（長文慎入）同男朋友交友app識，一齊左半年就分左手

第一次開po，因為我真係好唔開心，飯都食唔落

同男朋友交友app識，一齊左半年就分左手

一開始傾左1個月左右，好似幾岩傾咁，咁岩有套電影我好想睇，但因為係動漫太毒冇人肯同我睇，我同佢呻，佢竟然主動話同我睇，仲話順便食晚飯，咁我梗係好開心，就應承左。第一次見面佢緊張到跌左隻碟落地，我覺得佢真係好怕醜好q，約會完左之後佢日日都話好掛住我好想見到我，第二次出街佢已經主動拖我手，咁我地就一齊左

雖然只係短短半年，你地可能會覺得好小事，但對我黎講我地好似識左十幾年嘅老夫老妻咁，我地經常會鬥咀，打打鬧鬧咁，半年入面我同佢已經去哂港九新界，離島都去埋，我覺得成日可以同自己中意嘅人一齊感覺好幸福

但日子耐左，啲地方已經去到冇咩邊度好去，其實好多時我只係想見下面，就算黎我屋企坐下又一日我都冇所謂，我只係想見下，但佢覺得好無聊好哂時間，雖然我有ps4，但啲game佢唔太中意玩，但我又唔去得佢屋企，因為佢媽多數係屋企，佢媽唔太中意其他人上去佢屋企，所以冇辦法

早幾日終於可以見面，我好開心，但我地平時會打打鬧鬧，整黎整去咁，但今次佢真係整痛我了。佢本身都幾大隻，就算冇用盡全力都可以整瘀我，但佢今次扭親我隻手，真係好痛，但因為我地平時都會咁玩，所以我好認真咁同佢講我痛佢都一如既往咁話我抵，佢覺得我係玩

我好嬲，我同佢講分開下，我意思係分開冷靜下，因為我一嬲就會亂講野，咩都鬧，但佢以為我講嘅係分手

過左幾日我嬲完，但佢都冇搵番我，我覺得唔可以比呢件事發酵咁耐，所以我主動搵佢傾下，我認左錯，唔應該為左咁小嘅事講分開，但佢原來唔係嬲我講呢兩個字，佢係覺得我地性格不合，係我地冷戰呢幾日，佢諗左好耐，覺得我太痴身，成日chur佢同我出街，佢覺得冇自己私人時間，覺得我逼得佢好辛苦，係我冇搵佢嘅呢幾日佢反而覺得輕鬆左，但其實我地每個禮拜都係出2次街……我自己覺得唔算太多……但無形中比左壓力佢……

其實我真係好唔開心，雖然係交友app識嘅，但我好認真，唔係話佢玩玩下，但點解唔一早同我講？我覺得主要問題係冇好好咁溝通先會搞到今時今日咁，但佢不嬲都唔係好識表達自己嘅人黎，所以我真係唔知點。同埋，我覺得既然最終都知道左個問題，我又唔係唔肯改，點解唔可以比次機會大家磨合？就咁散左其實我覺得好可惜，難得一齊點解要分開？咁當初又點解要一齊？我真係好唔捨得你

算啦
交友app係咁
上連登識過個

覺得男人講到出口話‘唔同你一齊更輕鬆’嘅時侯就真係無得掹 算啦 當攞經驗值

屎眼有無受傷？

交友app識嘅係咁上下

你憑咩覺得自己可以綁到一個浪子

肯定個男仔係玩玩下 一個星期兩日都覺得多
我同男朋友都係交友app識
由一開始一個星期見兩三日
到而家幾乎日日見（半同居）
每日都掛住對方
唔存在冇自己空間既問題
大家想做自己野 同對方講聲就得

但依家咁嘅時世，返工返學冇得揀就話啫，一個星期見兩日其實唔少，畢竟每次出街都係賭緊全屋人嘅健康

我同你相反……一開始係日日見，我真係唔知佢諗緊乜，成日有野又唔講……講真佢有野做例如考試咁，我一定會等佢搞掂哂先叫佢出街

樓主情況同你一樣。。但係角色調轉我係男仔

喊到眼都腫埋

gayyyyyyyy

但佢覺得好無聊好哂時間
佢覺得對住你好晒時間喎
仲講乜

一星期見2次都多
因為要留時間俾其他人

因為我一嬲就會亂講野，咩都鬧，但佢以為我講嘅係分手

唔好用嬲做excuse, 又唔見其他人嬲會亂講野?

連登子一係毒撚一係就fuckboy

爭啲以為自己開post
只係我同佢未分手咋
不過都打定輸數

其實有野咪講，咩都唔講我真係唔知你諗緊乜，係都要谷谷埋埋一次過爆最後分手收場