記得5、6歲左右 喺朋友仔生日會玩冚棉胎
冚棉胎好考反應 我又鋪鋪都輸

玩到最尾喺全部人面前喊𠹌咗

成長過程都唔特別鍾意玩video game/ card game/ board game/ 麻雀
亦唔會走去研究點玩
咩勁舞團跑online都冇興趣
鍾意玩嘅得尼奧寵物同忍豆風雲

數理又由細到大都特別差
上網做嗰啲睇圖形嗰啲iq test
又完全睇唔明
到大咗入大學 開始要玩房game 酒game
我又極唔在行
狼人又唔識玩 猜枚又勁廢
啤牌又永遠唔識分嗰啲組合(係,我連啲組合名都up唔出 咩乎佬嗰啲

學打麻雀又學極都要諗勁耐
但身邊嘅人就玩到勁行在咁
覺得好羨慕
有冇人都係咁?

每次一到玩遊戲就真係覺得好唔自在
係咪我智商有問題?
