點解連登仔屌極OMDB，佢都贏到？
連登只係深黃群組既極細subset
OMDB贏咗，代表法治同精英仍然係大部份深黃共識，我地可以不斷屌佢地離地
但我地亦要反醒下，我地既觀念其實係連深黃群眾都有相當差距
深黃共識唔係一時三刻改變到既事實
呢個時候，連登仔唔應該執著有咩泛民議員出選
而係專心諗點樣可以最大化本土又或者係非傳統泛民既餅仔
點解初選得票比例絕不可靠？
大家見到唔少本土派成功出閘，但絕對不代表本土個餅仔變大咗
要記住，本土派人少但動員力高，好多本土派衝出去投初選，表面上初選本土派好似有進賬
但到真正選舉時，淺黃普遍較難接受本土派
所以幾乎肯定本土派既得票例，係會顯著下跌
咁究竟要點配票？
假設１：大部份淺黃票會流入傳統泛民手中，部份會分比非傳統泛民（例如黃之鋒隊人）
假設２：淺黃選民唔會配票，而既然你會配票，你就已經係深黃，所以你應該盡量避免投淺黃會投既人
所以，我建議大家配票要有以下原則
原則１：本土派盡量投返本土派，因為本土派係少眾（港獨支持比例不足20% ）。
原則２：要夾埋朋友家人一齊配票，絕對絕對唔好睇住連登配票（連登係極深黃，唔可靠）。
原則３：尊重個人意願，建議配票者投自己最接受到最黃既參選人（本土＞非傳統泛民＞傳統泛民）
例子：你＋家姐＋老豆＋你女朋友，四個人配票投新東（係呀，你老母係藍
）新東淺黃接受率分析（純例子）：OMDB＋林卓廷＞陳志全＞何桂藍＞范國威＞家成＋匡
家庭背景：你同女朋友係本土派，你老豆開通但接受唔到激進，你家姐係女權撚想投返女人，你好撚唔鍾意范國威
結論：你自己投匡，你女朋友投家成，你老豆投陳志全，你家姐投何桂藍
原則有時會出現衝突，以上亦都只係例子，實際操作就要靠大家發揮
