玩Omi 識咗個女仔
一齊嘅時候真係好sweet
日日傾whatsapp傾足成日
直到前日都係咁
但前日一個月紀念日
咁佢本身諗住上黎我屋企煮下飯仔咁
但佢屋企人話唔比佢出 話武肺爆得好犀利
佢得17歲 屋企人管得好嚴 唔知我地拍拖
咁最尾就冇出到啦
之後第二日佢約咗個朋友 男仔黎
咁都冇乜大問題嘅 唔係男就女嫁啦
但佢屋企人又用同一個理由阻止佢
但佢最尾都出咗去
咁我就好介懷
問點解佢約咗朋友就咁堅持出去
但紀念日就反而乖乖地留係屋企
咁佢同我解釋就話 屋企人早兩日心情好差 唔敢同佢媽撐到咁行
同埋佢屋企人都知個男仔係邊個 所以話咗兩句就比佢出
我聽完都信嘅 但個心就仲係有少少介懷咁
咁就係電話deadair咗陣
之後佢就突然同我講我地一齊得太快
好似未係好鍾意我
想分開下
我本身都諗住佢係一時衝動
但佢之後同番我講原來一開始已經咁樣覺得
我地係傾咗十日左右 一出到黎就一齊咗
佢話佢係日久生情個類型
要由朋友慢慢發展成愛情
但同我就好倉猝咁一齊咗
就話仲未係好鍾意我
利申：唔關個男仔事
因為一黎個男仔本身有女朋友
佢之前都有提過話佢女朋友唔比佢出
咁我女朋友就提議double dating
兩pair一齊出
但最尾個男仔女朋友放行 咁就佢兩個自己出
所以我都好信佢
純粹呢個係導火線 所以提一提
依家佢話比兩日佢冷靜下 過兩日再出黎睇下點
佢話自己唔夠鍾意我
但佢去玩靈擺 占卜師話我唔係好鍾意佢
佢都會唔開心成日
前排我同女仔朋友食飯 佢又會呷醋
但佢始終堅持想分開下
話好攰
氹咗兩日好似都冇乜轉機
細個受過好多感情創傷 比人綠咗好多次
呢五年一直覺得自己失去咗鍾意人嘅能力
好難得過咗五年終於鍾意咗個女仔
我真係好唔捨得 即使只係得一個月
但都應該傾咗成過萬個WhatsApp
好希望佢可以回心轉意留係我身邊
腦筍都未生埋
