濕疹有無皮膚科醫生推薦

細個開始有濕疹
呢個月發到好誇張
有無皮膚科專科醫生推介
不介意價錢

今個月生活習慣有冇改變到
有冇多咗接觸過敏原
睇西醫就間間都差唔多
都係開藥比類固醇禁住發炎
治標不治本

我由一月開始睇皮膚科 睇左三次 好係好快好返 但好快一個星期後又爆到多次嚴重嘅
我上個月第一次睇中醫 食左兩星期藥 算係減低到出水同痕癢問題 但紅印keep住係到

你有無搽到類固醇？

有搽亦都有食 但係我搽就搽得好小心 用量好少 因為第一次搽完好返一陣子就反彈得好嚴重 之後就忍住冇再繼續搽

係呀 前一兩個月突然爆得好勁 睇過兩間唔同嘅西醫 佢地都係開類固醇比我食/搽
雖然係好左好多 但係因為都搽咗一排 依家戒緊 等緊類彈
建議都係改生活習慣 戒口個啲
你嘅濕疹有無出組織液？有嘅我見上網啲人話用人工皮幾有用 係萬寧屈臣氏有得買

類彈好辛苦㗎 唔知你會爆成點但幫你加定油先
有出啊 依排身體逐個部位排住隊同我出水
依家就到面頸耳仔流到爸爸聲咁
全身紅哂 隻手掌有燒傷感
不過我唔出街唔見人就由佢流 冇用人工皮
不過都聽人講收水好好用 我覺得可以一試
我個人覺得死海鹽好用 幾舒緩到

依家我靠改變飲食習慣(AIP)醫腸漏症
同埋改變生活習慣(盡做緊 難啊)
始終濕疹係免疫系統有問題
我相信係依方面入手先有出路

共勉之
雖然我暫時未去到你咁嚴重
我之前食過半個月類固醇同查過十日類固醇左右
依家戒左啱啱好第三個星期 都係冇之前爆嘅時候咁嚴重
但某啲傷口都有出翻組織液 我已經戒晒糖食得好清淡
沖涼都盡量用清水沖 努力緊
希望唔會反彈得好勁...
不過可以食下supplement 對身體都幾好！

食類固醇 之前爆得好嚴重?
啲水就由佢出 唔洗好刻意咁禁住佢
Supplement有食啊 最近諗住試多幾款
除咗戒糖仲要戒麩質奶製品
依啲會破壞你腸道健康加劇發炎
我唔讚成食得清淡or戒到得返白菜豬肉
尤其我地嘅身體係特別需要唔同嘅營養去修復

因為我係前幾個月先突然有濕疹 以前無
一爆就爆得好勁 然後個西醫話食會快過搽喎 所以就開始食
不過係食個方面都會一定至少有一肉一菜 當然有時會有啲調味 同埋無個啲所有野食都係烚咁誇張🤣同偶爾都會飲一次蜂蜜綠茶個啲 不過好偶爾先會飲下 始終人體點都要吸少少糖分

考慮緊做過敏原test但係唔知邊個plan好
類固醇自己好少用因為驚會反彈
會唔會睇中醫會好啲

想問下死海鹽係點樣用？
同埋浸左會唔會反而好乾

如果唔係由細到大個啲係唔係接觸到啲咩致敏源先發濕疹？
如果唔係好大範圍個種我覺得要靠自己意志力忍住唔好r令到佢斷尾

長沙環吳毓輝
我濕疹左二幾年
睇完佢之後開始控制到
就算唔係經常睇都唔會突然發得好勁
重點係收費真係好親民

細個果時有冇睇過政府專科？

無，細個睇家庭醫生佢都係開類固醇比我搽。
不過細個啲濕疹好少，得手腳摺位所以未到話好重視。最近真係好影響生活，依家擴散到塊面同頸都有

我前排都爆得好勁 去咗睇海富大廈李業慈 佢幾好唔會亂開類固醇 但西醫都係類固醇 唔搽一排又復發 所以我近排試緊中醫

我都係咁細個得手腳有塊面冇架 依家發起上黎勁影響心情同生活

真係好唔開心，同埋唔知係留意多左定係點硬係覺得呢幾個月好似無好過咁，以前都話發完之後有一排會唔發。幾時可以無咁痕無咁乾

屌 我呢個半月無啦啦翻返到仆街

有滲液可以試下塗小小熱痱水，好快收乾

但真係小小好啦，用得多過頭會好乾

建議做測試揾左自己有咩致敏源先
唔清楚嘅話會日日食落肚/接觸到都唔知 跟住搞到勁痕
我都係做完測試先知自己酵母過敏 冇食麵包嗰啲之後好左好多

做邊隻？

IgE 定 IgG

近幾月 手d 汗皰疹 又返晒黎 呢幾星期連腳都有

唔想睇西醫 已經食緊中藥 考慮再做埋test睇下係咩食物會敏感

諗住做faber有冇人做過 推唔推薦？

由細到大我都有濕疹
不過之前個幾年都仲好啲
係近年先開始又嚴重返少少
我認為個人開始抵抗力差左可能夜訓同埋少做運動左
仲有之前返工好熱成日出汗搞到濕疹返黎
我就冇大家講到成身都有 所以都未睇個醫生
都係自己買返啲類固醇搽不過唔係成日會搽
自己就介唔到口 係意志力唔好去R佢

跑步加蜂膠 唔多唔少有幫助
抵抗力入手會好d