有冇人基本裝修 訂櫃 廚廁 窗 全部分開搵公司整?

好似大部分人都搵一間公司/裝修佬 包全屋然後同你講40萬埋單

有冇人散開自己搵唔同公司上屋整唔同部分? eg 油牆拉電線搵裝修 入牆櫃另外搵訂櫃公司 sink盆水喉又另外搵
咁做會唔會好麻煩/比貴左?

最憎呢d貪小便宜 好似裝冷氣又要自己買埋部機驚死蝕俾你咁

咁度縮好心全部自己做算啦

上次裝修，搵咗想要既電器同裝修公司講，請佢搞掂。點知，條友收我喺百老滙影型號個價，仲要冇單，住咗一個月後抽油煙機壞咗，問佢拎單做保養，佢話間鋪太亂搵唔到

電器野直接去間鋪買好d? 大鋪比錢又連埋安裝 又有保障
經裝修公司硬係覺貪一時方便 會水鳩你

On9 電器自己買 好平常
定係你連電器都唔識買？

你manage到咪得

自己落埋手整會更平

分開搵 你自己會好唔得閒 除非你唔洗返工

約時間上門煩? 諗緊例如整櫃同地台床 都係照講要求照整 另外搵訂櫃專門店可能仲有多d款揀
係驚安裝時間撞裝修佬時間

啲時間會撞到仆街 你ok 咪得

要夾期
同一個裝修師傅夾時間同溝通 有時已經激到仆街
仲要夾多幾個 不堪設想

會搞長裝修期好多
有時間搞同唔急入伙可以試

分體機就一定要另外搵熟手師傅裝

我基本裝修，櫃，窗都分開搵
馬桶，五金，浴屏都係自己分開買
其實無咩問題，不過要比心機搞

貪平搵到手工差嘅師傅，你唔會搵到好嘅師傅翻手

應該大部分人都係咁？

你可以試下想睇你到時中完伏開post

仲裝修緊，泥水，油漆，木工，電燈，冷氣等等等，全部自己一行一行人搵番黎。

係可以慳到錢，但有個首要條件係，你要識管班人同埋排到期，我自己做building N展既，所以都識d皮毛，唔夠膽話識得多。

但同你講有閒錢既，搵人搞算，我自己都可以講係行內人，都覺得好辛苦好煩咁樣做法。

樣樣都要自己夾，自己睇同收貨，對我黎講無問題處理到架，但真係心身疲累，行外人建議唔好咁做。

收唔到貨你叫佢重做?

同埋你唔熟悉個流程，好易要翻手，例如邊個時候應該做地板，邊個時間應該做油漆呢？ 錯左次序就可能要翻手再做。

舉個極端例子等你易明d，做曬石膏板天花先發覺原來個天花頂無留線比電燈做燈。

緊係啦，做之前都講左我個底線係邊，做到鬼五馬六咁樣點收貨，但成個過程手工問題不大既，係棺材山地都要你理個下煩。