雖然議會戰線睇落好似已經冇得再打,但係我哋之前已經有共識話35+得好少機會成功,要將DQ變做國際線嘅子彈,點解依家先嚟驚,先嚟自亂陣腳?
就算初選出嚟嘅被DQ,但事先已經準備好PlanB/C,我唔明點解要搞到好似世界末日咁,就算再畀港共DQ晒,咁咪等美國或者其他國家制裁,唔好話我輸都變贏,呢個係事實,抗爭有好多條線,本土線已經冇乜嗰陣又唔見你哋屌,就係因為仲有其他線,正如議會線畀人打擊仲有其他線,我見唔到要驚慌嘅理由。
依家我哋要做嘅係要整頓返士氣,我見到出面好多人喺度散播不良風氣,又話贏登仔又話阿Q,如果畀人DQ就當輸,咁我哋上年71已經輸咗,我唔敢話嗰啲係五毛定乜,或者只係太驚嘅手足,但我哋要冷靜啲,轉危為機。
仲有就係打國際線,今次係好大規模嘅DQ,等於送國際線勁多彈藥,再加上學生動源成員畀國安咬,證明香港已經愈嚟愈衰 (唔好講我用手足畀狗咬當子彈係冷血,之前幾千手足畀狗咬都照打國際線,幾十到一百個畀惡安法捉嘅手足你又唔講?我哋唔係要被咬嘅手足莫名犧牲,而係要打埋佢哋嗰份),國際嘅眼光都會聚焦喺我哋度,再加上美國同中国最近嘅互相挑釁,我相信好快有嘢發生。
至於議會線,一定唔好投白票,投白票等於幫對家投票,到時就算碧雲都要含,人選就等各個黨傾掂,但我哋唔可以放棄
--------
唔好驚,我哋未認輸嘅一日都未輸,而事實上我哋都未輸,唔好製造恐懼氣氛,加油。