而我屋企老人家係行動不便，並且長期聞氧氣。根本好難行出黎。我地同老人院話事人討論過，我地都只係拎生活用品入去，而且只係固定一個人入。可能會有人插我話疫情入去點點點，佢間老人院分兩層，一層有30個老人家，唔同身體狀況都有。但係每層得一個姑娘工作。你覺得真係照顧到？
重點！點解話佢老人院差呢。老人院呃政府福利！老人家唔洗用尿片，佢報上福利處係寫老人家要用片，根本冇每日幫老人家測血糖，都有報上社處申請血糖紙嘅錢。
你地覺得一層一個姑娘照顧30個老人家，姑娘做的好嗎？ 碗碟用完擺係洗手盆幾個鐘冇人洗，經常發現地下有藥。整唔見我老人家嘅衫褲。甚至見到佢地姑娘有打其他神志不清嘅老人家（重點係打頭）。另外都見過姑娘唔比老人家飯食。
老人院話事人話我地可以叫姑娘係門口拎，試過係門口按門鐘之後等佐40分鐘都冇人開門！所以我地最後拎入去
老人院方面話佢地禁唔到行動方便嘅老人家出入。因為佢地會報警話非法禁錮
WTF，心諗老人院藉口真係吹到呢。聽屋企老人家講，夜更姑娘唔係工作係訓覺，有老人家半夜過身都冇人知。早上先發現。
老人家年紀越黎越大，出入醫院都多佐。身體每次越黎越差。老人院話我地經常去睇老人家，叫我地不如帶老人家返屋企照顧，疫情好佐再返老人院，係屋企住嘅同事老人院照收錢。講真我地照顧到一定自己照顧啦，唔通送去老人院咩，又叫我地換老人院，其實一直都想轉老人院，但係疫情期間其他老人院真係唔比人出唔比人入，根本冇可能去睇其他院舍。
其實打咁多字係提醒其他可能搵老人院嘅朋友，唔好揀黃大仙雙鳳街伯德大厦個間！！！
