北海道鐵道行 釧網本線

Can't wait for things to go back to normal so my wife and I can adventure again.

北海道鄉下同本州鄉下好大分別?

幾大，鄉下的話我住過北陸同北海道共4個唔同地方既鄉下，幾個地方啲人都一樣係零國際觀架啦，但北海道鄉下人係有錢好多，所以個格係勁似個啲所謂既"土豪" ，更加自我中心

如果要我喺北海道長住既話，剩係得札幌可以考慮，始終都係大城市。

講到物價呢，食方面同埋租樓方面，的確比你想像中平，而且高質。不過水電煤同交通費真係幾貴。

鄉下生活真係唔係我地城市人想像中咁簡單，有好多野要一手一腳自己解決，仲有你喺鄉下打工，唔理你係wooff又好，乜都好，你一定係寄人籬下，加上價值觀大大不同，就算有幾好玩都好，你都會有好多野制肘，滋味唔太好受。

尤其係酪農，道東有個地方叫做鶴居村，當地酪農既收入係全日本數一數二高

北海道物價算貴啦
鄉下生活真係for 體驗
人與人價值觀真係一時三刻改唔到
呢邊啲人講緊唔係一世人無離開過日本，而係從來無離開過北海道，啲女既人生願望係想22歲前結婚，25歲前要生到仔

我呢到都係做酪農，已經係啲細規模牧場，講緊賣一隻乳牛都40-60萬羊，佢養緊600隻
但可惜呢到啲人事實係無咩國際觀，問過我香港無牧場啲人係靠咩賺錢

所以做wooffers其實都唔錯，如果要體驗鄉村生活既話，做左一個月，覺得自己個人strong左

我聽日就走得，我都係一個月，你就強壯左，我就惹到周身病痛

咁你係咪要早晚搾一次牛奶？聽講有啲大型牧場，要成6個鐘一個shift。

我呢間唔係搾奶，而係養大啲bb牛 等佢地授完精賣比人搾

我知搾奶個啲係辛苦勁多

其實真係幾厭惡性架，打掃牛棚係例行公事黎，日日對住牛屎真係唔好受，日日驚住俾牛踢更加唔駛講

依家奶農搾奶都用搾奶器，唔駛用手搾，不過洗奶頭都係要人手洗

我比牛屎水彈過落塊面 彈過落隻眼到添，其實牛屎好快慣 未high 過牛屎唔好話自己黎過牧場，係真係比牛踩真係痛足幾日

我呢到都有幾隻乳牛要搾奶 不過係用黎餵牛bb，每日主要工作係餵bb 同查下佢地啲屎有無異樣再調岩佢地飲既奶。

搾奶牧場辛苦好多我都係聽其他同事講番黎。

好彩做左成個月，未試過俾牛踩同俾牛踢
不過試過俾一隻滿身牛屎既牛用鞭發中，左邊面中哂牛屎

隻牛600kg 一隻腳150kg 咁踩落黎
有同事試過掉左老細部電話落牛屎沼澤到 不過最經典都係佢直接試過比牛噴到一身都係屎，仲暖既(無錯，同技安比小夫噴個下一樣

留名

道民既自豪感(所謂既地元愛)係全國數一數二

Btw 如果有機會做牧場主人，唔好以為好過癮
決定左做牧場主人，就會好困身，半日都走唔開
不過好彩有個協會叫做JA，你係呢個協會既成員，假如有一日真係做唔到日常既工作，其他成員都會幫你手

做農業/畜牧業好困身，同埋對體能要求唔低，呢啲錢唔係易賺

唔怕污糟
唔怕危險
唔怕辛苦
真係可以試下去人地牧場做下

JK

其實本來就係會停20分鐘 唔係早到