[四月新番] 果然我的青春戀愛喜劇搞錯了。完 / 神作果青第三期 (2)

唔係講緊家族繼承人咩

個又字唔係單止一次，key到落去我都覺得ok
套野最大迷團就係雪乃童年，仲有陽乃嘅青春

我覺得呢句算係虐狗嘅元兇
一開始狗以為男女主拍拖都可以直接抽身走人
畀個家姐咁樣講就令狗離唔開女主
即使狗點樣認清現實都仲要繼續留喺佢哋身邊自殘

結衣當時可以直接抽身走人，係因為冇幾耐之前八幡同佢攤過一次牌（唔使因為救狗而同情我）吧？

呢個都係原因之一
攤牌之後狗連侍奉部都唔去
代表佢對男主嘅愛情重過對女主嘅友情
先會有「寧願唔見女主都唔想面對男主」呢種行為

後尾狗都話可能比自己想像中更鍾意女主
而家諗番由嗰時開始佢嘅命運已經注定咗

大老師有講過 誤解喺對方已經「理解」嘅前提下冇得解釋，不過只限於兩個人之間，除非有第三調停者作為被誤解方嘅證據


情況係大老師誤解結衣，因為唔能夠理解愛情所以解為同情，而結衣根本冇能力去解釋所以自暴自棄
所以如果冇雪乃調停應該就收咗皮

同樣情況出玩喺之後嘅校園祭，一色事件，如果冇結衣的話大老師同雪乃都一樣會收皮

姓咪Y字頭

重睇小說睇到第八卷

其實點解雪乃會ON9到以為大老師同結衣拍拖...
雖然大老師話 : 哦，我和結衣在一齊"
係反映緊剛剛一齊緊，都唔係拍拖既一齊，日文真係....

其實雪乃係咪扮哂震定?
最後佢話想結束一切係因為佢以為佢地兩個拍拖? 佢唔想再見到大老師?
最後滴眼藥水係咪因為以為自己失戀? 所以喊?

應該陽乃句共依存都有關係
令雪乃唔想依賴大老師 想自己獨立同有成長
另外知結衣鍾意大老師 唔想同結衣爭仔
同埋我諗雪乃係對愛情好遲鈍果類唔知大老師鍾意佢
最後判斷自己離場係對大家都好
所以最後喊同結衣一樣忍唔住喊 因為自己鍾意人 又放棄咗

好矛盾，一方面想雪乃獨立，一方面唔想雪乃離開自己...
唔怪得今次大老師表態成咁，連結衣一色都發覺到大老師心意..
但雪乃就完全唔知....但我覺得雪乃唔知係好正常

大老師成日搵藉口，向結衣講:想幫佢，向一色講:想負責任
而向雪乃講 : 比賽勝負，所以雪乃可能單純以為真係比賽勝負吧

假設雪乃誤會大老師同結衣拍拖，但佢地咁fd子，咁都自己離場嗎?
我覺得結衣做敗犬既話，一定會忍住，睇佢地兩個拍拖都照做朋友
同埋雪乃幾時發覺結衣鍾意佢?睇唔出吧，反而係結衣一直知上佢屋企見到張相更加肯定。但雪乃呢?

而且，雪乃喊乜尻，我睇唔出佢有為依份戀情做過D乜...
佢幾時發覺自己鍾意人? 明明係依靠佢大於喜歡人吧...?
不過雪乃為失戀而喊，真係有點意外...

冇錯 大老師不嬲成日搵藉口
今次講明唔想佢幫 又無其他人比理由佢
仲叉隻腳埋去話要咩負責任 又比賽

結衣其實表露好明顯...
上季情人節三人約會係雪乃面前送餅乾比大老師（雪乃角度覺得結衣宣示主權）
雪乃仲以為自己係度阻住佢哋 係水族館睇企鵝果陣自己走開咗

雪乃鍾意大老師唔出奇喎 雖然性格扭曲 但個人溫柔聰明又有能力
其實結衣鍾意大老師都係呢個理由 當中因為一年間嘅相處 令佢地了解大老師為人 從而喜歡

八幡重提侍奉社比賽既時候，雪乃有諗左一陣，然後係雪乃重提勝者可以對輸家提出要求
所以我諗雪乃應該有晒全盤打算，唔會單純為左好勝

應該係情人節水族館約會令到雪乃以為八幡同結衣兩情相悅，所以呢件事之後會見到雪乃不時退讓
離場除左因為呢個誤會，我諗仲有因為依賴既問題

雪乃自行放棄，已經係好值得喊既一件事，我都喊能左
據渡航所講，雪乃係京都夜路發覺自己鍾意左人

Yukinoshita Yukino
雪ノ下雪乃

第6集劇照
https://www.tbs.co.jp/anime/oregairu/story/

材木座終於出返

就算係水族館果時表態，但我唔明點解雪乃會唔行動...
成件事好奇怪，點解唔爭取自己既愛情，係咪被動到咁樣呀....

結衣喜歡大老師唔出奇，當初救佢隻狗開始留意佢，後面相處喜歡我都明..
但雪乃憑咩喜歡上大老師，我覺得係"真物"大老師喊完，雪乃D好感度好似爆升，唔通係"真物"果到感動到雪乃?

雪乃全盤打算係為左自己退後縮骨，成件事真係痴撚線
唔想依賴依個我都理解到，但佢唔想阻住結衣同大老師都唔洗自己消失吧，大家是朋友。除非真係忍受唔到自己愛人同其他人一齊ja

另外....估唔到係京都夜路發覺，即係食完拉麵果段? 我完全想像唔到係果到發覺。
明明京都夜路後日就係竹林表白，但雪乃果時嬲好似完全無愛情原素係入面wo...

陽乃都有個Y字，我都幾肯定葉山係鍾意陽乃，太明顯啦

睇完樓上巴打補充雪乃係旅行食完拉面察覺自己鍾意大老師 我覺得雪乃似係搞學園祭果時好感爆升
講真物果度反而好感跌咗雪乃聽完真物留低句我唔明白就走咗 係結衣拉大老師去追雪乃先挽留番段關係

雪乃對愛情係咪好被動我唔知
如果你問水族館事件前點解唔主動的話
就因為環境唔允許 旅行大老師自爆式表白搞到三人關係好僵 一色選學生會件事之間雪乃同大老師冇好轉過 係大老師講真物之後 三人講咗大家真心話先好轉
之後就即刻水族館事件 雪乃可能以為大老師同結衣都彼此鍾意 係情人節約大老師果個係結衣 大老師竟然會黎就自然令雪乃誤會
咁雪乃都係好女仔黎 應該係察覺到結衣好耐以前就鍾意大老師（當初結衣想學整餅乾原來就係想送比大老師）咁自己就無謂同結衣爭啦
劇情可能有記錯掂搞錯咗唔該更正番

一色係純粹妒忌?

我唔知渡航喺邊度講過，但如果係真嘅話，咁應該真係學園祭時好感到爆升，旅行出夜街嗰段雪乃怕羞話驚畀人見到佢哋一齊返旅館，反映雪乃當大老師係異性嚟看待

真物宣言應該係升好感嘅。佢話唔明係因為同之前大老師告白自爆、學生會逼雪乃退選嘅行為相違背。後尾雪乃接受先會有接受大老師嘅真物委託，同埋迪士尼叫大老師救佢嘅劇情

渡航係第2季第1話既BD特典附送既ANOTHER小說既後記話：「我想把那一幕叫做『萌芽』」