男人真唔夠女朋友強而自卑

其實你講得呢段說話，仲覆人強調你搵得多過35k，你自己個心入面已經比較左高低啦，你都嫌人低，仲問如果個男仔自卑點算，其實不知不覺間你男友都感受到你睇低佢佢先會自卑
女人後生搵得多但年紀大左升得好慢，男人有手有腳多經驗又肯進修下慢慢升都可以升到40幾歲，唔係叫佢一步登天，慢慢一步步進修都可以。
而家低過你唔代表永遠都係，你都唔好睇低佢或俾佢感覺到你睇低佢

專業人士咁易搵咩，如果咁易搵就好啦。搵個專業人士又會有專業人士既擔憂姐。 見過唔少專業男到談婚論嫁既階段先比人發現佢偷食，所以呢d野順其自然啦。

由於成長背景關係，屋企人想我點我都係follow佢地既instruction,佢地想我做到既野我都會做比佢地睇（好彩佢地對我要求唔高/無咩要求），所以佢地好錫我，咩都比我。 而我就係因為呢種成長背景下，好多野都會覺得好理所當然，覺得好多野只要肯努力就會做到。好多時都會為咗做到而忽略周圍既人同心情。

就我而言，我比較著重於理性既分析，而忽略情感思維，所以你問我鐘意另一半d咩，我會答你唔到。

當初拍拖係基於一個原因，因為我屋企人擔心我下半世做老姑婆，所以要我拍拖，甚至介紹d條件唔錯既男仔比我識，不過大多都係傾下計食下飯就無咗下文。之後我都係順其自然。直到機緣巧合識到佢，佢又主動追我，而佢嘅條件又唔錯，所以同佢拍拖囉。因此我承認我係愛自己多過愛佢。 拍拖既另外一個原因就係滿足屋企人對我既期望，就係結婚生仔，所以如果同另一半結咗婚，我應該唔會離婚。

對於你覺得我精神層面貧弱呢一點我好認同。好多時我都係只考慮自己，唔會考慮其他人，好多時都係由我既角度去諗野，或姐係由我既角度去諗其他人諗d咩，而其他人諗緊野有時就唔係如我所想既。 我既缺點就係太自我中心，好多時都自己make咗個conclusion 先之後再問人意見。 而我男朋友都知道我呢個缺點而我都好努力咁改。

專業人士指係代表係果一個領域得到認可，所以我唔會覺得自己特別優秀。 我只可以講既係我相對地比唔少打工仔搵得多同埋收入比較穩定，但我絕對唔係樣樣野都叻過人，勁過人，而我好多野都好廢，好需要去學習既

如果我男朋友咁諗都好 不過作為女朋友 當然想男人搵多d啦

我同事係佢另一半人工double ，都係叫佢另一半幫佢交

咁點樣可以令到自己唔睇低佢 或者令佢感覺唔到

唔會比fd笑啦

我好多fd既另一半人工都低d


反而一d同事識咗個年薪過百萬既專業人士就會成為話題

我試過問同我曖昧但最後無拍到拖既男人
點解佢最後唔溝我
佢話因為自卑
公屋仔兼收入唔高，學歷又高過佢
唉
其實我無介意過
同埋住私樓就有錢咩。。屌
我都有得攞嗰4000關愛基金ga

係咩工？可摸耳介紹下

姐係你條件唔夠好吸引唔到同你同一個level嘅男仔
咁你其實都冇咩資格嫌棄你男朋友

我都好想有個有錢女朋友

揾得多過佢 咪俾多少少 感情2個人付出啫

爬完文發現，樓主口講唔介意，但其實係你將兩個人嘅關係建基於人工呢個層面上先會令佢覺得自卑啫！兩個人一齊生活，唔一定話要邊個養邊個，大家一齊生活大家都有責任付出，係真心相愛亦唔會計較邊個出多邊個出小。

搵男人係搵個佢有$10會俾$9你嘅，就算搵到個年薪過百萬嘅，佢都唔願意花喺你身上，搵到又如何？

如果樓主真係欣賞男友對你嘅付出，你可以喺除左份工或人工以外嘅地方多d讚賞下佢，多d鼓勵小d比較！佢嘅自卑唔會無啦啦發出黎架，可能係你有意無意間令佢覺得有壓力！

希望你哋可以幸福快樂啦！

我都有咁既情況 同個男仔有啲曖昧緊 但佢都因為係自卑所以唔係好進取 不過其實自己有小小介意因為自己都係想食就食咩 想買就買咩 （咁貴野梗係會諗啦）有時同佢一齊會覺得有啲stressed 因為會唔想佢俾多啲 / 用多左錢咁

八婆姐妹講嘢feel
仲搵埋劉青雲做例子

扑野個陣係咁讚佢, 咪唔會自卑囉