走投無路 求認真意見

本身爭緊出面大概廿萬
哩幾個月失業開始還唔起財仔
想問下大家如果冇入息，有冇方法仲借到錢
只想捱過哩一兩個月搵到工

另外，想問下破產大概要幾多錢？
我真係好唔想死，求方向

債務重組？

本身做乜 有幾錢收入

起一起樓主底，又賭，又煙。
點解有負債都仲要食煙

上【破產討論區】問人啦

冇做ptbf？

已經戒左煙 戒埋賭
一心諗住捱三年清哂筆數
點知哩幾個月就失業 已經還唔起財仔了

做物流行業 失業中

其實係咪都要錢

https://t.me/whatshouldidoar

師兄係咪有計

認真問下
1：你差緊財仔幾錢?
2：點解有銀行唔借就去借財仔?
3：你唔破產既原因係咩?
4：你已經還咗3年?
5：你有無諗過問銀行借一筆固定借貸去還左財仔再同銀行做債務重組?
另外想同你講下：咩叫錢
錢就係你付出勞力+時間去換錢
你還財仔還咗3年又要重頭黎過，沒完沒了既話
你同奴隸無咩分別，負債=奴隸
你諗辦法找清條數，減埋生活開支，淨返落黎既淨資產先係真係你既錢
食煙，飲酒，賭博，呢D全部都係奴役你既工具

1.兩間加埋大概廿萬
2.因為當初借錢係為左借一筆去清卡數 慢慢還
比較下發現財仔仲低息過銀行
3.破產係咪要錢？其實我都唔太了解
4.我還左一年幾，中間有再借過
5.冇入息 可以點樣入手？仲有邊到可以借？

我一直都係咁諗，戒煙戒賭諗住慢慢還
點知一個疫情就收左皮 份工都冇埋
搵左幾個月都搵唔到

感激ching嘅認真答

做住foodpanda先?

你破產都無用
你需要既係每月固定收入

1：嘩，你大洗用左20萬定係賭呀?好奇問下
2：一般人係銀行都唔借先走去問財仔借，同埋財仔都仲有分1,2,3,4,5線。
聽講破產既話，1線財都未必搞你，2,3線打後既破產都無用。詳細，你問下連登/破產討論區啦，會有人答到你。
3：破產係要錢，好似一萬，同要搵律師搞。呢D，你GOOGLE都應該搵到啦。
4：我還左一年幾，中間有再借過
咁你理財真係極有問題，呢D情況，你破完產都未必改到你既本性
5：可以問邊個借，真係答你唔到，你都見連登呢排日日都有人屌人借錢唔還，反映其實好多人心入邊都好憎人借錢，你有屋企人既，衰衰地都要搵佢地商量。
BTW，我係你既話，20萬，你還極都還唔曬，中間仲要再借錢，難聽D講句：你根本還唔起，債務重組/破產算啦。

我一直都係咁諗，戒煙戒賭諗住慢慢還
點知一個疫情就收左皮 份工都冇埋
搵左幾個月都搵唔到

睇到你呢幾句就知，你根本無下定決心去戒(仲諗緊)
你呢20萬，如果係大洗導致，咁都唔係一朝一夕既事
你負債成3年，20萬。
你唔好講到非戰之罪咁啦
你完全係衰係自己手上，毫無危機意識。

一開頭係5萬嘅
之後個陣接觸左賭 就成日覺得可以嬴一大舊錢
一次過找哂條數就冇壓力 點知輸左又再借
中間幫過女朋友 又借多左筆

另外一條數就係上年有兩個月失業過渡期唔知可以點
就借左筆錢等搵到新工
一路都還得好好地 有少少錢淨下
直到最近哩幾個月

其實ching你講得好啱，我之前梗係衰戇鳩
冇理財概念先搞成咁
我一心想重新開始，又比個難關我
我已經經歷過幾次哩種絕望，真係覺得好攰

我都想破產，但我手頭上冇錢可以點做？連開飯都成問題了
屋企親戚唔會幫到我，其實我仲養緊老竇

btw我個句諗緊係指ching你下面哩句
你諗辦法找清條數，減埋生活開支，淨返落黎既淨資產先係真係你既錢
其實我已經戒左一年

其實，你作為一個賭徒，理應好明白咩叫【三更窮，五更富】
個個人，都總會行衰運，總會有難關，無架，都係唯有死頂，捱過去。
我就咁睇返你呢段野，就覺得係一個好大既教訓，呢個學費真心貴，睇你有幾珍惜呢20萬帶黎既反思。
人地用20萬讀到一個大學學位。
你咪唯有樂觀咁諗，你俾左20萬上左人生最寶貴既一堂囉(社會大學)
但前提係你真係要深刻反省你呢個錯誤
你係幾個錯誤糾纏埋一齊先走到呢個地步
1：賭
2：借錢
3：無紀律(賭都要記數啦)
4：無危機意識
5：無持續進修，最起碼，你呢D生活要知既野，你都好似一無所知咁
破產都要1萬，政府派果1萬你咪拎去搞破產囉
你屋企人又幫唔到你，你由以前就咁大洗，又無咩社會概念
斷估都係窮家子弟，咪破產囉，你都唔會諗買樓架啦
有手有腳，捱到落去，怕咩呀
你咪試下去啲戒賭既社福機構問下，你呢個情況有無得申請綜援+點還債囉

我會咁認真覆你都係因為我真係識個人係咁ON9
因為大洗最後要搞到債務重組

多謝你嘅意見阿ching
我會再認真諗下。
難過亦過

巴打唔洗怕，我識個朋友先17歲已經賭到輸20萬

唔怪得你咁認真覆, 巴打真係好有愛
PS:原本打算上一頁