初學結他因為指甲問題㩒唔到chord

話說最近開始自學結他
上網睇知道左手指甲一定要修剪
但我天生所有指甲都係生得出過手指頭嘅肉
其他手指剪到最短都叫勉強可以指甲同肉同一水平
唯獨食指就算已經剪到不能再短，去到再剪就會流血嗰種，指甲依然都仲係凸出嚟
導致每次㩒chord食指一係就掂到隔離弦，一係就因為俾指甲頂起咗而㩒唔實
有冇人都係天生有呢個問題，你地係點樣解決？
或者其實係可以喺支結他上解決到呢個問題？

而家咁先進

隻手再向上曲多啲

我都有呢個問題，
初學時都有呢個苦惱，
不過唔知係咪因為無放棄，
彈吓彈吓手指頭啲肉厚咗🤣，
變相比起初學時易撳咗。
不過當然就無手指肉包住指甲啲人彈得咁輕鬆㗎喇。


我都聽過有人為咗提升自己嘅技術，索性剪到入肉，真係好勇

利申：我只係廢渣業餘級數，但撳到大部分chord，撳唔到嗰啲通常係因為指距問題or懶

我同樓主相反，啲手指甲生得入，㩒chord無問題但右手個三隻手指甲就特別長 揸筆好唔舒服

唔駛真係剪到好深, 開頭有幾貼剪幾貼先, 彈一排覺得唔夠再剪入啲

至於揩到其他弦係關你習慣同練得夠唔夠事, 我就算手指甲長咗一樣唔怕揩到, 係撳唔實啲弦會buzz啫

就係已經試過剪到冇得再剪，都仲係會俾啲指甲頂住，點㩒都㩒唔實條弦

用腳

樓主吉良吉影？

影黎睇下 點叫出先
但一定搵到方法就既

會唔會係你個㩒法有問題 邊個chord唔得
我依家指甲有白邊都暫時無咩問題

呢張係我剪到最入，我本身指頭都好尖下
例如㩒c chord，我食指出盡力+避開隔離弦咁㩒
係就係有聲，但就因為㩒唔到底所以好難聽，噹噹聲咁

還好啦 我同你指甲一樣
你㩒線記得係㩒最近塊flat個啲位
如果都係唔得我覺得有可能係啲琴弦set得太高

我建議你起碼剪到指甲唔會突出嚟，如果你話怕痛乜乜柒柒咁你咪撚彈喇，返去吹牧童笛啦

手指沒問題，練多些可解決，別氣餒✊🏿

據聞剪唔到要磨甲
逐啲磨入去

巴打可唔可以俾你弦距我參考下

首先，你指甲仲有白邊，即係未算剪盡，仲有得剪。就算剪唔到，都可以用個銼黎磨甲。
然後，再唔係你可以試下狂練粗金屬線結他，練到手指頭起晒枕，個指頭突左出黎，又夠力禁左，技術好左，就會減少左個問題。
然後，技術同手指改善左都係有問題嘅話，不如學琴好過。

我同你有一樣問題
可以話比你知其實係剪得入
問題係你有幾想彈結他
你遲啲唔彈但又剪咗入去會後悔
剪入去其實即係剪有咁貼得咁貼 唔痛先試剪入少少
但剪完你都未必㩒到
千祈唔好高估自己手藝


接受到自己隻手剪到一忽忽先好剪
可能一世都剪唔入需要剪入嗰隻手指甲