原來劉細良因為驚國安法，係城寨度將陳家駒專訪下架，仲搞到個主持人要同佢地割蓆

當日抹黑梁天琦被共產黨利用；到今日你劉細良連佢唯一剩下的「光復香港時代革命」都要剝奪？

作者：無神論者巴別塔


對於身邊好多離地中產當劉細良係神我並唔意外，因為劉細良果種主張參與不公平選舉遊戲，嘗試從建制內改革，並堅持以和理非作為對抗政府手段，即使毫無作用亦拒絕將行動升級，一切以既得利益階層繼續搵食為先，理撚得你班年青人仆街，其實就係呢班人嘅共同價值觀。


但對於連登仔、甚至勇武派部份人士瘋狂吹捧呢位時事評論員，我卻係極其意外。明明呢位前中策組成員，當日就話勇武派係比共產黨利用，係搞散民主派嘅鬼，今時今日唔敢學蕭若元同勇武派割席，只係由於群情洶湧計過唔著數，所以先鬼鬼祟祟轉軚，而完全無學吳志森咁黎一個認真懺悔。


好多人話佢分析好客觀、「唔Agree都要聽下唔同光譜嘅聲音」──當一個時事評論員由個運動一開始就已經批評勇武衝擊係毫無作用，多番否定勇武響運動中嘅地位，兩個月黎一直都鍥而不捨叫人唔好再衝擊，然後你同我講客觀？至於唔Agree都要聽下唔同光譜聲音更加可笑，而家就係聽完覺得好有問題先拎出黎Challenge囉！


本來Medium就有好多劉細良Fans、非必要我都真係廢事拎出黎批評倒自己米，但問題係佢今次嘅講法真係非常過份：佢竟然話因為林鄭同港澳辦經已拎「光復香港，時代革命」作為港獨反中央嘅藉口，為免再落中共口實破壞運動，年輕人應該放棄呢句口號：「光復香港 時代革命」


我聽完嘅即時反應係：究竟你班飯民老屎忽，仲要相信「唔好激嬲共產黨」呢套策略去到幾時？當日青政梁游因為一句「Fucking Chi na」被DQ，成班黃屍就瘋湧而出話佢抵撚死；最後點？唔單止跟住接連4個完全無侮辱中共嘅立法會議員都被DQ埋，仲要連帶下屆朱凱迪都隨時無得選！


今日你停嗌一句口號，然後就會覺得共產黨皇恩浩蕩會放過你，天唔天真啲？
好多網友真係講得好好：今日為咗唔想比人屈港獨，就放棄一句完全無關嘅口號，咁聽日佢話叫「結束一黨專政」等如搞港獨，你係咪又走去放棄？後日話支持雙普選等如搞港獨呢？


呢句係梁天琦喺2016年初參加新界東補選時嘅口號。其實喺2016年1月初梁天琦宣布參選時，仲未有呢句口號。當時宣布參選嘅記者招待會上嘅新聞稿公布嘅選舉口號係「知行合一，世代革新。」


究竟「光復香港」係點黎？就係當日本土派為咗要奪回被自由行、水貨客攻陷嘅香港而黎；「時代革命」呢，就係要將年青人重新從雨傘失敗之後嘅無力感之中號召番黎，要向舊時代嘅老舊政治框架告別。我好感謝梁天琦選擇咗用「時代革命」而唔係「世代革命」作為口號嘅最終定案，令我呢個廢老都有幸響呢個革命之中佔有一小個位置，以至每次當有人高叫呢句口號時，內心都有一股感動。


然後你劉細良輕輕一句：「唔好激嬲共產黨」，就想將對一整個世代人有特別意義嘅口號完全抹殺，其實講到尾就只不過因為你對呢句口號完全無感，覺得掃埋入垃圾桶都無所謂之嘛。更甚者，光復香港就係劉細良當日瘋狂抹黑嘅運動，時代革命就係包埋革了老飯民的命，作為飯民大台嘅國師級人民黎講，點可能唔想盡方法去阻止呢兩句嘢成為運動主調？


但個問題卻係當年你劉細良經已將本土派嘅最後希望梁天琦同本民前盡情抹黑；而家你連梁天琦帶比年青人嘅最後遺產、好重要嘅一句「光復香港，時代革命」口號都要剝奪埋？你究竟仲有無人性？


跟住收倒風，原來8月6日中午，以蕭若元同劉細良為首，邀請咗包括吳靄儀、張達明、袁天佑、方敏生、鍾劍華、程翔等一眾飯民大台代表人物召開緊急會議，會中決定以「逃犯條例修訂風波資料中心」為名重建大台，並將於往後全力進行「反勇武」宣傳戰，甚至不惜撕裂、分化，都要和理非大台重新奪回整場抗爭運動嘅話語權。


當然一場運動就唔係咁容易比呢班舊電池騎劫，但飯民大台勝在有無窮嘅人力物力同傳媒陣地，比佢地駛橫手搞一搞，五癆七傷卻係難以避免。呢個局我真係唔識點拆，但可以肯定嘅卻係，無人可以從我手中奪走「光復香港、時代革命」呢句口號，我一定會死守到底。

佢做咗咁多年傳媒，有自己判斷。
而家既策略係要「鬥長命」，留下有用之軀。
唔好自我設限，唔等於冚頭埋牆。
我信佢。

去脈略化
但又聲大大屌左先

人地話和平分手啊，唔好添油加醋啦！

點解唔可以迴避一下俾國安法捉

救得一個得一個
仲課金俾佢條撚屌？

細良軍師：唔好嗌光復香港（之後騎劫埋），前線全部勇武暴徒都係鬼，明明有成堆上等智士同資深代議士幫大家爭取民主回歸中國，做乜要用暴力喺前面破壞香港，可能畀狗推落樓都係收左安家費

聽曬條片
我想問佢邊分邊秒有話「嬲到要起另一個網台」
佢話對城寨決定表示理解
同埋對城寨係國安法生效之後繼續係香港運作表示敬意

樓主完全屈曲人地條片既意思
最搞笑係樓上d人都冇睇過條片就屌埋一分
分化撚收皮啦

其實你有冇睇過條片？
條片既內容同語氣同樓主既轉述完全唔同

其實點講都好，劉世良既節目係香港政治youtuber 介別係排第二，緊次於簫生

毓民
毓民而家係唔係仲收緊東方30萬一個月?
係唔係仲住緊干德道豪宅?

其實算係

俾人擺上枱唔解釋件事係點

其實我都想問下劉細良及其打手，點解黃絲channel可以噤人聲。
你話驚國安法，唔好傻啦，你而家每日講緊既野，有邊句唔犯國安法？你今日印個隻連豬都可以犯法，關你播咩事。又唔見立場同蘋果完全抽起國安法逃犯專訪既報導？
打壓就打壓啦，搵咁多借口，真係驚既成個台摺左佢。

劉細良條閪佬收緊販民傻粉1球野一個月
30萬濕濕碎啦

做就唔好驚，驚就唔好做

又鬥黃

課金俾佢不如捐去612好過

不如你答左我條片係邊分邊秒有「嬲到要起另一個網台」呢一句先啦

利申︰打手

又係呢類留言
我唔鐘意黃碧雲，不過覺得袁海文幾好

前句同後句有咩語意上或者邏輯上嘅關係？

條友最撚中意講呢啲

巴打有無一齊坐低嘅gif

無神論劉正，盧斯達，李怡咪一撚樣。猛叫人同中共博命/唔好怕激嬲中共，但係自己走左去/從來無做過激嬲中共的野