見有絲打推月經杯都忍唔住要回一下,用過月經杯真係返唔到轉頭
雖然都仲係會m痛,但少左m巾又濕又焗既感覺,成個黎m既過程已經舒適左好多
我係m巾直接轉用月經杯,未試過用棉條,都覺得唔算太難上手
開頭睇d tutorial教你入杯乾曾曾咁入真係勁難入,後尾我發現其實根本落少少KY成件事即刻冇難度
拎返隻杯出嚟其實配合返盤底肌,大概3-4個月都已經好掌握到隻杯點出入
依家我用緊me luna既shorty S size既杯
個陣做左好多功課呢個牌子無論size定質料軟硬度到杯底個把手位款式都算係好多選擇
因為我本身好矮細,流量亦都唔算多,就揀左呢款,應該係當時市面上size同容量最細既杯
但即使係咁細隻杯,就算係流量最多既第2日,我都可以12小時先洗換隻杯
用開m巾其實好容易會高估自己既流量,用左月經杯先知原來女人黎一次m並唔係你想像中咁多血
所以其實我由開始用月經杯2年以來,都只係試過一次要係街洗換隻杯
因為8-12小時換一次,只要你個幾日冇放工放學特別約人,係完全可以做到夜晚返屋企換杯
所以其實用左月經杯自己又舒服
又環保
又慳錢(雖然一隻杯貴過一包m巾好多,但一隻杯可以用幾年
姊妹們,一齊加入月經杯既大家庭啦