日嗌交係死因, 唔好諗住小事嗌交好正常, 儲埋儲埋諗返起就會覺得你好煩, 以後都係咁 , 一下衝動就分得

我爬文爬到呢度停咗，有啲震撼
希望樓主你好好保留啲信（即使你有一日下定決心重新出發都好）
嗰啲信件，相等於描述你嘅史詩

佢條件幾好嘅 之不過之前讀書冇乜去pt 就會比較辛苦 我都可以捱
但如果分左再搵個 真係唔要個捱架啦

我呢幾晚都夢見佢 連我媽都話尋晚夢見佢

係呀 sor，我係c，之前申請acc做巴

係啦 我諗我都係太煩了。。。。。。

好似呀好似呀我都中意反駁

我之前細個都寫好多俾佢
佢寫寫下都唔寫了
我唔知佢會唔會掉我尐野
但我每一封都俾心機寫同整

我真係啱好廿中啦
我當然會想一齊
但如果現實嘅問題解決唔到
或者大家都唔變
一定會再次嗌交

我個case易認唔自爆了
只係想上黎呻下圍下爐

一齊4年分咗都好唔慣 對方又係想自由
唔敢想像8年會係點
咁你地而家仲有冇聯絡大家?

有部份男人係咁，冇心機去整呢啲嘢，莫講話要佢寫，連睇同好好收藏都懶。

一直我將前度寫嘅嘢亂放埋一堆，有唔同嘅人寫嘅整嘅，有手作有相簿(附文字)有咭有信。

有一日執屋睇到一份嘢淨睇封面係諗唔起係咩嚟。打開一睇我下意識單手掩口。嗰刻有想噁嘅感覺。

想噁係因為睇到自己當日幾無情冷血，睇到自己錯過嘅幾多嘢，曾經係幾傷害過人。

當中有一位係，如果可以重新嚟過，我唔會提出分手，而係會愛佢一生一世。

希望你嗰位八年戀人有好好保存你嘅信，認得你份愛，珍藏著你嗰顆真心。

啱啱分左幾日咋
佢話可以做番fd喎。。。
我會忍唔到搵佢傾幾句
但唔係再好似以前咁擺我係第一位咁覆我啦
我都明
所以佢覆咪傾幾句咁

我哋一齊太耐 有一次上佢屋企
搵左個盒將自己尐野放係入面
自己幫自己珍藏
有時會一齊拎出黎睇
我哋都係大家嘅第一個
我希望佢都會珍惜呢份回憶

提升自己
再吊下佢
唔好比佢食住

睇多啲復合文
睇到入腦

就會覺得所有成功嘅復合同move on其實好似

對方覺得感情淡咗，已經無左愛
對住我覺得好辛苦，好似無左自由咁
我都好想好似佢咁諗，對段關係可以咁灑脫

其實唔會有人明白自己，今日同朋友傾訴完，當下係好咗
但聽日後日個心情依舊咁down
知道係要move on
依然好容易就會諗起佢，想知佢生活過得好唔好

亦可能因為之前既生存動力都好似係圍繞住佢
搞到而家覺得生存都好似無乜太大意義咁
對於生死都睇化哂

時間會沖淡一切
過左大半年，至少唔會每日諗起佢
盡量令自己忙D,的確係會無咁容易諗起佢
但可怕既係當一靜落黎，迫自己唔記番以前同佢經歷既一切，逃避佢
情緒依然係會好低落
先發覺自己個世界真係好似一直圍繞住佢轉


好既係知道咗對段關係真係唔好咁投入
唔係既話分手果下真係會好傷，仲要唔知件事幾耐先完，幾時先真係放得低果下先痛苦

樓主好鬼醒

“我哋都係大家嘅第一個” 仲要八年 咁都要分手，有冇天理

希望佢珍惜

你唔鍾意睇你嘅事 你自己死番出去啦