忠告DSE考生咪入浸大　十大理由越睇越心寒

道地蜂蜜綠茶 2020-07-22 11:47:34

1.宇宙最苛刻普通話畢業門檻

好多人入嚟都唔知，浸大係全港唯一一間有普通話畢業門檻嘅大學。你讀完中小學九年普通話課程，入咗嚟浸大都會逼你讀普通話課程，一個星期讀3個鐘，考拼音對譯、電腦口試，唔合格就唔畀畢業。學生已經通過公投決議取消門檻，但科大、理大相繼改善措施後，只有浸大仍然死攬門檻，繼續殘害學生。如此野蠻，點入得過？

2.成績年年下跌，頹勢已成

自錢大康獨裁治校曝光，中學生奔走互Tag，紛紛提點切勿報讀浸會，以免四年青春遭普通話暴政摧殘。浸大近日低調公佈收生成績，山神統計調查發現，以中位數計，浸會 DSE 收生分數暴跌整整一級（Level）。

儘管浸大部分今年改以六科成績收生，令人難以比較；但以中位數計算，五大科目均錄得一級跌幅（見圖）。以五科收生嘅學系結果更明顯：理學士、視覺藝術院平均成績跌穿20分，報19.54分及19.57分。

3. 入學獎學金只夠交學費，熱錢勁射大陸人

浸大虐待本地生，豈止普通話一單？高層今年又再奔跑大陸搞宣傳會，以每年高達19萬，四年總共68萬獎學金吸引大陸學生。相反，本地學生最高入學獎學金只有4萬2千（即免學費），仲要一次發放。公平咩？學額經費源於納稅人一分一毫。大陸學生所交學費，本來就比學位成本少13萬，即係已經得到巨額補貼，點解仲可以攞咁多獎學金？山神追問大學高層，至今未收過任何回應解釋此「獎學金一國兩制現象」。

（至於非入學獎金，大家都有份攞，但金額遠遠不及大陸學生獎學金年年19萬之多）參考資料：Admission Scholarships, Office of Student Affairs, Hong Kong Baptist University. 2018（見Comment）
另外，浸大本地生獎學金全港最低

4. 大陸學生泛濫假大空嘅國際化

唔好以為大陸學生多唔關你事。BU係全港最高大陸學生比例嘅大學，佔非本地生達94.2%（八大平均為76%）。事實上好多Department都會收多大陸學生，變相收少本地學生，從而推高Jupas分數，所以你睇Jupas分數報名，佢下一年都可以谷高。大陸學生仲專享高額獎學金，每個一年十七萬，就係無本地學生份。
5. 中學型家長式「全人教獄」

你以為入到大學，課程架構會唔同晒？錯喇，入嚟浸大，你唔係讀緊你想讀個Major，而係讀緊似足中學規格嘅通識課程，要學生讀中文、英文、數學、體育、普通話、宗教、社會科學、理科、商學、歷史、美術、演講（PS）等多不勝數嘅通識課程，質量參差，但全部都計入本科學位嘅Gpa，令你疲於奔命，最後先發覺原來四年光陰心力，都唔係用喺你本來想讀嗰科度；高層口號嘅「全人教育」，淪為學生嘅「全人教獄」。
多年校方都話「知衰」、「改革」，最終換湯唔換藥

6. 校園膳食難食到爆

浸大蟬聯「7U豬餿飯之王」二十一年至今。主權移交廿載，人面全非，世風日下，唯浸大餿Can千秋萬載，一統江湖！

7.冷血學校學生私隱、安全通通當笑話

人講車禍校園，佢講車禍校園，浸大對於交通問題漠視不理之餘，仲好意思講笑、仲好意思宣傳計算機科學系成功研發咗個「駕駛人士疲勞檢測及警告系統」，奪得第 45 屆日內瓦國際發明展電腦科學組別優異金獎同瑞士汽車會大獎。

之前仲有畢業同學發現，填寫畢業禮門票登記報名表，會自動跳轉到一份問卷，強逼同學填寫月薪以至對學系、學校歸屬感，方會放行，否則冇得領取門票，雙親無法出席觀禮。

雖然電郵聲稱問卷係不記名統計，但同學發現，問卷有一隱藏頁面，按「上一頁」會到達封面（如圖所示）。當中聲明強調問卷並非匿名，學生編號、姓名、學系、電郵皆會向調查部門披露。即係話，問卷資料唔係僅作統計調查，校方會藉此知道每個畢業生對學校嘅歸屬感等個人私隱。

校方更曾試圖設立辱校罪，幸好過千師生同學抗議下成功阻止！

8.交通配套極差

大家唔好當浸大info day架校巴係真！實情學生日日都焗住曬住行／排長龍坐小巴返學。獨市小巴仲年年加價，短短車程已經加至$4.7！

山神與同學試過盡最大努力，搵日租過校巴接送師生往返，大受歡迎。但校方仍然對設立校巴建議紋風不動

9.上莊要考牌

上莊係大學生活一件大事，同學往往都可以透過服務自學到啲知識；不過，浸大高層似乎就唔係咁諗。你以為上莊，唔理校政就可以置身事外嗎？BU今年居然乘勢推出新政策：為咗逼學生讀名為「CODE[1]」嘅領袖課程，不惜以學會本有權利相脅。假若學會唔派代表出席CODE，將被禁於七、八月借用學校場地，以及參與賣物周活動等。

10. 喺大陸都可以拎到浸大學位證書！

如果你有3322，其實就可直入我地位於大陸珠海，北京師範X浸大嘅国际学院。你睇，張證書印到一模一樣，照有林鄭簽名架。你係唔係驚浸大臭名遠播嘅普通話畢業要求啊？我哋珠海版浸大乜嘢都似，但就係.無.普.通.話.畢.業.門.檻.架！聽到都放心晒啦！
北京師範X浸大嘅国际学院以證書同浸大一模一樣，喺升學攤位做宣傳。

你係唔係驚浸大臭名遠播嘅普通話畢業要求啊？我哋珠海版浸大乜嘢都似，但就係.無.普.通.話.畢.業.門.檻.架！聽到都放心晒啦！

source: https://gongjyuhok.hk/articles/2472?fbclid=IwAR3OqCyflmaBLema0xjyYydqqer-QkWwFHtCw2QaY45wmIh6Bw-ZcpVoQHg

電腦玩家死全家 2020-07-22 11:49:33

PUSH