事緣第一次發生係某日去拎車個陣撻唔起，有ta ta聲同埋啲warning燈著晒。
然後隔咗五分鐘又撻得返，但著咗引擎燈。咁都照行返屋企停車場先因為個到太隔涉，第二日就立即去車房睇，幫我洗咗天風，咁我順便換埋油。
點知拎車後揸咗兩日又著引擎燈，咁我返工咁啱趕project忙，時間又就唔到車房同埋架車又行得走得，只係比之前”立”，冇乜力同油耗大咗，就拖咗冇去搞照用車。
然後有日P波著住冷氣等人等咗起碼20分鐘，然後震過貓王之後死火撻唔著，但隔咗十五分鐘又撻到。
第二日又去車房睇，幫我睇晒水，油，電池都冇事，引擎燈個到就係死氣喉第二粒sensor，換完之後去拎車啦。
點知行咗十公里鬆啲行行下又死火
今日因爲真係好熱就開盡冷氣，唔知係咪冷氣拖住條皮帶。總之冇晒心情，過江龍都冇搭到放低係車房門口就算。如果搭過江龍著到車應該係打南磨問題？ 但點解頭兩次隔一陣又著得返車，上網睇又話有機會係火咀線。
