到此為止 COVER

https://youtu.be/SDES2RPp2wU

起碼冇走音先👍🏻

但ching你咬字好似有d問題

我會改善下

香港樂壇已死

未死 仲有林家謙

可以考慮下唔好好似死老母咁鍊住條喉嚨唱歌

我練緊

你依然係將嗰個位置放喺個口入邊，，不過係好過以前好多好多，依家係要將個力加大，個口要擘大少少，唔好諗住顧住形象，唱歌冇形象嘅，你係聽聲唔係睇樣，要感覺得到自己口腔面部嘅肌肉係完全運用緊嘅

或者再揸住啲重嘢喺隻手嗰度，迫自己用力，搵返個重心出嚟

之後就開始將把聲放出去個口出邊，打好基本功之後先再學技巧，Keep住每一日都要學呼吸，吸吸吸，呼呼呼呼呼呼呼呼，最基本都要呼氣一個八拍，你好明顯都係唔夠氣嗰啲人，外國嗰啲係要一路做運動一路保持呼吸

唔該巴打好多謝你肯花時間指點下我

如果你真係想唱好嘅話，練習真係好重要，我試過病咗一個月冇唱歌，之後都退步咗好多，真係要keep住日日都練習

https://joox.page.link/uiKbDB
音準無樓主咁好，
留歌學野

https://www.youtube.com/watch?v=xn17YIE4TmY
我都留歌學野
求高手教點唱呢首歌

我就唔係好熟呢首歌啦，所以我喺YouTube聽咗陳奕迅版本同埋呢一個女仔嘅版本，首歌其實冇咁高音個喎，可以放返低把聲先啦，但係如果另一隻呢，你可以繼續強化你嘅假音，成首歌都用緊呢一種音樂去唱，不過，要練返好嘅音色靚先，因為你唔穩固，用呢一種所謂嘅假聲去唱，就會聽落令人唔係咁舒服，但係如果你打好咗個根基，即使用呢隻聲都可以聽得好舒服

https://youtu.be/XRvJHOqpAY4

呢個韓國男歌手就係用假聲唱歌好出名，你想好似佢呢個方向發展嘅話，就要打好過根基練好個音色，如果你想好似一般流行樂歌手咁樣嘅，咁你就放低把聲，然之後用肌肉整實佢

https://youtu.be/WSej5_xY_Po

同一首歌由另一個歌手用實聲唱，你就知道啱啱用假聲唱嗰個有幾難。

睇吓你想點發展啦，之後我再研究吓點樣幫你提升技巧

大哥可以訓練下我嗎，我想進步

我覺得你嘅問題係應該自信心不足，唱得細聲咗啲，同埋呢段錄音結他聲大大聲，同埋本身首歌我唔熟唔知道音準如何，但係就咁聽落去其實係OK嘅，但係好冇個人風格，如果你係話係想行伴唱路線嘅話，咁樣就繼續落去係冇問題嘅，因為伴唱係要抹煞自己嘅個人色彩

但係如果你係想做歌手，或者咁啦，你想唱好少少嘅，試吓俾啲個人色彩落去，我覺得可以加少少韻味落去，即係例如會有節拍停頓，抑揚頓挫，即係喺歌曲開始嘅時候試吓低音啲輕鬆啲，中間嘅時候加多少少力度俾多少少感情，收尾嘅時候再自由發揮，咁樣整體聽落去咪唔會好平淡囉

唔知點解我覺得你可以試吓唱下達明一派嗰啲歌，忘記她是他丶禁色嗰啲，因為都係放鬆把聲黎唱，我覺得應該可以適合你，而且放鬆得來亦都有張力，唔會一味鬆晒。

你可以再將首歌較慢少少，你節奏快左啲啲，同埋打返散個節奏，我個人風格啦，我鍾意打散個節奏黎唱

即係
窗—邊雨水——拚命地乀侵擾安睡

其實廣東話歌好多都幾好聽，同埋師兄你聽開啲咩歌啊？睇吓我可唔可以介紹一啲好歌俾你唱下

利申：自己聽開廣東話韓文英文日文，當中韓文歌我識得嗰啲歌仲多過本地人，廣東話歌我都識得好多，英文歌我主要聽開八九十年代嗰啲

如果女歌手嗰啲歌OK嘅話，你可以試吓王菲嘅又繼續等

可唔可以點歌？
蘇打錄 小情歌
王菲 執迷不悔
許美靜 明知故犯

想聽～