DSE放榜 經濟系 你問我答

「sec up + 其他技能 + 語文能力」最好
原因已經有巴打講咗我就唔重覆啦

至於點樣準備就業，我覺得係做intern。
仲要唔只做一份，要做多啲，盡可能搵更好嘅公司嚟做。

你想像吓畢業搵工嗰陣，喺interview同人地講自己喺幾間銀行做過，甚至喺ibank做過。聽落絕對吸引過零intern first hon同瘋狂上莊嘅人。

瘋狂上莊嘅人嘅CV就會好似依個人咁：


你諗吓邊個吸引啲啦。

推

經濟學到底係讀啲乜嘢？
讀咗之後對你搵錢會唔會有幫助

Bba 定 e&f 比較好？

個人來講整個經濟學課程係傳授你一套邏輯思考方式去衡量事物嘅利弊從而作出批判

其實所有學科都對你搵錢有幫助

首先讀一堆數學，然後再讀一堆用數學build出嚟嘅經濟模型。
最後你從中就可以學到經濟學對一些現象的解釋，例如知道信息不對稱嘅影響、知道貨幣政策的原理等等。

如果你讀得通，仲可以學到經濟學家處理問題嘅方法，改變自己嘅思維模式。不過依點唔係人人做得到。有啲人真係DSE + 大學7年都仲未識得由邊際(marginal)嘅角度去思考。

至於對搵錢有冇幫助，你假設完全冇幫助會開心啲。如果你要學搵錢不如讀專科，唔讀專科都可以讀finance，甚至學返門手藝會仲搵錢。

Finance 都唔會喺呢個效果

對於讀唔通既人黎睇就係學d用唔著既野，都係堆數

唔知點解成日都有個誤區就係讀咩有用d,除咗真係it related business courses , 有個course 證明你有讀過打code 呀，其實你真係諗學到用得出黎既，你讀唔通咩科都唔實用

個人睇法
睇你咩bba 我會話enf 會比較好
bba generally 都係啲theoretical 嘅嘢 (eg marketing, management)
而我個人成日都覺得呢啲吹水嘢好似個個都吹到下
而enf 就practical啲咁

都係嗰句 個人睇法 不嬲都唔太鐘意吹水科

巴打講得好詳盡呀，所有econ學生都應該認真睇下點樣為自己嘅career path鋪路。

如果本身英文ok加埋intern經驗真係好有競爭力。
不過CFA level 1我覺得唔係必須，好多人入行之前都冇考，亦都好多人考完都入唔到行。

所以有冇用其實要睇返你自己plan個條career path

如果人生有得重來我應該會揀A&F 係佢哋眼中「實用」嘅科目

Cfa level1 除咗某啲特定field (e.g asset management / hedge fund) 如果唔係通常都唔會係必要 只係showcase同你econ人但係都有Finance knowledge + 肯比幾百個鐘去讀

Separate Econ 同career 黎睇會讀得開心d其實有好趣既一科

特別係cu Econ既同學仔，因為唔係business dept 搵工相關support 真係唔多，好處係自由度大同無話一定要做business，可以enjoy 讀既野，但take it serious 係重要

我都係碰碰撞撞咁grad，都希望讀緊個陣有人同我講呢d

Cfa level 1係拎黎攞interview，同埋係入左行放係卡片既一樣野黎，要讀其實又唔係輕鬆

其實想問下點解econ啲人好似general 都好頹好negative咁

有同fd傾過，可能因為marginal cost > marginal benefit

Level 1 有讀過下finance 就輕鬆既，我每晚1,2個鐘溫左個零月咁
Level 2就可能2/3個月開始溫，最後個個月weekend 同last week 請假咁溫

難就唔係話好難，但真係好撚多

有無d咩example係現實唔識用邊際概念？

唔一定關工作事，我舉三個例子講econ sense依樣嘢。

第一個例子係關於邊際概念。
例如討論香港應唔應該用郊野公園啲地嚟起樓咁，好多人會認為郊野公園好重要，一吋都唔郁得。但係如果用邊際角度去思考，就會諗幾多嘅郊野公園土地先係optimal。如果郊野公園重要到一吋都唔郁得，咁係咪應該進一步擴大郊野公園嘅面積？

第二個例子係價格嘅重要性。例如分析一隻股票嘅時候，有啲人淨係會分析間公司好唔好。但其實價格都好重要，垃圾公司如果股價夠低，可能比股價高嘅優質公司更值得買。

第三個例子係講競爭。
之前搞黃色經濟圈嘅時候，有啲黃店倒閉但同時有新嘅黃店開業。有人就鬧依個時候開業嘅黃店分薄哂個餅，建議大家集中幫趁existing嘅黃店，以免繼續出現黃店倒閉嘅情況。如果你知道競爭嘅重要性，就會知道咁樣只會令黃店嘅質素變差。


依三樣嘢可能讀完7年econ都唔知，亦都可能唔讀書都知，好多人會覺得係common sense。知道依啲common sense亦幫唔到你搵工搵錢。

講起邊際概念，我覺得大學生應該點樣分配時間都可以應用邊際概念。

有啲人可能鍾意學術，結果大學4年淨係不停讀書。GPA可能去到3.7，但係其他嘢就放棄哂。
不過你擺愈多時間落去讀書，讀書嘅邊際回報就會愈嚟愈低。有時可能花啲時間追求其他嘢，放棄少少GPA，但係換取更豐盛嘅大學生活 / CV，可能仲好啲。