[回帶系列] 紀伊半島祭典溫泉之旅

正呀, 近, 多野玩, 野又好食
冇得輸

景點上面都差唔多去晒, 自然景觀多
不過我係濃縮版, 你 expand 做2日1夜都夠玩
同埋 tore tore 我冇相, 介紹得衰
去買新鮮海鮮即場食都幾爽 ga
唔浸你都可以住溫泉旅館 relax 同食野

我應該直接去紀伊勝浦/新宮住兩晚。方便去熊野三山
之後再插入去伊勢神宮

熊野值得3d2n, 可以去晒三宮同行一行熊野古道
跟住再係伊勢 or 伊勢附近住, 伊勢要預 1 fullday 如果行晒外宮 n 內宮

熊野三宮真心正.由其是那智大社

Day 2: 白濱 - 紀伊勝浦
 
第2朝起身 hea 下浸下溫泉先
跟住早餐就對住呢塊草地食
遠處有d 海景, 係relax既
(sor, 冇影佢 d 食物 counter)

 
整多碗三文魚子飯先
我地住完呢間旅館都覺得, 值得 encore
有機會可以試下 d 貴 1-2 級既房型, 成個 presentation 會再靚仔 dd

 
呢幾日既 pattern 都係食完早餐就搭車去下個 point
今日我地搭JR 去紀伊勝浦, 個半鐘車程


post d comment 都有人講過熊野三山
其實即係代表熊野既三間主要神社, 速玉大社, 那智大社, 本宮大社
佢地分別代表過去, 現在, 未來


我地呢個 trip 會 focus 係那智大社
係車站隔離紀念品鋪放低行李
之後搭巴士上那智山去睇那智の扇祭り(那智扇祭/那智火祭 )
祭典主要係送神明回歸故土, 那智瀑布


祭典係那智瀑布下面既飛瀧神社舉行
最出名就係大家係 intro 睇到既火舞, 御火行事
下面條長既石級就係等陣火舞既地方
有 d 瀑布聲, 兩邊係好高既松樹, 環境都幾正

 


那智火祭係日本其中一個好出名既祭典
樓梯2旁都企晒人, 好熱鬧
觀眾同等陣火祭既樓梯都隔開幾米, 幾安全下

 
那智瀑布係信仰既發源地
佢個傳統係用火清潔條樓梯
之後俾神明落去飛瀧神社
等到咁上下就開始見到 d 人入場
呢 d 火把睇到都覺得重, 成 50kg 一個

 

 
跟住就見到神官入場主持祭典

 
佢載住八咫烏既裝飾扮神明使者
同埋點火奉獻

 
呢 d 火把仔就梗係前菜 la

 
話咁快主菜就點好
現場個溫度真心高左少少

 

 
睇住佢地一路行一路舞
完全係力既表現

 

 
佢地係我地下面行, 隔幾米都感受到個熱力
2個人一組, 一個拎火把, 一個幫手噴水

 
見佢地都不停交換火把, 應該超級辛苦

 

 
D 火把一路舞, 樓梯上面有 d 人開始行落黎

 
佢地舉住一塊塊紅色既扇牌

 
每一塊牌就代表一個個神明
再一路搬入去飛瀧神社
即係神明係瀑布下面聚集既意思

 
之後 d 儀式就主要係瀑布同神社果度
條路唔係闊又多人上上落落, 我地離遠影相算
睇到差唔多就閃

 
講起影相
那智山有個好 iconic 既影相位
係瀑布下面一路行上去就見到
呢個景叫做"大滝遠望"


古時有唔少人係京都行過黎熊野三山朝聖
佢地古時有個傳統, 伊勢へ七度, 熊野へ三度
即係一生人要去伊勢神宮參拜7次, 熊野參拜3次
所以山路都有好多神社寺廟係度俾人參拜
而三重塔係青岸渡寺既建築

 
大家去開日本都知道, 日本人好尊敬自然
三重塔 + 那智瀑布 match 埋就好似人文同自然既共存
係那智山既象徵


to be continued

有時間我都想去晒三間神社
那智大社正呀, 加埋條瀑布好似世外桃源咁

啲相好靚

thanks
唔怕辛苦有拎相機嘛
不過日本睇祭典堅開心

個祭典係幾時舉行

那智火祭每年都 fix 係7月14日
祇園祭就成個7月都有活動, 高潮就 7月16, 17日

諗住平日去算,太多人

樓主既然去到白良濱點解唔去睇円月島，行幾分鐘就睇到架喇喎

我嗰陣住白良濱既白良莊，黃昏時間由円月島個巴士站開始行，沿住個太陽一直慢慢行去白良濱方向，中途就會慢慢就到個大陽喺正円月島個窿度，不過可惜嗰日太多雲只係隱約見到少少太陽。日落後再行多幾分鐘到白良莊，跟住無耐就食晚飯，時間啱啱好

大家都係那智瀑布，點解我去嗰陣水力好似弱咁多，個瀑布仲要唔係垂直落，竟然喺斜斜地落

懶, 果時搭車經過円月島
大家都唔想落車影相再行路去白良濱

白良莊個位置岩岩好呀, 你夏天去？
一出門口就沙灘

其實又好睇天氣既
通常春天融雪或者雨季會好水 dd
如果水弱既話, 可能俾風吹到斜

我諗那智山一年係得呢日比較旺

由巴士站行去白良濱都唔使20分鐘，話晒係白濱最有代表性景點竟然唔去？

不過通常大家都係等日落個大陽落去個窿度影相，其他時段少啲人去。我嗰陣去仲有幾個日本妹搵我幫佢地影相

我嗰陣3月尾去，想睇櫻花但都係太早，見山頭都係得兩棵櫻花樹開咗。我去白濱嗰日落雨，沙灘冇人，跟住喺雨中去三段壁，好彩落去下面洞窟度唔太受影響。之後去千疊敷後停咗雨，雖然去円月島時影唔清楚個太陽，但好彩個夕陽影射到啲雲又藍又紅咁都幾靚。第二日就好好天，食完早餐就落去沙灘行吓，海同沙都好靚，但發覺沙灘盡頭望上去係見到酒店個露天溫泉，當然最多只望到人頭，睇唔到全身的

lm

我三月尾去都係春天，明明網上睇三重塔同那智瀑布既相好有氣勢，但我就由遠行到近，任何角度都影唔到嗰種氣勢，個瀑布又幼又唔顯眼

經過我話落車睇, 佢話曬
又見到大逆光影唔到相, 所以係巴士睇下算

我地今次都算好彩, 全程好天
有冇相睇下你果日既日落

我地就7月梅雨季去, 水量會多 d 但如果落大雨就 gg
之前春天融雪係美國睇瀑布, 水量大到癲
不過那智本身水量都唔係太大就真既

你有冇去齊熊野三山？