大家覺得每個月捐10%人工比教會係咪好on9

是咁的 小弟細個開始就跟父母翻教會
但自從入咗U之後開始諗 點解我要翻教會
特別當我發現原來翻間教會就要每個月捐10%人工比佢
我心諗 傻的嗎 我咁辛苦返工 咁咪等如每個禮拜有半日白做
如果捐一兩次都算 個個月捐 條數好cum計 香港地生活水平又高樓價又貴
其實我唔係覺得個宗教有問題 但信個宗教就代表每個月都要捐錢比佢？一定要捐錢先代表我信？

你交稅都重有機會回水一皮
你捐畀教會除咗畀你唱下煮撚狗之外重有乜

現代宗教不嬲都只係搵錢既工具
古代宗教叻d, 可以操控埋人心, 政治同戰爭

係

如果你咁唸，千奇唔好比。
勉強無幸福。
呢個唔係規定又唔應該係規矩。
同埋甚至唔一定係某一個教會。

呢個係一個參考，個人個心真係信，多多都會願意做。
勉強既，唔係甘心既，就唔好比。比左個天都唔認收左。

我都覺 我一直覺得我唔係覺得個宗教有問題 但唔明點解要用奉獻or翻教會呢樣野黎show我係信
無其他唔使奉獻嘅方法咩 又唔係得教會先可以做到果D效果(當敬拜or what else)
但儘管我幾唔同意呢個儀式
基於我阿媽阿爸都翻 我唔翻會好awk同佢地係咁問我點解唔翻唔通同佢講唔想奉獻 實講一大堆聖經理論說服我點解要奉獻
我唔係唔明D理論 但都係覺得唔一定靠呢個方法show我信呢個宗教

緊係唔係個個啦，呢個其實唔系一個要求，只係鼓勵遮。但係重點係比得甘心。唔甘心既地上計，個天係唔計既。

師姐係咪有見解 不如解釋多D我係唔明點解好似要咁做D人先覺得我信咁(如果話自己信個宗教但唔想奉獻咁係信定唔信)

其實同佢地分開教會可能你會無咁大壓力，你奉獻唔應該係因為比面佢，係應該因為你自己同上帝私下既關係去到某個位你覺得你要去回應佢，去比的野佢。應該係好自然既一件事。

我都get, especially宗教會好強調死之後嘅世界，堆積天上財寶bla bla bla 但真係要靠奉獻去達到呢個效果？同埋D錢其實最後咪又去咗教會嘅燈油火蠟同埋傳道人D人工到 真係咁有意義咩

其實隨意架
十一奉獻以前當交稅
依啲規矩都過時

唔會, 教會好多專業人仕/公司高層
奉獻下當識下朋友,擴闊圈子抵比啦

識朋友擴闊圈子唔係有好多其他方法咩點解要每個月攞10%人工做呢樣野

現實D諗，宗教都係機構，冇錢就咩都做唔到。 雖然喺無神論者嘅角度底下，成班都係呃飯食機構。但係如果冇錢，冇收入，你估邊個會整咁多聚會，禮拜，活動比D信徒玩ar 拿？ 到最終就會成間接埋收擋。 當然佢哋唔係政府，唔可以明收錢，唯有令D人自動奉獻。但隨住時代唔同咗，依家興個人主義，教會收入少咗，冇政府funding , 都萎縮緊。 如果有用到佢ge 資源，咪當比興趣班lo, 如果唔打算比錢，就唔好lo 人D著數lo 。

唔係耶穌要錢，係耶穌班𡃁要錢

有人會奉獻，有人唔會，睇自己有幾信嫁姐。

你要知道自己信咩。
信個宗教同信耶穌係兩回事。

信耶穌係相信人個個靠自己做得唔會完美，永遠有罪孽，唔乾唔淨，靠自己積德真係有排搞，都唔知要輪到幾時先唔洗比牛鬼蛇神審。
所以先有耶穌超時空咁落黎一次過頂曬，佢既十字架所受既，一定頂得到你的罪孽，所以牛鬼蛇神黎拉你去折磨既時候佢就會話你已經契左入佢門，你要受既折磨佢一早受左，佢保你。

呢個就係平時你成日聽到既「救恩」。
呢個信仰同所有好多既唔同係你永遠唔會可以靠自己去守曬規矩同變得完美，而係需要佢既幫助。佢就係想做你朋友同幫你。

鬼唔知一成係好多咩？但係到同耶穌真係拍到心口既時候，做好朋友既時候，點會計較？ 如果唔係因為一個關係，比黎做咩？守規矩只係一的好表面既野，個心唔響就係假野黎。

每個人呢條信仰之路都係有唔同步伐，唔同帶領，係要自己行，每個人同耶穌建立既信任關係都唔一樣。
呢個信，唔系指相信（believe）,係指信任（Trust，faith，love）

宗教係假既
信宗教就會變成宗教主義。
但同耶穌既關係需要係真既。

想問下仲請唔請教主

利申 小學宗教攞A

用個腦諗吓，耶穌點會要你啲錢，佢係至高無上嘅神
要你啲錢嘅人，係凡人，係停留喺物質層面嘅人

即係我，捐俾我啦

認真答你
唔係一定要捐㗎
亦唔係要捐咗先代表你信
成件事係掉返轉
你信 先會心甘情願捐
你唔想捐冇人會逼到你
（起碼我間教會冇 從來都冇人過問我有冇捐）

你依家唔想捐 覺得捐咗好蝕底
可能係你未真心信 只係自細跟父母返而返
或可能你係信嘅 不過好軟弱 未過到自己個關啫
所以信都唔代表一定要即刻捐/捐足10%
窮嘅唔係個個捐10% 富嘅要學唔止捐10%
唔捐亦得 每人學嘅功課都唔同
但你要禱告求主帶領
以有朝一日有能力捐又心甘情願捐為目標

利申
一直冇奉獻 仲突然失埋業
之後返份新工收入double
依家感住恩咁奉獻十份一

你出來做野
用10%人工都識唔到醫生律師會計師朋友啦