結他換弦一問

想問下正常係咪兩圈 同埋應該點決定要幾長
弦釘係咪要完全入曬先得 因為有一兩粒唔係完全入曬 如果冇入曬會唔會好易斷弦？
另外一開始換完 係咁走音係咪正常 要tune大約幾耐先會冇咁易走音？
第一次換 上網睇咗好多資料都解答唔到所以希望有人可以解答下

同埋如果已經換咗弦 然後tune極都tune唔到個音 太緊 如果再tune會斷弦 咁係咪即係要重新再換一條新嘅

古典正常係兩個圈

弦釘當然要整實啦
唔夠力用個鉗整實d

條弦有彈性
你唔好一面倒較緊、要鬆返佢
隻手彈下d弦整鬆佢

換多幾次就有經驗

我自己就係預留返大約一個弦鈕嘅距離嘅長度
弦釘正路係入晒
如果扭實嗰陣見佢彈出嚟應該趁仲鬆啪返入去
冇入晒係驚你條弦唔實彈出嚟啫 差少少嘅話我估冇問題？
一開始條弦走音係正常嘅 張力未穩定
我自己嗰set都一兩日左右就穩定？
反正日日彈之前都會tune下睇下 所以冇咩點理過

我第一次換弦嘅時候都試過
跟住發現原來係自己戇鳩記錯音
假設你本身留夠長度嘅話應該唔會上唔到
差啲啲嘅話試下等條弦適應下先扭下（小心斷彈親自己）

其實無特別一定要幾多圈，我有時懶得濟唔剪由佢繞多幾圈，都無斷頸或爆炸
弦釘一定要入晒,唔得用小小力或工具（搵布包住，小心整花結他）。
tune大概幾耐唔走音無定，有人話起碼彈一個鐘，不過其實走音好大原因係繞弦嘅空間拉扯，次次會唔同，所以都係彈多啲等佢穩定啲。

太緊唔好勉強，鬆下緊下，或者彈下抖下，等佢繞住啲位慢慢鬆番再拉。我試過花兩三天時時先tune到，要耐性。

其實幾多圈都無乜所謂，不過2-3圈就最好，無咁易走音。其他嘅好難用文字表達，我都係自學換弦，網上有好多教學，換得多就自然知道點換係最好。所以話初學者唔好買太貴嘅結他，又唔識保養又唔識換弦，支結他好快玩完。

我見好多人都會叫人一買買支好小小結他，又話面單，又話名牌。結果又唔小心撞花，又話受潮肚脹，又話攣頸..... 踏實一支幾舊水合板，係好開始（就算即時終結都無咁晒）

其實最好係買支二手嘅。有啲千幾二千已經買到面單，弦距又低。有啲可能係小店買有set up 過，更加適合初學者。

點解係都要諗買面單😂 唔好以為面單⟩合板係必然，睇你咩角度咋。初學者，合板更易打理，唔駛咩怕潮濕，放係梳化隨時隨地彈，玩厭送俾人。
有心玩自己識咩叫“聲”,先買千幾二千唔遲。