考沙駕入嚟吹水

想問吓各位師兄 如果我之後想補鐘搵學車駅定學車易好啲 定係另搵師父

明白
咁我唔使咁急
另外想問佢係咪會有教學片？
因為我駕駛知識比較弱
之前跟師傅，但你知，唔係好多師傅識清楚講解
偏偏我係一個需要清晰說明嘅人
所以想去沙駕，打番好啲基礎

想問埋我駕院得6堂 建議補幾多當先足夠

所謂嘅教學片唔算好多
都係講下基本嘢
最重要就係個4條路線嘅精華片段

佢有幾堂理論課可以上
佢教學片都係講啲基本操作

明白 岩岩問咗240一堂 每堂45分鐘

咁佢講錯咗 唔該師兄

不過一開頭我以為要俾租車費

個人覺得最有用就係考試個四條路線片 其他佢都有既 但無咩用 始終條片開緊幾快同你現實開幾快唔同 睇片好難學 要清楚說明都係要師傅親身講 你只能夠希望搵到個師傅係講得好啦咁

啱啱報咗學車駅補鐘
肴望可以學到多啲嘢

駕駛學院係可以乙丙部分開兩日考嘅。報名果陣揀定就得。

你都排咗考期，就算疫情影晌而要改期，可能都係遲2-3個月左右，我建議你考埋呢次先。

依家香港愈黎愈多人學車，考期排好耐，你一轉沙駕，條隊只有比排街場更耐，分分鐘排到出年夏天先至有得考，到時你未必抽到時間再操，好大可能會放棄。

至於依家個師傅，嘅然咁忙，咁難book，你又練到想喊咁，睇黎師傅真係同你夾唔到，咁就唔好勉強，轉人啦。

你個轉唔到彎、行唔到直線嘅問題，其實係唔應該咁快出去練考試路線，甚至唔應該出有車嘅路；因為路面太多嘢行黎行去，你係會更驚、更集中唔到、更手忙腳亂，然後坐你側邊果個師傅只會更燥底。

所以咁情況係要去一個無車嘅地方，不停咁練兜圈同直行+轉波+開停車，兜到熟為止、然後先出路面練吓過死車、cut線睇鏡果啲嘢。

呢樣嘢係無需要晌駕院練架噃。亦都唔需要咩特別高明嘅教練去教你，你只需要一個師傅，好冷靜咁坐晌你側邊，同你練返啲基本操控，等你建立返信心。

考埋呢次衰咗先至諗駕院啦。
但記得要轉師傅。

香港運輸署係建議學神們要晌考試之前要有30小時嘅駕駛經驗。

30小時呢個數字唔係駕駛學院想cap水自己吹出黎，係以前香港仲係英國殖民地果陣，香港政府跟英國果邊嘅統計數字計出黎。

唔好信其他人話學多幾堂就得，個個人唔同。

睇返依家英國考駕照，已經唔係要求30小時咁少喇，依家係45小時上架駛課，再加22小時練習(類似P牌咁)︰
https://www.directline.com/car-cover/how-long-does-it-take-to-learn-to-drive

你買咗幾多堂？

暫時2節
我見佢都有叫有得揀
近排又wfh
所以想試試先

5年前河畔一take pass，輕鬆

係唔係要等恢復考試 師傅先可以幫我報快期？

想問三手駄掉頭，練習個位係咪同考試個位一樣？
同埋個位係平路？定係好斜嘅斜路？會唔會有車經過？

駕院有冇舊生介紹新生優惠？

而家報沙駕，大約幾時先考路試?

考沙駕咪係你平時練習果幾個位

想問係平路定斜路？