因為我唔記得左個密碼，大學email又無左，所以咪要開新AC囉
要大家等到頸都長真係唔好意思
今次同大家講解下最近曾經風靡全球，人人都想要既皇帶魚
分類與特徵
皇帶魚(Oarfish)係一種好罕見既輻鰭魚(Ray-finned Fish), 生活於海底200m - 1000m既遠洋。佢地屬於月魚目(Lampriformes)入面一個細細既皇帶魚科(Regalecidae)，呢個命名反映出佢地有幾獨特，突到自成一科。
佢地係輻鰭魚，所以魚鰭呈輻射狀，一條一條"刺"咁突出，而鰭刺之間有一薄膜。而當中佢地頭十幾條鰭刺同埋腹鰭好長，而且有啲紅色皮囊突出，形成一個好似皇冠咁既特徵。與其他月魚目相似，佢地有鮮紅色既輻鰭，而且身體垂直扁平。而皇帶魚更係呈條狀，無尾鰭，好似一條絲帶咁。
游水時佢地既魚鰭以波浪式咁郁，從而產生推動力。
生態
頭先都講到佢地生活係遠洋既深海，所以佢地好罕見，而且好神秘。但係有時佢地會游到淺水既岸邊，唔知做咩。佢地游水時個頭會向上望，有時直情會垂直向上游，游姿令人嘆為觀止。
佢地無魚鰾(gas bladder)，所以控制浮力既能力有限。嘴細，牙細，食野廢。佢地食海水中既浮游生物，又或者係細小既無脊椎動物。同時因為咁，我地可以推測佢係大自然當中擔當比大魚食既角色。
傳說
由於佢地好神秘，關於佢地既實質研究就無乜，不過因為佢地咁少見，佢地好多傳說，例如由於佢地幼長既身體同樣衰既面孔，曾被以為係海怪。
最著名既就係佢地被人認為係地震既先兆。2010年尾有大批罕見既皇帶魚游到/被沖上岸，而係2011年，即刻發生左福島大地震。但根據研究，暫時既結論係
地震同皇帶魚既出現無直接關係
食法
雖則講到佢地好罕見咁，但係餐桌上面原來佢地都幾常見
看似無乜肉地
日本仔鐘意一魚四食(煮魚心/魚湯/炒魚球/煮魚肝)
韓仔就鐘意原條炭燒
皮已正
好鐘意睇呢d海洋生物系列 樓主寫多d
唔知啲村民最近點
